四寶食堂 (Closed)

呢間餐廳位於旺角豉油街好大間,餐廳以藍綠色為主色仲有粉紅色既花花牆,入面座位闊落,我地叫左一份晚餐有忌廉湯,仲有沙律跟餐,牛肉沙律配有醬汁好醒胃,主菜叫左一碟拔絲山楂汁菠蘿咕嚕西班牙黑豚肉,咕嚕肉新食法有拔絲既甜蜜拉絲酸甜口感好似人生有甜酸苦辣既酸酸甜甜,菠蘿好大條,黑豚肉比起平時普通豬肉而厚肉外脆內軟,仲有一份羊膝配薯蓉,薯蓉香滑羊膝超大隻,封門柳真係勁淋牛柳厚切,好有肉味，茶餐廳黎計算係抵食。

旺角四寶食堂開左一段時間都未去過 今日放工想食茶記晚餐小菜就諗起佢了板燒80z紐西蘭極級西冷牛扒（五成熟)跟沙律菜 餐湯 牛扒好大塊 肉質都幾嫩沙律菜都有幾塊牛肉 餐湯係薯蓉湯 養生燉湯套餐 有主菜 、燉湯 同飯 再加左$28 要前菜同飲品主菜 湖南土厞鮑魚雞煲 好有獲氣 鮑魚都有三隻 雞件都唔少 蒜泥白肉黑毛豬前菜黎講份量都好夠多 黑毛豬好入味 配埋蒜泥更香拔絲山渣汁菠蘿咕嚕西班牙黑豚肉見到個個個都話必點 所以都叫左黎試下 一般既菠蘿同咕嚕肉係撈埋一齊 呢到係分開既 新鮮菠蘿好甜 咕嚕肉俾拔絲山渣汁包住 食落好香脆 味道酸酸甜甜咁 又好開胃 好快就ko 晒了最後叫左杯黑糖珍珠奶茶 呢到係港式奶茶 原來同黑糖珍珠都好夾再經過會試下佢既常餐 同快餐 好似都唔錯咁

以 Tiffany blue 🦋為主色調嘅四寶食堂 ，裝潢好有心思，有一塊好啱打卡嘅花花牆身，採用嘅吊燈亦係月球🌕形狀，而且價格貼地，每碟菜式都係大大碟，唔怪得人流不絕，都要排一陣先可以入座💪🏻🔅喜哥蔥油豬扒太陽蛋飯 $65豬扒🐷超大塊，肉質鬆嫩，而且仍然保留到肉汁。太陽蛋🍳整得好完整，而配菜嘅蔥油亦爆得香口，單單用蛋黃哥或者蔥油撈飯已經食咗好多飯😋🔅瑞士汁炒牛河 $68用瑞士汁炒帶有少少甜味，牛肉🥩份量唔少。有別於乾炒牛河，用汁炒會令河粉較為濕潤，不過亦唔會太油膩👌🔅雞翼著條 $68雞翼炸得香口，外脆內軟。著條本身已經灑上味粉，唔點茄汁亦夠惹味😍🔅熱港式奶茶 (餐送；原價$18)🔅黑糖珍珠港式奶茶 (跟餐加$10；原價$38)茶餐廳風味，只係珍珠略為硬咗少少🤏

🌟港鐵旺角站E2出口 4分鐘路程🌟#平民餐廳#中西fusion #高質茶餐廳呢日喺旺角做完嘢 同朋友就嚟到呢間 Tiffany blue ge 茶餐廳食晩餐🤗🌼板燒美國頂級封門牛柳＄188-有配上牛肉片沙律菜唔好睇佢只係前菜 果兩片牛肉都幾正架！-封門牛柳好juicy 好稔 唔煙韌🌼八珍甜醋小茴香大蝦沙律 ＄88-用上傳統香港出品ge 八珍甜醋 配沙律 好新穎！大蝦仲好新鮮！🍤🍤仲叫左個晚市套餐！🌼九層塔豉椒炒蟶子-配燉湯 😃-蟶子 雖然唔大隻 但係份量好多 好好鑊氣 🔥🔥跟餐 叫左飲品- 奶茶 香滑 茶味濃- +＄10 熱情果冷泡紅茶

