大丸和風食堂 (Closed)

我最近去咗旺角嘅大丸和風食堂食飯，係比佢門外既燈籠仔吸引左，覺得幾有feel，日式既氣氛，於是諗都無諗就入左去，最後叫咗四款菜：🐟三文魚生丼飯、🐮牛肉壽喜燒、🐷豬肉炒泡菜同火灸三色卷三文魚飯嘅三文魚好鮮美，有七至八件，每一件都好新鮮，飯粒煮得恰到好處。👍🏻牛肉壽喜燒嘅牛肉好嫩，肉汁豐富，同埋配合豆腐、蛙蛙菜、菇同埋蔥，每一口都有唔同嘅口感。而且壽喜燒係我最愛既湯底，58蚊就食到迷你版真係好抵！🤩豬肉炒泡菜嘅豬肉份量好多！同埋酸辣爽口嘅泡菜一齊食，好開胃。另外，椰菜同野菌都令味道更加豐富。😎火灸三色卷有火灸帶子、火灸三文魚同埋火灸吞拿魚，三款唔同嘅海鮮放埋一齊，味道好鮮美豐富，每款海鮮都有佢獨特嘅風味，係呢次飯局中最令我印象深刻嘅菜式。🤪整體而言，呢間餐廳嘅環境不錯，有足夠既空間。食物質素都偏高，特別係牛肉壽喜燒同火灸三色卷，仲好抵食。性價比亦都好好，推薦俾想去旺角食飯嘅朋友😁

同朋友最近又想食日本嘢😆見旺角嘅大丸日本料理性價比幾高就同朋友去食～餐廳嘅環境好有日式和風元素之餘， 牆上都掛左唔少日本🇯🇵風格圖，好有日本風😆同適合一班朋友過黎食嘢吹水，我同朋友2個叫左5款嘢食，食到超飽！佢地係用手機落單，上菜速度都算快，等左三四分鐘就已經上到菜👍🏻黑松露薯條 $38薯條其實係薯角～想講係啱啱炸起，所以相當脆口🥹黑松露醬嘅松露味都幾重，好match🤤鐵板牛柳 $88啱啱上到菜個鐵板仲係好熱，醬汁令到牛柳嘅鮮味更加突出之餘，仲令到牛柳粒嘅肉汁更加juicy, 性價比來講牛柳粒相對唔錯👍🏻😋三文魚壽司 $20三文魚壽司total 有2件，質素正常！三文魚都新鮮👍🏻三文魚加州卷 $58 total 有6件，加州卷配埋三文魚🍣口感好豐富，果然係最佳配搭🫣$58性價比真心高石鍋黑椒牛肉飯 $58 牛肉同飯嘅份量好多！個飯好香炭燒同焦香味，擺一陣仲有少少飯焦係底，真係好好食！好推薦叫呢款❤️Overall價錢方面大眾化，份量又多，性價比媽高～整體來講都唔錯😍

今次去到旺角見到呢間和風食堂 門口好有祭典feel🏮好多選擇 比較特別有和牛刺身😳丼飯同拉麵都幾平幾抵食店舖乾淨光猛✨前菜叫左芥辣八爪魚🐙芥辣味十足 八爪魚爽口😍作為前菜好開胃原條海鰻壽司好大條😂一件用一隻碟 再灑上芝麻賣相吸引鵝肝壽司大大塊鵝肝 入口脂肪味重 夠味和牛壽司油脂紋路好靚 食落好香同好滑👍🏻靚牛唔使落調味都好好食 今次試過和牛好食下次可以叫一客極上和牛刺身食🤤和牛串燒串住和牛粒同洋蔥 醬汁好夠味 牛食落軟熟 好惹味👍🏻慢燒牛有少少煙燻味 醬汁唔錯 連埋流心蛋撈飯食幾好味而且仲跟埋味噌湯 亦可以優惠價錢加配野飲🍵我地叫左杯凍嘅京都宇洽抹茶鮮奶 牛肉壽喜燒份量唔算多 如可加配飯/麵/烏冬會更好 但湯底好夠味 整體都唔錯

