壹滋味 (Closed)

今日黎到紅磡食茶記，叫左一個豬扒包+常餐。豬扒包外表一般，但豬扒都煮得不錯，若果可以再香d會更好。常餐叫左叉燒通粉、牛油麵包、煎雙蛋，都係一般茶記水準。叉燒部位偏瘦，我自己就想瘦既，因為脂肪低d，想食肥叉可能要嗌其他餐。

👨🏻‍🍳老闆酒樓大廚出身，佢親身推薦炸子雞🐔（半隻$108）🍗新鮮熱辣上台，皮脆肉滑，肥瘦適中，入口滿口雞油香。調味得宜，絕無死鹹。🥣附送嘅例湯真材實料，粟米紅蘿蔔合拳瓜排骨，清甜解膩，帶果皮香。🐖肉絲粉麵（$54）轉煎米粉底。煎米粉比較考功夫。晚市都係五十幾蚊，而且大大碟好抵食。🥬豆豉鯪魚油麥菜（$76），熱度十足，夠鑊氣，好送飯🔥仲可以啤一啤見旁邊大部份客人食蒸魚🐟下次可以再試試

紅磡，算喺少嚟嘅區域，但嚟親大多數都喺出席喪禮，今次亦唔例外，送友人爸爸一程。藉今次機會，事前約番個友好聚一聚，揀晌附近嘅茶記食個下午茶，兼傾吓近況，因為疫情下，大家都少咗出嚟。由於志不在食，所以，都喺隨意搵間茶記，揀「壹滋味」純粹望入去人唔多。裡面嘅裝修好新簇，而且，亦幾骨子，更喺環境乾淨企理，最鍾意喺佢哋啲櫈，弧形嘅挨背感覺好舒服吓，間隔方面都OK啦，因為唔多客，感覺都唔算擠逼。一如大多數茶記，餐具、糖包都放晒晌櫃下嘅抽櫃，而鹽同胡椒粉就放枱面，餐紙就欠奉。下午茶餐餐牌有兩版，一版喺啲三文治、多士、小食餐，另一版喺公仔麵、炒粉飯麵餐。花生醬多士、熱齋啡 $25朋友戒甜，就算食奶醬多都要求走煉奶，變成花生醬多，咖啡都飲齋啡，尤其唔知店家用咩煉奶，普遍都喺偏甜。多士烘得唔均勻，有一邊就燶晒邊，另一邊又好似無烘過咁，幸而花生醬都俾得夠多，但佢就唔太鍾意塗多層牛油，因為健康問題，奶醬多走煉奶變咗油醬多，一次半次，唯有照食唔好嘥；杯齋啡佢就話OK啦，不過不失，香得嚟少咗份醇厚感。鮮牛油菠蘿包、熱奶茶 $25難得有菠蘿油就梗喺食菠蘿油啦，因為都好耐未食過，但估唔到我嘅菠蘿油仲耐過友人嘅花生醬多

今日試咗招牌蔥油豬扒煎蛋飯。蔥油澎湃，蔥香撲鼻，豉油汁鹹甜適中，最緊要加埋兩隻太陽蛋，豬扒質素高，肉質軟腍夠入味，咬下滿滿肉汁，配搭蔥鼓油撈飯，很好吃，果然是招牌！非常之滿足😋

不是間間都有，我試過好多間，但未必間間都好食，而且只有冬天🥶先有羊腩煲食，試過壹芝味😍大羊腩煲🤩好好味😋好抵食😁送生菜同姑👍快D黎試下.過左冬天就無得食💯

😊入這間壹芝味餐廳門內有量度體温同安心出行.😃座落座位事應會拿杯暖水好溫馨有禮貌😀食物口感又新鮮共類魚都有🐟我試過鼓汁蒸倉魚.涼瓜煎倉魚好大條好好味😋(另一種蜜汁薯仔牛肉好好味😋)得閒試下，直得推薦👍

重要嘅嘢要講三次，經過今日已經入左黑名單，只係叫左四樣嘢，但未食完已經話要入黑名單。坐低，叫左揚州炒飯，乾燒伊麵，沙薑雞，蒜蓉白菜。先來5個例湯，淡，唔夠熱，好多油，飲左幾啖放棄左。因為叫左麵，所以叫佢拎左5個碗，摸上手，油油地，見到個碗入面有水（唔知係水定油），用紙巾抹完入面，覺得碗外皮都係立立地，抹埋外面。先食個麵，味道可以，但食完個碗嘅油有一茶匙，只係夾左半碗麵就已經有一茶匙油剩，好離譜囉。到個白菜，菜係嫩嘅，但又係好多油。到個沙薑雞，呢個先經典，首先係翻蒸嘅，雞上面有一pat好厚嘅沙薑粉，最敗筆在於肉係勁腍。最後個揚州炒飯算係最正常嘅，食左咁多劣食，有個正常啲嘅已經無再深入研究。原本無打算影相，但咁難食，影左出食評都要啦。