四川風味小吃

Open Now

Now Closed

特别正宗，好吃😋满满四川特色。已经吃了三四次啦，希望老板可以一直一直开下去。真的是很香很香的辣椒油，推荐凉皮凉面加猪皮和鱼皮。微辣就不错，中辣有点太辣了100分推荐

問個姐姐仲有冇野食賣 佢就話收舖 但當時係2點半未夠，之後再問佢收幾點就完全當你透明無視你仲要西我面🙄🙄真係呢世都唔會再買囉 態度又差質素又每況越下被錢叫我再去食我都唔會再去🙄🙄

平時夜晚都會買的宵夜，如今令人失望越來越差，沒味的涼皮酸擺左一日估計，過去講阿姐串不認叫打給老闆，沒電話，話自己是打工人，其實做的咁嘮氣建議不好做，叫明天揾老闆，永不會再幫襯，成兜沒吃過，平時另一個阿姐態度好多，會講酸左不好吃住費事屙肚，這個黑面神，阿姐理都不理，根本不在乎會不會吃左有事死不認，記得初開新店是波鞋街到現在好多分店，物是人非，今天是這樣的態度估計將來店鋪好快消失，這次買教訓，永不幫襯，影衰香港，對待本地人都如此，希望不要騙遊客生意對社會有不好影響

呢間嘅麵條比較淋 唔夠爽口 但係麵條較幼身 所以好索辣汁 食到尾嘅時候開始feel到啲辣味衝上嚟 食落花椒油味好香 面頭有好多辣椒碎 配料唔算多 但花生都沾滿辣汁 令口感豐富 不過調味較咸 適合重口味嘅朋友

今時今日，閒閒地買杯嘢飲都唔止呢個價錢，呢兜川辣涼皮真心好抵🤩同時，十分欣賞拌麵果位叔叔，見到佢每一碗都好用心撈，唔係話多人等就快手快腳搞掂佢👍🏻題外話，咁啱前面排隊有兩個西客，不斷厚面皮地要求比多啲呢樣果樣，又企正係鋪前面分野食，擅自攞餐具⋯最後叔叔終於忍唔住開口鬧冇禮貌的客人，欣賞佢冇吞聲忍氣，堅守小店原則😆四川麻辣涼皮 $25除咗價錢抵之外，份量亦十足，麻辣味恰到好處叔叔俾料毫不手軟，青瓜絲、蠶豆粒、辣菜莆、蔥蒜芫荽，樣樣比齊，好滿足～

旺角中心越嚟越多小食店，可以邊行邊掃街👀到假期下午時段好多時都會無曬涼皮/涼麵🤧💜手工涼皮$25+牛肚絲$12(小辣)$25一碗淨涼皮，會有小量青瓜絲、黃金豆、菜脯、芫茜、蔥，涼皮好滑，撈得好均勻每塊都好入味，加配既餸份量都好多，小辣都已經好辣，不過食到尾聲個底會偏油麻辣牛肚絲一早已調好味，爽口入味唔好睇佢細細碗，食完都飽肚再食就會膩之前試過其他小食一樣好食😋另外黃金豆甜甜脆脆真係好好食🫣

怕辣人士建議食BB辣*（平時食開10小辣）每次去旺角中心我一定會去食呢一間四川涼皮每次去親都大排長龍今次配左牛肚，我覺得牛肚都唔錯之前有食蓮藕，覺得蓮藕相對比較辣但係口感都係相當之脆卜卜海帶絲唔會好腥唔會太辣食到嘅因為有啲餸，會比較辣係真係食唔到我真係好怕辣份量，我通常都會叫一個餸因為其實都好抵食 $40唔使就已經可以當一個晏晝正餐可能比較鍾意食重口味嘅食物所以四川涼皮真係好啱我口味重點係佢唔會話好凍 因為之前食嗰啲涼皮比較凍，我就會覺得好難入口 大家一定要去試吓

今日去開旺角shopping，去到下午餓餓地，既然經過旺中，於是就又去行下發掘下d特色小店。途經一樓既時候，我見到左幾個路人都拎住一兜好大碗既麵?! 再行前少少就見到呢間四川風味小食，抱住「咁多人食應該唔伏」既心態，一於試試佢。手工涼皮 + 豬耳 + 蓮藕 ($25 + $10 + $10)$45有咁大碗涼皮，仲要食到底都仲食到有配料，性價比幾高👍🏻 首先個半透明的涼皮唔係條狀而係塊狀，仲要塊塊都有半隻手掌咁大，煙韌又有咬口。配料方面本身已經有青瓜絲、芫荽同蔥花，但既然食開，就叫多兩款配料試下。我叫了豬耳&蓮藕，兩者份量都係超多，豬耳口感又韌又脆，仲有好多膠質，涼拌一流。蓮藕爽口，撈埋d麻香調味之後超入味。口味方面，整體調味以麻辣為主。麻香感比想像中重，唔算好辣，不過有少少後勁。