早幾日開完會咁啱喺旺角,醒起有個朋友住喺附近,就試吓約咗佢出嚟,諗住傾吓近況，實在太耐冇見啦😊點知一約就約到喎👍我哋就嚟咗呢間四寶，不過佢嘅裝修格局都比較高級少少，見到店主都有心機，裝修有好多打卡位，尤其係滿佈花朵嘅牆身，令人眼前一亮😍😍當日餐廳裏已經坐滿客人，我哋都即刻落返點餐，叫咗炒飯、炒河、兩個沙律同一個甜，佢跟餐仲有飲品😋泰式香辣肉碎炒飯 呢個一上枱見到平平無奇，有啲失望😮‍💨估唔到食左第一啖就停唔到口🤤🤤炒到夠唒鑊氣、而且飯粒又夠乾身，香味十足😋 瑞士汁乾炒牛河打開menu,俾佢張相吸引到☺️即刻勾起我嘅食慾☺️牛肉份量比例多，又係炒到好有鑊氣，不過瑞士汁偏甜，我感覺鍾意平時嘅多少少🤏 如果你係鍾意食甜嘅就好啱你☺️大蝦沙律配柚子汁呢個份量適中，大蝦都好彈牙，而且又有薯蓉，薯蓉有粒粒口感，非常唔錯😍不過最鍾意都係佢個柚子汁，非常畫龍點睛🤤🤤煙三文魚凱撒沙律由於覺得頭先個沙律好食，諗住點多個，點知呢個份量大到🤣🤣最後我哋都食唔晒呢個沙律，佢連煙三文魚都係比出邊嘅多好多倍🤭🤭非常抵食蕉糖香蕉班戟呢個充滿新鮮感，沒有想過餐廳可以看見這種甜點🤤🤤造型可愛又特別🥰質感是較硬身的蛋糕，配上雪

餐廳面積大 空間闊落，環境休閒舒適，裝潢呈小清新風 以湖水綠為主調，花花牆身配搭月亮吊燈 打卡一流📸食物方面提供多款多國菜、小食、甜品及飲料，選擇豐富 款式創新，價格合理 份量多，性價比高👍🏻 適合約會或朋友聚會🥂 餐廳人流很多，需要排隊稍候🙆🏻‍♀️晚市二人消費：$388 🫧不設加一服務費🫧═ ═ ═ ═ ═ ═ ═ ═💖💖💖食評💖💖💖𝑨𝒑𝒑𝒆𝒕𝒊𝒛𝒆𝒓 🐄沖繩醬油煮牛筋 (Set +$28)✨ 味道不錯，煙韌有咬口 𝑺𝒐𝒖𝒑🍶養生燉湯 (Set $Free)✨ 滋補暖胃，好足料，滿滿的蟲草花及姬松茸𝑴𝒂𝒊𝒏 𝑪𝒐𝒖𝒓𝒔𝒆🦐星加坡黑醬油胡椒粉絲大蝦煲 配米飯 ($118)✨ 熱騰騰，鹹香惹味！粉絲份量多，味道濃郁 胡椒味突出，配上白飯一流🤤 附上三隻大蝦，爽口彈牙，好飽肚好滿足🥘台式三杯鮑魚爆雞煲 配米飯 ($108)✨三杯雞醬汁香濃惹味，味道值得一讚👍🏻配料有青椒、洋蔥及三隻鮑魚，鮑魚軟腍有咬口😋𝑺𝒏𝒂𝒄𝒌🍟黑松露美式炸薯條 ($58)✨ 推薦！熱騰騰 新鮮出爐，鋪上香濃惹味的黑松露醬，夠香脆 好好味🔥𝑫𝒓𝒊𝒏𝒌🧋黑糖珍珠港式奶茶 ($38)✨十分香甜，珍珠份量多 好煙韌😚🍹長野縣白

旺角呢間招牌好大個，超易認既四寶食堂，睇裝修會以為食物走貴價路線，但原來價錢都好貼地，食物有質素之餘，仲要環境幾好，裝修又靚。黑醬油胡椒粉絲大蝦煲🍤粉絲煮得十分乾身，加上有大大粒胡椒及黑醬油調味十分惹味。蝦亦非常大隻而且新鮮。山渣菠蘿咕嚕西班牙黑豚肉🐷豬肉彈牙，炸到脆好有咬口，一上枱就熱辣辣出哂煙，菠蘿成條上，好甜賣相亦得。粉紅草莓雲朵🍹真係好少女心，係士多啤梨奶，上面的cream好香奶油味。

