圓圓車輪餅

Open Now

Now Closed

回頭度🍪9/10｜人均消費💰~$20-30-🤍阿華田雞蛋仔 $23即叫即做脆卜卜 熱辣辣😋阿華田味極重極濃🍫就算放涼咗 都有煙韌口感下次想試埋車輪餅😍-味道🌕🌕🌕🌕🌗抵食🌕🌕🌕🌕🌑

本身想食雞蛋仔，但見到好多人等緊，咁叫格仔餅應該會快啲，所以就叫格仔餅。唔算等好耐就已經有得拎。一拎上手，見到格仔餅比平時厚身，開頭仲覺得奇怪，但原來食落有驚喜。咬左兩啖， 原來係滿滿嘅榴槤蓉夾左係餅入面，好滿足！除此以外，仲有平時格仔餅嘅糖同花生醬，夾埋一齊食味道都夾喎。 由於格仔餅比平時嘅厚身，食左一半已經開始覺得飽。個人認為糖可以少啲啲，因為榴槤本身已經有一定甜度，仲要有花生醬，咁食落會無咁漏。

買咗兩個車輪餅一個麻薯一個金沙吉士, 兩個都勁重榴槤味, 對於唔食榴槤嘅人嚟講簡直係惡夢一啖都食唔到. 店主如果唔諗辦法分開榴槤味， 好難再幫襯！！！車輪餅係好食嘅蛋味濃軟熟， 就係因為個榴槤味咬咗一啖之後再食唔到

佢地嘅雞蛋仔無論咩口味都好食，粒粒飽滿！格仔餅熱辣辣十分足料🫶係我最鍾意嘅雞蛋仔舖頭😛雖然開店時間match唔到12點半放午餐嘅人，但一樣好食！老闆亦都係好好人，我已經食到變熟客咁制🤣

呢間鋪頭係我同阿囡每次經過葵芳必定幫襯既小店！由我細個開始就好鍾意食雞蛋仔，但唔係間間舖頭整得好食，即使有啲排晒長龍既舖頭，我試過佢哋既雞蛋仔都係覺得一般，直至有一次我經過呢間試過佢既雞蛋仔後😍，係啦！就係我鍾意既口感同味道啦！由果日開始，我每次經過會幫襯，不過都試過突然惗起好想食，會專登由屯門搭車出去買黎食😂。每次去都會嘗試唔同味道，今次我同阿囡試咗Oreo雞蛋仔同埋阿華田麻薯車輪餅，呢兩樣都唔會太甜，我自己較鍾意雞蛋仔，好香好脆！每次食都覺得好滿足，好幸福🥰。同埋呢間舖頭有好多款唔同味道既雞蛋仔、格仔餅、車輪餅，睇住店主跟住order整唔同既餅，真係好治癒🤣🤣🤣呢間既雞蛋仔真係好好食，而家惗起都好想再食🤤。

踏入6-7月 ， 又到榴連既季節。 見唔少地方都出左榴連主題既美食。 又點少得作為美食集中地既葵廣呢網上見到依間車輪餅最近新出左榴連車輪餅， 緊係去開要試下 原來榴連車輪餅要14pm左右打後先提供。 因為是即叫即整關係， 所以等既時間都較長 。 大概15-20分鐘。 新鮮滾熱辣到手， 緊係馬上食一食落口，真係爆醬feel!!! 大大pat 既榴連醬爆哂出黎， 差啲辣到自己。 伴之而來係榴連既淡淡香氣 （唔中意既人應該會當係地獄🤣🤣） 。 夾埋脆卜卜既車輪餅真係好夾好好食！

試試葵廣3樓掃街 成日覺得葵涌廣場3樓幾臭 除左螺絲粉 仲有⭐️榴槤車輪餅$25 我又去試試.都係用番雞蛋仔蛋漿 但車輪餅會比較軟綿綿d🤔雖然唔算大件 🥰但最重要係中間榴槤做到爆醬🔥係即叫即整熱辣辣 加麻糬吉士都唔錯整體中水平啦 可以輕輕解一解榴槤癮..#圓圓車輪餅 (葵芳)地址：葵芳葵富路7-11號葵涌廣場3樓Top世界3069號T30號舖.⭐️評分：味道：3.5/5環境：-/5服務：-/5抵食：3.5/5.鐘意睇野食既朋友仔 記住幫手like分享 同撳埋右上鐘仔超感謝你嘅支持🙏🏻一齊見證我脂肪成長.

➲ 葵廣 圓圓車輪餅➳ 芋泥麻糬車輪餅 ⁽⁹/¹⁰⁾即叫即整，要預多少少時間，車輪餅有唔同動物壓印，少女心多咗幾分，麻糬超級好食，固體少少拉絲，唔係鬼口水嘅台灣麻糬口感。芋泥都唔會太甜，麻糬嘅品項一定要食！⤵ 圓圓車輪餅葵芳葵富路7-11號葵涌廣場3樓top世界3069號T30號舖

無香味又無蛋味！第一次食雞蛋仔係咁嘅味道食咗幾粒就放棄掉咗，一粒都厭多！買咗原味麻薯雞蛋仔，並非第一粒雞蛋仔都有”麻薯”最失望係比完錢先發現門口地下有一堆淘寶食材。都算，比個機會佢，可能好食呢？但事實個麻薯真係唔好食，完全唔係平時食嘅軟糯嘅質感同口感，係橡膠口感嘅，我都唔知咩嚟，雞蛋仔又唔好食連一般頹廢嘅小食店雞蛋仔格仔餅質素都未到No good一路整嘢食時，個店員掛住玩電話，一時摸吓電話又一時掂吓食物。試定唔試，就留返比大家自行決定，個人就一定無下次

