嚐館 (Moved) New Location

和同事補祝生日，便約在位於灣仔天樂里的嚐館慶祝，貪佢有麻辣雞煲、有小菜兼可以打邊爐，最適合大班好朋友邊食飯邊飲啤酒傾計。同事好貼心咁預先打去問餐廳有乜推介，咁岩佢地可以預訂奄仔蟹! 好幸運地我地訂得到! 真係多謝餐廳老闆，佢話因為奄仔蟹係季節性食品，可遇不可求，連餐廳都未必有把握攞到貨的。 我好細個已經聽過奄仔蟹，但一直都未試過，於是上網WIKI，原來"奄仔蟹其實是來自鹹淡水交界、約3個月大、未曾產卵受精的幼年雌蟹"。唔怪之得，果然一蟹難求! 今次冒著膽固醇超標的風險，都要試一試。第一道豉椒蒸蟶子，食海鮮最緊要新鮮，蟶子咬落彈牙，豉汁味道調得剛好，唔會偏咸。椒鹽九肚魚，外脆內軟呢碟望見到流口水的手切安格斯肥牛，物有所值冰梅骨，梅味開胃，排骨肉質彈牙，岩晒我鍾意食甜酸口味既人女主角出場：鹽焗奄仔蟹!!! D蟹糕咇晒出嚟，個心諗：唉...以後食唔番點算?如果奄仔蟹是女主角，咁麻辣雞煲就係男主角了，麻辣味調得平衡，唔會偏埋一邊，所以連我唔食辣既人都可以試...D雞肉好嫰好入味...打後加驚喜小菜：鐵板屈大連鮑魚，鮑魚新鮮，姜蒽夠惹味後加送酒小菜：炸豬手配嚐館秘制醬汁，香口豬手配啤酒，YUMM

今次與舊同學敘舊及討論南美旅行大計，由於大部份人也住在港島區，有人提意在灣仔或銅羅灣區吃飯。我記起之前有朋友講過在灣仔有間新開的餐廳，小菜不錯的，我便提議到這裡一試。餐廳坐落於安樂里，W Square後面的小巷，餐廳外面冇乜特別，但入面夠光猛、坐得舒服。舊同學J先生想吃清淡D嘅餸菜，當時未人齊，我又肚餓，就點了椒鹽魚片頭作小食，一邊食，一邊等人齊。魚片頭沒有想像中的野味，但魚片頭口感不錯，軟硬適中。友人想吃川椒牛肉，但其他人又不吃棘，待應說可以叫廚房整小棘，我們便點了小棘。牛肉抄得好野味，不到五分鐘已被我們KO了。之後來的是XO醬帶子蒸豆腐及蒜茸蒸勝瓜。勝瓜很清翠，啱晒J先生。我比較喜歡XO醬帶子蒸豆腐，XO醬夠野味，帶子新鮮，加上滑滑豆腐，很好的配撘！我們一行四人再點了冰梅骨及通菜。冰梅骨有我最愛的酸甜味，熱棘棘入口用來送紅酒最正。餐廳八時左右已差不多坐滿，餐廳不是很大，我們坐在餐廳一角，很舒適自在。我們談到南美旅行大計、以前大學生活的趣事，真的很開心！待應不時過來問我們對食物的評價，大家也很正面。晚飯後，待應送上蕃薯竽頭糖水，愛吃甜的我十分滿足。

近排我與不同朋友的飯局竟然係雞煲，雞煲，再雞煲。第一，二個雞煲係出名的店(九龍區)，今次試試新開的嚐館。因太餓所以叫了小吃 - 豬腳及魚片頭。豬腳跟麻辣汁賣相不吸引但很好味，不加麻辣汁也很夠味，酸酸甜甜的很開胃，我們未吃完已再叫多一碟！雞煲叫了小辣，雞很滑，醬汁夠味但因之後加湯打邊爐就較淡了下次應該叫中辣。打邊爐的料中，冰豆腐是乾身的峰巢，不像其他餐廳般一磚冰的拿出來給客人。墨魚油炸鬼可以即食，但我們都覺得放於煱中淥一淥更好吃。還有自家制炸魚皮，又薄又脆！魚類就只有龍躉片，新鮮肥美，希望下次有多點選擇！

公司大人聚餐,同高層食飯,好彩朋友介紹老闆同胡總都很喜歡一枱6個人,天氣炎熱都唔知叫咩食好, 這餐廳老闆娘主動介紹幾道菜給我們 ( So Nice )炸豬手~很脆, 蒸龍躉正,真係要推介麻辣雞煲~ 食完雞再配那木炭麵真係一流墨魚油炸鬼好有驚喜 (( 下次一定再叫))

失望而回聽過幾個朋友都對佢地有好評, 而且係新開, 特登同朋友黎食, 食物: 上台時間大十分慢,大約等了35 分鐘才上第一道菜! D菜色係十分普通貨色, 好似用油撈過,只是將D肉同其他配料冇味, 食D麵太冧，無咬口彈牙，完全無味道!!總結: 一定無下次，浪費 時間，差差差，不知知所謂但是服務員態度十分差，黑面、沒禮貌，這是服務業應有的態度嗎？？

同事們想試下新嘢，便趁星期五晚放工到左呢間新開既"嚐館"試試。咁大班人當然要預早訂位，尤其係星期五晚! 間餐廳就在北海中心後面，在軒尼詩道，見到個藍球場轉入橫街就見到。門面係用紅色方型燈箱，再配木材，頗有中國特色。7點未夠我地便到左，餐廳未爆，但大部份枱都已有RESERVED牌。餐廳面種不算大，有齊大中細枱，我地7人被安排坐在貼牆的長枱，枱櫈頗寛敞，體型大既人都唔會嫌窄 侍應服務態度殷勤，會同你傾計，推介下餐廳既招牌菜，有點像舊式餐廳的老伙記，人情味十足。食到8點半已有好多WALK-IN客問有冇位，看來餐廳名聲不錯。先嚟一味出面餐廳少見到的山葵子竹炭冷麵WASABI加上彈牙竹炭冷麵，味道出奇地配合，白芝麻令冷麵更加香口。這款作為夏天前菜真係好適合山葵沙律安格斯牛肉粒沙拉骨食過好多次，WASABI CROSSOVER 沙拉牛肉粒都係第一次食，牛肉粒被煎得外脆內嫰，成功將肉汁鎖住，加上WASABI沙律醬既酸甜辣味，真係好夾。蒜蓉粉絲蒸元貝食海鮮只有一個重點，就係新鮮! 元貝蒸得剛好，蒜蓉味道亦調得適度，唔會搶晒元貝既鮮味。蒸籠仔荷葉龍躉飯(特別加蝦版)有位同事唔食魚既關係，為左遷就佢，我地

本人於昨天到訪此間新開張菜館, 舖頭設以內街不顯眼, 但店內環境古色古鄉, 非常優雅。食物方面我當天晚上試了麻辣雞煲，真係麻辣得來,又非常香噴噴，真係令我回味無窮。另外還有墨魚油炸鬼 及 炸咸朱手加秘製醬汁, 又脆又香。除了呢幾款招牌菜式, 還有海鮮/小炒, 真係很多選擇, 至於服務質素尚可。所以值得推介給各位朋友。