四寶食堂今晚約咗男朋友去旺角果間食晚餐，因為食開北角嗰間嘅早餐係好好味，所以對旺角呢間都好有期待。滿心歡喜同期待去食，點知食到男朋友一肚火，我食完仲疴到九彩😫😫😫排咗一陣隊就可以入席，一入到去，見到人山人海咁，個個座位亦好窄，坐到好迫，極度吾舒服😫😫男朋友叫咗羊膝（$158），我就叫咗封門柳5成熟（$188，個價錢比以前仲貴咗$20添😩😩）。等食嘅過程中，留意到侍應不停上錯野俾隔離枱，係隔離左右兩張枱都上錯，啲服務真心好hea 同吾憂做咁😒😒等咗一陣，我地啲食物終於到了，羊膝賣相ok正常，封門柳就ok好差，只有幾舊西蘭花同幾舊乾爭爭嘅牛扒。我哋試咗羊膝，味道正常，不過煮得太熟，啲肉好韌。重點嚟啦，所謂嘅封門牛柳賣相真係肉酸，表面睇好乾爭爭，好硬，切開再睇，基本睇得岀係五成熟，食落口冇乜特別，唔覺好好味同好淋，我覺得同西冷冇乜分別，又乾又硬又鞋，仲有根添。配菜嘅西蘭花同様難食，咸到簡直都食唔落，好似倒咗成樽鹽落去個幾舊西蘭花度咁😡😡😡一邊食，我個胃就喺度痛，好辛苦食完，我個胃已經係痛到講唔出聲，之後搭車返屋企，個肚超級攪肚痛，返到屋企成晚屙咗三次😭😭，疴到腳都軟😭😭😭好心啦，$188食d

時間嚟到夜晚嘅11點，地點旺角區，喺呢個時間好多餐廳都已經收得七七八八。係呢個寒冷嘅黑夜之中，今晚有啲想食個出前一丁，於是嚟到呢間尚未收工嘅四寶食堂。佢有一個宵夜餐，做到嘢晚11點半，時間真係啱啱好。叫咗呢份瑞士雞髀一丁，$44。瑞士汁雞髀甜甜哋。雞脾唔會話入面唔熟。一丁啱啱好爽口，麻油係另上。

呢間Tiffany Blue嘅冰室好搶眼，中午去好多人排隊，見中午時間除左主食都有小食可以叫，但店員話個負責員工無返工所以食唔到😂🔸大阪醬油鰻魚炒飯（HK$88）鰻魚切粒份量還可，配翠玉瓜都幾新奇👀🔸瑞士汁炒牛河（HK$78）雖然睇落好深色但都唔會太鹹，成碟份量食完都幾飽～🔸花生醬西多士（HK$38）西多士都唔會太薄，即叫即整好耐無食啦🤟🏻🔸雪糕紅豆冰（HK$15）🔸紫薯雪糕拿鐵（HK$15）特飲大大杯，飲品都比較甜🍹

成日都會叫四寶食堂外賣，堂食應該第3次～黃金滿屋黃金海膽忌廉大蝦意大利粉 $72洋蔥、豆芽、紅辣椒、黃辣椒配菜，水狀少得既黃金海膽忌廉，掛汁意粉些！大蝦幾爽口鮮肉。發財好市，橫財就手黃金蝦仁炒飯配髮菜蠔豉炆豬手 $78髮菜蠔豉比較咸既新年菜，討個好意頭！蠔豉份量多大大隻。豬手腳入味有啲肉地！香煎香草豚肉眼 $45豚肉眼好軟軟入口，幾好味！嫩滑炒蛋也可以改煎蛋，嫩滑炒蛋幾實厚多多。另有胡麻醬田園沙律！蔥花鹹牛肉蛋治 $38幾抵叫，厚切三文治！蔥花鹹牛肉唔過鹹，幾好肉地！瑞士汁雞髀配菠蘿油 $42瑞士汁雞髀好入味，燒過既瑞士汁咁甜甜！瑞雞髀肉甜美，大隻啲更好！菠蘿油脆油！柑桔蜜順喉好甜，爽！檸檬菜蜜清新帶開胃！檸檬茶、檸檬水as usual啦！

四寶食堂原來有幾間分店之前試過北角嗰間分店，啲嘢都幾好食所以今次喺旺角見到就encore 中西合璧，融入港式嘅風味好彩我哋排隊都唔係排咗好耐，前面都有成10個人左右，等左10分鐘到啦。等到我地可以入座嘅時候店員之間嘅溝通好似有少少問題，令我有少少嚇親。希望有改進下講番食物先，我地叫左幾樣野，因為咩都想食🤭🤭🤭餓鬼投胎開始就上咗個餐湯先，南瓜🎃湯幾好飲啵隔離再配個打卡既花花牆沙嗲牛肉麵配火腿炒蛋丹麥包味道：🌕🌕🌕🌕🌑評價： 好少夜麻麻食常餐，但真係俾佢個沙嗲牛肉吸引咗，真係無得輸，佢個沙嗲牛肉好濃味 ，炒蛋好滑好creamy，有淡淡既牛油香味，丹麥包亦都係烘底🤭燒美國極級牛板腱配薯條味道：🌕🌕🌕🌕🌑評價： 油脂會出過肉味，肉量同薯條量亦都好多，一個女仔食呢個餐已經夠晒飽，最特別係佢嗰個配菜係少見嘅蘭花苔，食落口感似西蘭花同菜心嘅混合體 同肉類幾夾👍燒美國頂級封門柳配沙律味道：🌕🌕🌕🌕🌘評價： 相比起牛板腱， 封門柳嘅牛味會比較出，但油脂味會相對少，啱晒啲鍾意食牛味出但唔想咁油嘅人食。沙律係煙三文魚沙律唔係剩係得菜，有驚喜，而配菜都係同牛板腱一樣都係跟蘭花苔黑胡椒粉絲大蝦煲味道：🌕🌕🌕🌕🌗