✨芋泥車輪餅 ($15)我係芋泥控，就選咗呢個口味💜💜芋泥份量剛剛好 唔會太多，不過食落有少少假味🫣即係唔太天然，而且冇纖維粒…而個車輪餅幾有蛋香，外層少少脆🤏🏽

令人失望的雞蛋仔—一次糟糕的食評我迫不及待地嚐了一口。然而這次的雞蛋仔讓我非常失望，味道糟糕透頂。首先，雞蛋仔的外觀看起來還算不錯，金黃色的外皮看起來酥脆可口。當我咬下去的時候，卻發現它的質地沒有那種松軟的口感。這讓我感到十分失望，因為我期望的是一個外酥內軟的雞蛋仔。更糟糕的是，這些雞蛋仔的味道非常單調，缺乏深度和豐富性。它們沒有任何特殊的口味，只是一股乏味的蛋香，這讓我感到非常失望。

去到葵廣，例牌去搵嘢食，咁啱又肚餓，諗住求其醫肚，見好多人買格仔餅同雞蛋仔，但估唔到咁肚餓都覺得好難食，一d蛋味都無，唔脆，唔落醬，都唔知點食，下次買雞蛋仔同格仔餅，要聞到好香先好幫襯。仲要有個女人扮同店主好熟，然後趁機打尖，想幫襯的要小心。

🔸圓圓車輪餅🔸🔆🐭🦁行經見到依間店，全部價錢都唔超過$30，而且不論車輪餅，雞蛋仔定格仔餅都有好多味揀😍。選擇困難的就要諗多陣啦~😚🔆阿華田雞蛋仔 $21因為所有野都係店主新鮮即整，雞蛋仔落單後大概要等5分鐘。見到店主整好個雞蛋仔後仲會用風扇吹下先，所以雞蛋仔呈現到外脆內軟，半空心嘅狀態😲。食落有啲痴牙，食完唔知點解有啲鞋口，可能係發粉嘅後勁😂，但阿華田味超超超濃。佢唔係最好食嘅雞蛋仔，但如果以依個價錢嚟講，過下口癮都ok。🤭🔆Pleasure指數（滿分5粒🤩）🐭小姐：🤩🤩🤩🦁先生：🤩🤩🤩📌地址：葵涌廣場3樓Top世界3069號T30舖🎐Foods are powerful🎐#Pleasure食#Pleasure葵芳#Pleasurer#hkfoodie #foodie #hkfood #hkeat #foodstagram #hkfoods #eggwafflehk #香港美食 #香港 #香港小食 #香港雞蛋仔 #雞蛋仔 #今晚食乜好 #葵芳美食 #葵廣美食 #食好西系列 #葵廣掃街 #葵芳好去處 #荃灣綫 #葵芳 #葵廣 #葵涌廣場 #葵廣小食 #葵廣雞蛋仔 #香港蛋糕 #圓圓車輪

平時行過都冇買，琴日心血來潮想食車輪餅，就買咗雙層Oreo麻薯車輪餅試下，點知賴晒嘢🫠佢車輪餅個皮，似係純粹厚啲嘅雞蛋仔😂（可能真係同一樣嘢），啲麵粉好實，冇咬口，雖然老闆好大方😂麻薯落咗好多，但因為麻薯本身就冇乜味，包住嘅嗰層麵粉又冇味，成舊嘢係靠嗰2块Oreo嚟調味😂有時咬一啖成口得麻薯，下一啖成口Oreo，我琴日食咗三分二頂唔順揼咗😥（sorry浪費食物，但我盡力了😭），食咗幾啖已經好「流」😵‍💫開始有啲唔知食緊咩⋯⋯同埋嗰到空間唔大，咁我俾完錢就企去對面，費事阻住人哋落單（其實都只係隔咗3～4人身位）原來老闆已經整好咗，我見佢又冇俾號碼牌 又冇叫no. ，以為整好會「Yup」我過去😂排我後面嘅人都攞埋，我行過去先知原來整好咗🤣如果大家食嘢話記得要mon住，如果唔係就白等😛唯一可以讚嘅係佢即叫即整～（sorry for 1999😂）如果大家想食車輪餅，我幾推薦Sweet House Cha Cha，我咬第一啖嗰時未食到餡，但佢外層都好食，好煙韌！我嗰日係食吉士，唔錯👍🏻佢仲有鹹味：章魚燒口味🐙都幾好食😋

葵廣必試🥯🧇爆餡車輪餅呢間雞蛋仔同車輪餅店開喺三樓，同一般雞蛋仔店唔同嘅係佢有勁多味揀∶Oreo/金莎朱古力/抹茶/肉鬆/芋泥/麻薯等等……基本上可以話自己組合🤣今次我就要左個芋泥麻薯車輪餅 $20 價錢係唔平嘅，車輪餅全部都係即叫即整，等候時間大概15分鐘。老實講拎到上手我都覺得同街邊7蚊一個嘅奶黃車輪餅無咩分別，但食落口真係好surprise。我以為呢啲gimmick野會好孤寒咁得一兩粒麻薯同少少芋泥就算，點知真係爆餡😆😆芋泥星人開心到爆炸，唔太甜之余保留到少少顆粒感，而麻薯就軟糯拉到少少絲，整體味道同個餅皮好match，係好食嘅😋試完之後我覺得20蚊嚟講係值嘅，而且好扎實，都幾飽肚🤣