今晚收工同朋友行旺角，行完想去食下日本菜。吞拿魚刺身（$68）：非常厚身同鮮甜，質感好好，幾好食，好鮮味。佢夠厚身所說個質感都幾好食。岩石燒牛柳粒鍋飯（$78）：牛柳粒燒得好香，質感幾好食，唔錯，牛肉唔會韌，肉質鮮嫩，係個鍋到熱辣辣又燒得幾香幾好食，個底有d飯焦又幾香。辛辣黑豚肉拉麵（$70）：辣辣地又幾香口，幾好食。叉燒幾香，唔錯，唐心蛋又好滑好正。D麵索哂d湯汁又幾好食。一邊食麵一邊飲湯更加正。和風炸雞（$58）：又炸得幾香脆，D醬汁又幾好食。佢的貌相同醬汁又幾似章魚小丸子，食落佢個味其實又幾似，唔錯,幾特別。跟餐加了杯凍檸茶，都ok.食咁多野埋單都係$312，都算抵食，位置又方便，唔錯，一定再來。

今日同朋友去左旺角搵食，行到女人街附近，想睇下有咩小店好食，就比我搵到依間性價比高，好抵食既旺角小店 “大丸和風食堂”。依度地方整齊，店內有好多日本既裝飾😍，好有氣氛，好似真係係日本居酒屋入面，店員很熱情地招呼我們坐低，好快就比左個QR code我地落單，而我地亦都有睇餐牌，都真係幾多選擇，好多樣都好想試下，可惜我個胃咁細個，無辦法啦，只可以下次再來過試埋其他款既野食😎刺身海鮮沙律$88刺身沙律很新鮮，肉質好食，沙律菜分量比我預期中多。推薦的牛肉壽喜鍋$58好鮮甜既牛肉味，而且底下既菜、菇、粉絲好多好多，唔洗飯都好滿足!芥辣八爪魚$48很夠芥末味，又好彈牙，朋友同我都覺得分量十足，唔錯!角切魚生丼送味噌湯$98角切魚生丼好食，魚生都好新鮮，有驚喜的感覺。魚生的size切到都幾大粒，加埋少少鼓油同芥末 正呀。葱吞拿魚𦴦丼送味噌湯$118葱吞拿魚𦴦份量好足，我朋友試過都話好食，估唔到依個價位可以比到依個質素，真係好開心可以滿足地咁食。加埋少少鼓油同芥末，就顯得吞拿魚𦴦好鮮味!每樣我都好鐘意，下次要食多一次!

同朋友約食飯最鍾意約係旺角，貪佢夠方便，今晚去到通菜街搵食，見到哩間日本餐廳都唔錯，環境闊落，食物選擇又多，又唔貴，就同朋友坐底試試！叫左個前菜火炙左口裙邊黑松露沙律，沙律菜上面滿滿的炙燒左口裙邊，左口裙邊燒完之後魚脂出哂黎，入口即化，非常好食，仲配有黑松露醬、沙律醬同照燒汁，撈完有好香嘅黑松露味，好食！哩個牛肉壽喜鍋簡直係佛心價，晚市都淨係$58加一，雖然價錢平但用料都唔會頹，牛肉壽喜鍋有牛肉、蛋、娃娃菜、豆腐、香菇、金針菇、芋絲、小棠菜等配料，湯底夠濃，食落又暖又好食，不過如果佢有得加錢配飯、烏冬或者粉絲會更加好食！火炙三色丼，配味噌湯、菠蘿梳打，叫丼飯會配埋味噌湯同飲品。見到丼飯嘅賣相已經好吸引，配料有炙燒三文魚、炙燒帆立貝、炙燒左口魚邊，魚生炙燒後油脂滿滿，入口即化，超級好食，配有沙律醬同照燒汁，撈飯一流！而且丼飯嘅價錢唔貴非常推薦！