1. 瑞士汁乾炒牛河（95.5/100）個瑞士汁有層次，唔係死咸，帶少少甜，好食，牛河炒得夠乾身，一啲都唔油，牛肉夠淋，但唔係拿到“淋謝謝”嗰隻，上準之上，好食！2. 煙三文魚凱撒沙律（90.5/100）嚟到嚇一跳，份量好多，真係抵食夾大件，要讚下塊多士都好食，熱辣辣，脆卜卜，煙三文魚有成4大塊，大滿足，有誠意！3. 鹹蛋黃松露雞翼（93.8/100）雞翼嫩滑，一啲都唔鞋，鹹蛋黃同松露醬都夠多，咁邪惡先至夠好食！4. 加錢叫士多啤梨雲朵同埋阿華田雲朵，都好好飲（93/100）總結：食物超多選擇，價值合理，又好食，唔怪之得3、4點都仲要排隊，不過好彩唔駛排好耐，排咗大約10分鐘就可以入座，一定會再幫襯！

非一般嘅茶餐廳，中西合璧，選擇勁多，乜都有得食，而且食物新穎，味道又好，份量又勁足，幾個朋友都好滿意，平時想食好啲又唔想咁貴，就要去試吓啦🥰煙三文魚凱撒沙律，$78估唔到茶餐廳都食到咁新鮮嘅沙律菜，煙三文魚足足有五、六塊咁多，仲有塊多士，除咗沙律醬，仲加入芝士粉，健康又好味👍🏻山楂菠蘿咕嚕西班牙黑豚肉，88非常值得一試嘅咕嚕肉😍😍佢同坊間嘅做法唔同，外層勁脆，仲拉絲嘅，有啲似食拔絲地瓜嘅外層，入邊嘅肉竟然唔會好肥，大大嚿啖啖肉，好正，適合幾個人share一齊食，記得要試呀🥰香辣燒春雞，$108燒春雞除咗隻髀，成隻都冇骨嘅，好易食，真係啖啖都係肉，而且肉質好嫩，佢嘅辣唔係平時食嘅辣，好熟口味但係又講唔出係咩味，可能係冬陰功嘅辣。佢仲配埋薯條同埋西湯，非常飽肚。晚餐c餐: $98是日晚餐就包埋老火湯、飯同飲品，非常足料同埋好飲嘅湯，而主食都有幾款選擇，我哋揀咗黑松露蘆筍帶子炒蝦球，勁多蘆筍同埋帶子，仲有大大隻嘅海蝦，非常彈牙，絕對係健康之選👍🏻港女西多士，$48想知西多士有幾港女，所以叫咗一份嚟食😆原來係加咗雪糕同埋朱古力醬，果然夠港女夠邪惡，勁啱打卡。食完咁多鹹嘢再食返啲甜嘢，真係好開心

天氣似暖還寒，是日跟朋友去了旺角吃西餐，很喜歡這兒寛敞坐得舒適的格局，餐牌種類樣式繁多，要中有中要西有西，由小炒到全日早餐甜品均齊全。實在要花上不少時間才考慮清楚我們想吃什麼。是日燉湯是毛花果黨參，湯頭足料，很香藥材味，滋潤甜甜的。紫薯雪糕拿鐵大大球滑溜雲呢拿雪糕跟紫薯味挺夾，大杯又解渴，不算好甜，真有紫薯香。薑蔥炒海蜆大蜆肉不少，不止殼多，肉也不少，沒沙且炒得十分入味，帶酒香，放入大量薑蔥一齊炒，做得味濃。孜然京蔥爆炒羊肉片羊肉不膻，量大方，有少少孜然調味，香香辣辣，幾好下飯。黑松露露筍珍珠帶子炒蝦球用了蒜蓉洋蔥黑松露醬炒的蝦很大只，和洋蔥爆炒得好香，珍珠帶子口感佳，露筍粗綠亦鮮味。燒美國頂級封門柳牛扒要了五成熟，切開內部還是充滿肉汁，粉紅鮮活，汁料並無喧賓奪主，牛肉香氣更是撲鼻而來，口感不錯。原個蒜頭帶點酥脆，夾著扒吃更顯美味。另外的配菜也可口碧綠，啖啖爽脆。食後感：環境衛生，坐得很舒適，但竟和茶餐廳一樣，沒有加一，有些少驚喜。