Video
Telephone
23282428
Opening Hours
Today
11:00 - 15:00
Mon - Sun
11:00 - 15:00
Above information is for reference only. Please check details with the restaurant.
塔門新漢記嘅飯菜真係正到冇話說！嗰碟椒鹽鮮魷，咬落去外皮脆卜卜，裡面魷魚肉嫩滑得嚟又唔會太韌，鹹香微辣薄薄一層，惹味得嚟唔會過分搶味，實在係隔離鋪頭都聞到嗰種好食🦑。至於嗰碟白灼蝦，鮮味絕對係滿分，彈牙肉質，一啖啖嘅滿足，蘸吓特製嘅醬汁，直頭係鮮上加鮮，正宗海鮮嘅味覺享受🍤。當然唔少得話你知，嗰盤海膽炒飯都係啱食到暈，飯粒彈牙唔爛，海膽鮮滑解海鮮癮，蔥花提香，呢個集合咗海洋精華嘅一道佳餚真係正呀！蒜蓉炒菜心都幾得，清新脆口補充咗啲青菜嘅需要。老實講，塔門呢間館子嘅飯菜，真係叫我有種滿足到唔想走嘅感覺。整體來講，呢次嘅飲食體驗可以用「爽口又過癮」嚟形容，真心會想再嚟一次！👍🏻
continue reading
行山行到半餓死，嚟到塔門不如搞搞餸啦！好彩撞正這間，環境滿唔錯。豉油王魷魚炒麵夠哂香，魷魚爽口得滑，個炒麵真係駛唔使多講，頂級！炸墨魚丸好有彈性，咬落去層次感十足，唔會太膠，喺暈暈地個口味度掂晒！就算個奶茶普通過路，但打完風呀，凍一凍都算係咁解困。未完，茶餐廳必點海膽炒飯真係喺呢度搵到新定義，新鮮海膽非常入味，炒飯粒粒分明，蛋香撲鼻，簡直係粤語嘅「滋味」二字嘅現身啊！而家諗起都仲口水直流呢。餐廳嘅老闆娘真心好客，搭車搭船都值得！下次揾食，記得塔門呢度有一間，唔該上啦！👌🦐🍚
continue reading
5/5鮮魷大癲！好少店家用雞蓉味公仔麵，額外的滿足。奶茶都好飲，茶香奶濃又滑。Must tried their squid here! Super tender and fresh! Milk tea as well, silky smooth with good tea and milk aroma.
continue reading
2021 views
今次參加咗個本地團，由馬料水出發，去探索塔門及鴨洲島，塔門就學生年代去過一次露營，鴨洲島真喺聽都未聽過，原來喺香港好北嘅一個小島，望過對面就喺鹽田港，非常近，最估唔到原來個島曾經好多居民住過，依家都仲有街渡服務，但就好疏。行程中段，先嚟到塔門嘅「新漢記」食團餐。現時塔門都仲喺不時有好多人上島旅遊或露營，島上都有唔少人住，以及有唔少商舖、食肆，「新漢記」屬村屋建築物，上下共兩層，故此格局比較細，樓底比較矮，好有一派老風情。據了解，佢哋主要都喺做團餐多，算最搵錢嘅收入來源。順手亦影低個餐牌俾大家當參考，當然，我哋食團餐嘅，都喺嗰幾款指定款式，為免阻人開飯，所以，啲相都喺快快手隨意影。鹽水雞人齊起餸，第一碟喺鹽水雞，擺得好靚仔，都無話求其斬完新算。隻雞唔太肥，而啲肉質亦算嫩滑，雖然只喺簡簡單單嘅鹽水雞，但鹹鹹哋，食到啲雞鮮味。白灼蝦靠山食山，靠海食海，團餐當然都有啲海鮮菜式，白灼蝦更加喺唔少得，因為製作簡單吖嘛！碟蝦好大碟吓，大家都可以食到好多隻，包滿足，而啲蝦鮮味十足，蝦肉結實有彈性。鮮菇扒時蔬團餐中蔬菜類菜式有兩道，先呢個小棠菜，我就覺得師父啲炒工唔錯，小棠菜炒得啱啱好，帶少少爽身，芡汁亦唔會太多，當然草菇應該似喺罐頭貨㗎喇，整體算喺做得穩陣。魚蛋紫菜湯湯品就有番啲漁村小島風情，就喺紫菜湯，大大鍋嘅紫菜湯睇都睇到好多紫菜，所以，味道清得嚟有陣陣紫菜味，鹹鹹哋咁啦；啲魚蛋唔知來貨定自己做，感覺唔錯，彈牙有魚味，至少唔喺溝粉貨色。炸墨魚丸睇食評見好多人都讚呢個菜式，所以，我都對佢抱有期望，講真啲墨魚丸大大粒，又炸到金黃，真喺好有睇頭，不過食落又唔喺咁犀飛利，個墨魚味無預期咁突出，質感都OK，唔會話好粉。蒸魚雖然，團餐中無呢度嘅招牌椒鹽鮮魷，但呢條蒸黃立䱽都好唔錯，啲魚肉入口好嫩滑，有魚鮮味，同枱嘅人都鍾意食魚，所以，好搶手，唔喺講笑，轉頭都已經無晒。生炒排骨喺港式小炒嘅經典菜式，人人都鍾意食，皆因酸酸甜甜好醒胃， 睇過芡汁多到呢……撈飯就啱晒；講到啲排骨，其實好OK，炸得都算鬆化，咬落層皮仲有啲脆口，個甜酸汁調教得唔錯，至少唔會好嗆喉。油菜另一記蔬菜菜式就喺最後上枱嘅灼生菜，其實睇都知無咩特別，簡單灼熟，淋上豉油而已，不過，灼得剛剛熟，咬落嗦嗦聲。因為喺團餐，菜式就唔算好特別，但碟頭大，好足份量，加上白飯任裝，而每枱只喺8人，我呢枱基本上女士多，所以，吃得小弟好飽，最緊要都喺大家食得開心啫，完咗仲有啲時間周圍行下添，幫助消化！
continue reading
最近聖誕節🎄有連假，當然要去一去郊外呼吸下新鮮空氣啦，今次同🐻仔唔係去長洲、南丫島，反而去塔門 — 一個小小嘅島嶼，可以係黃石碼頭或者馬料水碼頭搭船🛳️過去㗎！去到當然要試下塔門最出名嘅海膽炒飯同炸墨魚丸啦🙈！-🍴海膽炒飯($138) - 海膽加埋入去蛋炒飯，成件事高級咗🤣，海膽煮熟咗之後有啲似雞蛋🥚，就連個口感都差不多，不過偏向深色。如果集齊多啲海膽粒一齊食，個海膽味先會食到🤣。也米😍覺得一試無妨，不過一次就夠🫢。-🍴炸墨魚丸🦑($98) - 原本想問吓有冇半份叫，可惜餐廳冇供應😯，只可以叫一份嚟試吓，一份大大份有成20粒😶🌫️，會有附送一小碟甜酸醬。墨魚丸食到真係有墨魚肉係入面🤭，唔會好粉漿嘅感覺，又唔會醒，點住甜酸醬幾開胃👍🏻！-🍴泰式奶茶☕️($30) - 因為係泰式，偏向甜啲，不過飲飲吓發現，好似有啲杏仁味。
continue reading
You may be interested in