平日夜晚約朋友起旺角行街買完一輪 想找地方晚飯在女人街附近 隨意找間餐廳看到這間日本料理 價錢唔貴而且海鮮刺身串燒樣樣有就直接入座全店掛滿日本食材旗仔牆身又有不同日本酒的貼紙原來店舖很大間 座位多推開門以為看到4，5張枱當直去轉左 又看到有很多卡位座位在小店來說 很寬敞我地坐卡位 我地把購物戰利品放好仍有很多空間 終於可以飲杯茶//室津生蠔(2隻) $78//生蠔大大隻，跟手掌一樣，入口肥美鮮甜，以小小店舖是意想不到的高質素，另有醬汁和檸檬，而本身生蠔的海水味不重，新鮮就咁食已經好夠味。//三文魚海膽丼 $138//刺身丼飯有很多選擇，以100至200蚊水平，我地叫左三文魚和海膽，海鮮刺身同樣新鮮，三文魚的魚紋清晰，海膽食落甘甜，賣相精美，性價比高。//鹽燒三文魚腩 $58//三文魚烤得香脆外皮，而魚肉厚厚的，入口滑嫩，雖然用鹽燒煮法，調味控制剛好頭，不會太油膩或太鹹。//鹽燒厚切牛舌串(2串) $68//不得了，牛舌以厚切處理，而且是牛舌芯的部分，食落爽脆又豐富口感，油脂爆發，必食！//月見免治雞肉棒串 $28//每次看到免治雞肉棒也一定叫，這次雞肉棒食到粒粒軟骨，烤得香口，配上日本

大丸和風食堂📍旺角通菜街75-77號地舖今日係旺角行街，行到通菜街見到有間充滿日本風嘅餐廳，又咁岩想食下壽司🍣就決定入去食下啦～大丸和風食堂就係旺角通菜街，地鐵站D出口行2-3分鐘就到，餐廳出面有好多日式燈籠，好易搵👍餐廳空間大，寬敞，主要以卡位為主，坐得好舒服，好適合同朋友黎一邊嘆住壽司🍣拉麵🍜一邊傾計👍餐廳係用QR CODE自助落單，一睇menu就覺得食物種類都算多多，有丼飯、拉麵、刺身、壽司等等，總之日本餐廳有嘅食物都差不多齊曬👍～胡麻豆腐沙律🥗 $48估唔到份量都算多，菜上面舖左好多豆腐，沙律菜新鮮又唔會苦，加埋胡麻醬好好食好夾，呢個配搭絕對係冇得輸🤭🥗蕎麥冷麵配日本醬油 $58蕎麥麵好夠凍，質感彈牙，唔會一pat pat，配埋淡淡的日本醬油好正👍如果再加埋鵪鶉蛋會更滑，更加好食！親子丼飯 $62日本米飯上面舖上一層厚厚嘅雞肉、滑蛋、洋蔥，我好鐘意呢個日式配搭🤭真係好好食，而且份量好足！!同朋友一齊share食都夠飽🤩火炙三色卷 $78一共有6件，有2件帶子、2件吞拿魚同埋2件三文魚，全部都係有輕輕燒過，包住三色卷（青瓜、蟹柳、玉子），配埋一齊放入口簡直多重口感，好食呀😋😋玉子

鬧巿之中，女人街兩旁都有林林種種既食店，呢次又試下新野，六點未夠，咁岩前面既排檔亦冇開，導致佢招牌突出，於是就入店坐低，平民化既裝修有啲似日本親民居酒屋既特色，裡面卡位枱位都充足，枱同櫈都有足夠空間，唔見局促，燈光柔和，坐落環境氣氛都幾舒服，而佢利用牆身張貼左好多餐單同日本化既裝飾令件事更有感覺。望埋個餐牌，剌身、炸物、湯鍋、石頭飯、壽司有好多選擇，而價錢都幾親民，我同女友得兩個人嗌唔到太多，於是就揀左下面既食品燒魷魚$88熱辣辣上枱，有浸烤魷魚既味道飄入鼻，都幾大條，佢切成一圈圈細細份好易入口明太子手羽先$48漲卜卜既雞翼仔，釀左明太子係入面，一啖咬落去，漲既部份已經去左骨，有飽滿啖啖肉既感覺，唔錯大丸地獄海鮮拉麵$88兩隻青口、兩粒凡立貝、一隻大蝦結合拉麵本來應該有既食材，份量幾充足，寫明大丸地獄，但其實食落飲埋個湯都唔會太辣，可以話係微辣級數only火炙三色卷(三文魚,吞拿魚,帶子)$78熱食上枱感覺到佢火炙既香味，配合醬汁入口，感覺良好，三文魚頗新鮮，男仔口大一啖岩岩好鯨吞一舊，女仔可能要分開兩小口會好啲

