大三元 (Closed)

最近新開餐廳，第1次買午餐套餐經驗都正常，所以第2次幫襯叫左我最鍾意食嘅咕嚕排骨打開見排骨份量唔多，諗住都唔緊要啦，先51蚊，好食都ok ge點知第一舊大嘅，竟然全部係皮同骨，少少肉都咬唔到，真係第一時間諗係咪人哋食過嘅廚餘諗住啲細粒冇骨會好啲啲，點知😭😭😭😭點解唔去隔籬買2餸飯咁蠢，一粒魚蛋大嘅肉都落唔到肚，會唔會有啲過分，真係好肚餓😢

👫行到肚餓食個early dinner，揀咗間平民價正宗口味星馬菜。當日已經放寬咗晚市堂食，不過餐廳6點左右就準備閂門。🥢砂煲肉骨茶 $68藥材味濃郁，亦有好重蒜頭嘅香甜味道。排骨全部都係一字排，煮得軟腍，輕易骨肉分離。🥢半隻去骨海南雞 $88雞肉超級嫩滑，爽滑嘅雞皮底下仲有一層膠原蛋白。個人覺得質素仲高過C字頭海南雞專門店，而且價錢都平一半。🥢蒜香生炸雞中翼 $28雞中翼雞皮香脆又多肉汁。🥢吉列魚柳伴沙律 $38魚柳比手掌大，炸得金黃香脆。沙律🥗菠蘿🍍、青瓜🥒、紅蘿蔔🥕，加上奇妙醬味道酸甜清新。📍大三元 (天后)天后水星街17號地舖

今日同女朋友黎到天后搵食呢條街有好多餐廳 但我地俾呢間個外吸引左決定入去試下！有港式，亦有馬來西亞既咖哩亦有新加坡既海南雞好多元化！半隻去骨海南雞海南雞好滑好嫩食落雞味好香再配上3種醬汁好惹味雞髀喇沙雞髀好大隻，炸既火喉剛好外脆內軟，一切開就流哂肉汁出黎配上香濃既喇沙湯底椰香味好出，係我喜歡既口味亦可選配出前一丁吸引哂湯底好滿足！鮮茄焗厚切豬扒飯醬汁係用新鮮茄肉做成好鮮甜豬扒厚切好有誠意鬆軟得黎有咬口成個飯好高質

每次做完運動，都見到呢一間餐廳坐滿晒人。餐廳主要都係類似茶餐廳咁，但係佢入面嘅裝修同埋菜單都好多元化。首先我就食咗佢哋嘅招牌海南雞，海南雞味道比較淡，但係佢嘅雞肉同埋雞皮都超滑身。而且下面亦都有比唔同嘅蔬菜，一個人食半隻雞完全冇難度！然後我同朋友兩個人你都食咗份蛋牛治，三文治嘅選擇可以揀單拼或者雙拼。餐廳其實都有唔同款式嘅三文治或者包類選擇，睇得出佢哋都有用心思去設計菜單。三文治嘅包好厚好軟熟，以佢嘅滑蛋真係一流，味道亦都唔會好鹹。之後我哋仲好為食咁嗌多咗個雞翼，雞翼炸得比較脆口，雞肉亦都嫩滑，再加埋一杯檸檬利賓納成餐飯食得好滿足！

天后有間新開嘅餐廳「大三元」，我哋又去試吓新嘢😋 今次叫外賣返屋企同家人一齊食👍🏻 餐廳星期一至日都有lunch set 😍 仲有湯或者飲品，正👍🏻 藥膳肉骨茶排骨湯+飯 $58好香👍🏻 藥膳味濃淡適中，排骨幾多肉😋 配飯食一流👍🏻招牌海南雞飯 $58海南雞份量足料，皮香肉嫩，配合醬汁食，味道好好👍🏻 油飯亦都唔錯😋芝士肉醬熱狗皇 $33十分足料，熱狗腸好大條😆 配芝士肉醬真係冇得輸👍🏻半隻去骨海南雞 $88份量好多😍 味道好👍🏻 正👍🏻 抵食👍🏻香茅豬扒喇沙濃湯排骨麵 $62非常大塊豬扒😍 入味又好味👍🏻 喇沙湯夠香濃👍🏻 揀咗鴛鴦麵，有油麵同米粉，正👍🏻值得支持的小店👍🏻

經過門口幾次，記憶中門面很小，只得兩張檯但而且經常有人坐。今日朋友帶我來，她説入內有樓上雅座！哦！原來有樓上雅座！她説喇沙海南雞味道不錯，特意帶我來嘗嘗！喇沙湯底夠香濃，椰子味清香，而且非常促料，有大蝦🦐三隻、雞蛋、豆卜、魚片、芽菜、蟹柳⋯海南雞套餐～海南雞肉質嫩滑，份量促！油飯香噴噴！炸魚沙律，外面香脆可口裏面魚扒軟滑好好味，鮮果沙律味道不錯，有驚喜！美綠巨人特飲～美味可口！樓上雅座，環境清潔舒適。

