Video
Telephone
97866671
Opening Hours
星期五至日及公眾假期
Open on Fridays to Sundays and public holidays.
Above information is for reference only. Please check details with the restaurant.
10點半2個人去餐廳得我一台客。叫了招牌海膽炒飯、呠呠猪、大尾魷(凍食)、酥炸墨魚丸，祺哥好好大尾魷及墨魚丸可以雙拼(加$10)炒飯炒得夠乾身有海膽肉粒，呠呠猪=客家蚊猪肉，猪肉蚊得夠淋。祺哥好健談，他說他舖位位處街尾位置，好多時遊客落船後會選擇近碼頭食肆(弓字邊、新有記、親惠和、新漢記)。他的店在最尾位置而令到門庭冷清，所以菜式唔可以好似前面食店咁多選擇。有時遊客見佢間舖無客佢哋會唔敢入。他也試過在碼頭放一塊餐廳指示牌，但很快引起其他食店不滿而要立即收起...在離島這個慢活的小島我感到他面對同行競爭及壓力。最後他自我慰道;客少也有客少的好，可以慢功出細貨，客多我也做不來...我外人唔可以幫到佢D嘜，他出品菜式絕對唔差過街頭的餐廳，但也希望大家落船後可以貨比三家，行到街尾祺哥士多看一眼，反正你們去大草原也會經過他舖頭的。最後我祝他好似他店面上暉春願望一樣生意興隆。P.S他的店是對動物友好，可帶進店進餐的~
continue reading
必食👍🏻👍🏻😻鹹魚雞粒炒飯 海膽炒飯同呠呠豬除咗食物好味之外仲有人情味 老闆又風趣幽默仲有借廁所發現 入面有個隱世秘境😍不過去前請查詢好似假期先開門 平日未必日日開
continue reading
天后廟入口旁有很多鯉魚旗，我們路過，有位村民幫我哋整妥旗海讓我們打卡，原來這位就係棋叔，那天，小店休息，但特別為我們煮了幾味，墨魚丸，海膽炒粉絲，香煎馬友，最後幫我哋去隔離鋪買山水豆腐花做甜品，人情味小店
continue reading
嚟到塔門梗係要食地道海胆炒飯！幫襯開嗰幾間唔係已經爆滿，就係冇開門，所以試吓祺叔士多。呢度地方唔算大，大約可以招呼4-5枱客。環境簡單、乾淨。我哋點咗個4人餐：1）🦐椒鹽蝦：海蝦鮮甜，炸到好香口。如果份量可以多啲就好啦😋2）海膽炒飯：足料海膽，够鍋氣，有豐富姜粒，食完好暖身👍🏻3）🐷砵砵豬肉：係五花腩肉。唔好見佢好多肥肉，啲肥肉入即溶，好鬼正🤤4）🐟香煎馬友：有驚喜！平時食開蒸馬友，今次係第一次食香煎馬友。估唔到馬友可以煎到咁香口。外脆內軟，而肉質又保留到魚油既咁香，大滿足！唔够喉，如果可以大條啲就好啦😝5）炒時蔬：够鍋氣總括嚟講，簡單菜式，盡顯廚師功架。服務方面：可能人手唔多，所以上菜有啲慢。套餐$488，4人餐嚟講，份量有啲少。
continue reading