趁着復活節假期跟家人到港島東走走看看，家人突然很想食喇沙湯麵，於是找到這間位於水星街的餐廳。餐廳屬茶餐廳形式，主打南洋風格茶餐。原隻去骨海南雞 $148～必食雞肉超級柔嫩細滑，就算雞胸位置也完全不柴口，醬汁也相當滋味。奶油豬$15～必食香脆鬆軟熱辣辣，比一般的奶油豬大一點點、煉奶及牛油份量相當充足，麵包不會很乾。冬陰功豬頸肉湯麵 $58冬陰功湯酸味十足，不會太辣，非常開胃。原條吉列魚柳喇沙濃湯通粉 $65美綠巨人（+$18）吉列魚柳超級巨型，炸得非常酥脆，魚肉嫩滑，叻沙湯底濃郁。午餐奉送是日餐湯/熱，凍飲加＄3*轉朱古力系列半價優惠

(●’◡’●)ﾉ(●’◡’●)ﾉ(●’◡’●)ﾉ今日放假同我大大來呢間位於天后嘅茶餐廳冰室食野，呢間餐廳係食星馬菜為主，呢間餐廳新開左一段時間，所以環境好乾淨同舒服，佢係地鋪來架，門口有十個位到，行樓梯再上重有一層，呢度啲侍應超好禮貌，雖然係冰室但都招呼得好好～ ꕥꕥꕥꕥꕥꕥꕥꕥꕥꕥꕥꕥꕥꕥꕥꕥ⭐️馬來咖喱薯仔海鮮飯，有蝦，魷魚，蜆😋味道唔錯，材料新鮮配埋流心蛋❤️正⭐️茶餐雪菜肉絲湯米，配腸仔炒蛋，牛油多士(半件),米粉選用幼身個種，岩晒我口味，蛋炒得半熟有蛋汁，多士即烘配牛油食😋好好味～⭐️炸雞髀伴薯條，隻雞髀好大隻，即叫即炸，熱辣辣啖啖肉，夠晒嫩滑～⭐️凍奶茶，正常操作💕

放寛後到處都充滿生氣。午飯都不用餐餐叫外賣。同事發起到附近新開的茶餐廳。聽講喇沙，海南雞不錯。去骨海南雞飯我比較喜歡啖啖肉，點了海南雞飯，仲係去骨，非常方便。雞肉嫩滑，有肉香。雞油飯不油不膩，淡淡脂香。配以老火湯，抵食之選。海鮮喇沙濃湯湯底果然濃稠，充滿著東南亞風味。米粉吸盡湯的味道，滋味。海鮮有蝦，帶子，蟹柳，配料有豆卜，芽菜，雞蛋和魚片，口感豐富。美綠巨人天氣炎熱最好一杯凍飲。濃濃的阿華田朱古力香，啱曬胃口。

天后得幾條街仔，但野食真心勁多，今日lunch time係呢頭附近食野，見到呢間南洋餐廳幾抵食咁，幾條友叫左幾個Set Share食。.餐廳用手機落單，叫野食方便過搵侍應，本來想食海南雞，但今日賣晒😭唯有叫其他野食。.🍴香茅豬排喇沙濃湯米粉 $62喇沙既麵係自選，想食米粉+油麵，但無🤣，所以擇左米粉，鍾意佢米粉會索晒個湯底既香味，湯底椰汁味好重，香得黎濃味，本身喇沙濃湯有豆卜、茅菜同魚片，幾足料。香茅豬排會分開上，炸得夠香脆又入味。.🍴馬來咖哩牛肉配流心蛋飯 $56咖哩💯，好好食，椰漿味更增添濃郁風味，流心蛋既蛋汁流入白飯，入味非常。.🍴砂煲肉骨茶 $68肉骨茶好重藥材味，用砂煲可以保持熱度，跟餐配埋白飯，另外鍋底都有少量白菜仔。.🍴吉列魚柳拼薯條 $38 and 蒜香生炸雞中翼 4隻 $28除左主食，都有幾多小食可以叫，價錢都唔貴，炸物好正，熱辣辣又夠脆，魚柳都幾夠大件，生炸雞翼爆晒肉汁。.🍴香脆奶油豬 $15呢間鋪頭有個驚喜美食，就係奶油豬，勁脆又平🤣成個包都脆，唔係得一邊，真心好正。

今日來咗砲台山🚇搵朋友，佢帶咗我來呢間🤩隱世平靚正🤤南洋茶餐廳🍴食午餐，呢度供應多款星馬美食😋味道唔錯而且性價💰比高！呢度裝修簡約時尚，一排梳化位🪑坐得幾舒服😌，餐具🍴有膠袋套住感覺乾淨👍衛生，而且仲有📺電視睇添！砂煲🐖肉骨茶$68幾大煲🍲，上枱熱辣辣😌香氣撲鼻，湯色清澈味道濃郁🤤。入邊排骨🐖嘅份量都唔少而且好腍好入味😋，佢仲有配埋飯🍚，好抵食。海鮮🦐喇沙$78🍜，湯底有淡淡🥥椰香，可以揀麵底米粉或者通粉等等，我就揀咗米粉🤤，啲米粉吸晒啲湯底味道十分之香濃😋。佢入邊有唔少海鮮，有蝦🦐、蜆肉、帶子、🐟魚片同仿🦀蟹柳等等，豐富又鮮味🥰。去骨海南雞（半隻）$88絕對係平靚正！🐓肉質鮮嫩肥美又有雞味，去咗骨🦴食起上嚟啖啖肉感覺大滿足！忌廉華田🍫朱古力$36大大杯夠🧊冰凍又夠濃，茶☕️走香甜有回甘，水準中上。金磚🤩西多士$28有四大件🍞份量十足，入口鬆脆好甘香🤤，中間有一層口口嘅🥜花生醬，好有層次感😋！

茶餐廳價錢 中高檔次味道香港人 點會離得開茶餐廳價錢親民又適合香港人忙碌嘅生活節奏不過通常比人感覺都會無咁衛生 野食較油膩今次依間大三元就唔同喇首先佢好乾淨衛生而餐具佢地會用膠袋包住唔錯而野食方面無好油膩講返味道今日食左個 香茅雞扒煎蛋飯雞扒香口 肉嫩調味唔重食完唔會口乾之後叫左個海鮮laksha 通粉湯無好辣然後都幾多海鮮除左一般都會有嘅蝦仲有青口2隻同帶子過晒口癮蝦仲要幾爽口添$78幾抵食最後叫多半隻海南雞share黎嘅時候仲以為有成隻咁先$88肉好滑有小量油脂配埋d 沙薑汁好好味Lunch menu 仲要日日轉成日黎都唔怕悶～

大三元天后水星街17號山河大廈地舖 食糊大三元, 大三元是雀友食出會高興到心臟, 今舖唔係打麻雀食糊, 而係食其他野, 食香港架茶餐廳美食。$65 LAKSA 混了港式元素呢。半隻雞蛋芽菜同豆卜是指定的, 個湯椰奶同咖哩味調得岩岩好, 夠曬香濃好喝。 要了炸雞脾, 除了油麵米粉, 仲可以轉公仔麵,自由度好大。 椰汁雞皇飯，落左椰汁入口溫和順滑，加入洋蔥薯仔，個汁好配飯的。普通架hotdog 我唔會點，呢隻$33 芝士飲醬熱狗就令我動心了。成條士華力腸，飽又烘脆左面上面架芝士肉醬係加分之處。佢架laksa有水準，建議來食我會推薦點星馬菜。

今日去開天后見客，早咗見完客。諗住去食個下午茶，行行吓見到有間新開的冰室，就去試試，因為店舖都裝修得好靚，入入到去見到裝修擺設咗不少糧油雜貨，我估老闆係從事糧油雜貨批發，點知問吓店員，原來唔係，我食咗個香草雞髀加西多士。香草雞髀好特別，而且即叫即炸，十分好食。我食咗個西多士先，之後就食唔落隻雞髀，所以打包了雞髀。海南雞都好好食，最特別唔係隻海南雞，而係佢整啲自家醬汁，配搭海南街非常美味。臨走時同店員傾兩句，點知原來佢係老闆之一，佢話之前是幫大集團開冰室，怪不得食物有保證。而家自己同幾個拍拖出嚟開，小本經營，值得支持👍

茶仔早餐通常都係沙嗲牛 火腿通呢幾味🥣但天后呢間新開嘅茶記 早餐居然有 #喇沙 & #肉骨茶 湯麵揀！早餐都咁豐富 今鋪真係Good Morning🥰————-🍜煎午餐肉喇沙米粉茶仔主打馬拉菜 喇沙係招牌菜之一～喇沙湯底椰香味重～所以色澤偏白 完全唔辣而且唔會見到成層油 早餐食都唔怕油膩🥹特登叫左米粉 非常索湯😙早餐嘅喇沙湯底就無蛋/魚片/芽菜嗰d配料啦～但本身跟餐嘅午餐肉份量算多 仲好大粒 表面煎過微脆又香口😋————-🍲煎豬扒肉骨茶米粉除左喇沙 湯底仲可以轉肉骨茶🤩呢度嘅肉骨茶聞落有藥材味 飲落就好清甜🙌🏻同樣地早餐只跟湯 無藥材/肉～米粉一樣好索湯 所以啖啖食落好清甜！豬扒非常大塊 煎得乾身～但肉質唔嚡👍🏼亦唔會煎到𠝹口咁熱氣食完嗰朝都唔算好口渴～對此感覺良好😌跟餐仲有炒蛋🍳 + 牛油方包/多士/半個奶油豬仔包奶油豬有手掌咁大🖐️仲超級脆！煉奶份量都剛好————-🌮鹹牛肉炒蛋潛艇超大份！差唔多有前臂咁長🤣鹹牛肉同炒蛋份量都好多😋完全塞爆個包牛肉唔會太鹹～炒蛋都幾滑 麵包軟熟拎住全份咁咬會好開心😂————-總結係想食茶仔早餐嘅話 會想再幫襯😙值得一提係雖然用QR code自助落單 但