喺女人街行嘅時候，見到佢出面嘅燈飾都幾吸晴😂🐟特盛海鮮丼 $138海鮮丼有三粒帶子，一隻大蝦刺身，三文魚，三文魚子～ 材料入口新鮮、彈牙，有水準發揮🙂 飯餸比例啱啱好～🐷石鍋豬軟骨飯 $68熱辣辣，吹凍左先放入口啊要。豬軟骨非常之冧身，醬汁都唔會太過鹹。而且仲有隻雞蛋半流心可以撈埋食🐮燒牛舌 $62牛舌即叫即燒，入口夠熱，又夠彈牙。加埋檸檬汁點嚟食 好正🍋size 都算大塊，又有三塊~ 有盛價比👍🏼🍄燒冬菇串 $38冬菇串加咗木魚絲喺上面～ 入口口感幾得意👍🏼餐廳原來另外做緊七點前落order會有七五折、下次要早啲嚟😂

「大丸和風食堂」位於旺角通菜街，寶藍色大大嘅招牌相當吸睛👀門外掛滿整排和式燈籠🏮，加上日式居酒屋裝潢設計，猶如置身日本街頭小巷之中😆我地見門外擺放了餐牌，諗住睇下有咩食，見價錢合理相宜就諗住試下😆兩個人叫咗4款嘢食埋單都唔使$300 🙊加上「大丸」唔同日子都會有特別優惠就更加抵👀火炙三式卷 $78一客有6件，三式卷有齊三文魚、吞拿魚同帶子，刺身面層加上蛋黃醬同甜甜地嘅照燒汁，火炙後令魚油香更出色，最愛係帶子卷，厚身又新鮮，仲食到刺身都火炙嘅口感😎豚肉泡菜鍋 $58鍋物都只係$58咋，咁抵食又點可以抗拒呢🙊除咁豚肉片同泡菜外，仲帶大量大香菜同豆腐，辣度算係入門級，如果可以有個熱鍋暖住就最好啦月見免治雞肉棒串 $28友人見隔離食緊又非常打卡able 就一人嗌咗一串，雞肉棒加入咗雞軟骨所以有少少脆感，沾上蛋黃液🥚同豉油更滋味岩石燒牛柳粒鍋飯 $78想暖笠笠嘅可以叫個石鍋飯，牛柳份量多而且夠嫩唔會韌，加埋蛋黃一齊食更滑順，最喜歡石鍋飯有少少飯焦底脆脆地更有口感😆

今日經過旺角想食日本嘢，咁岩見到呢間座位食物好似都幾好，裝修幾有日本風味，掛住家鄉了！決定試試佢。😆佢menu款式幾多，有魚生，有丼飯，有串燒，選擇豐富，吸引👍🏻先嚟壽司！分別係📍劍魚腩壽司📍油甘魚壽司📍九州油甘魚壽司 色澤亮麗，魚生大大件，食落非常新鮮！尤其是九州油甘魚壽司，相比普通油甘魚佢更加鮮甜😳然後就係三文魚刺身，厚切！ 三文魚味充足，好fresh，睇黎三文魚喺呢度招牌菜之一之後就係主食，首先呢個係火炙黑豚肉拉麵。呢個絕對有驚喜！湯底香濃之餘，佢嘅火炙叉燒係淡淡油香，火炙過嘅焦香配上濃湯拉麵簡直絕配！😆😆佢隻溫泉蛋都啱啱好，蛋黃同d拉麵混合，口感一流，同麵質夠彈牙～另一個主食就係牛肉壽喜鍋啦🤩熱辣辣嘅壽喜鍋充分暖胃，淨係湯底都夠我食，味道清甜得來唔太膩，配合埋新鮮牛肉簡直冇得頂😆全家福😄鍾意日本嘢嘅朋友，又鍾意多種類食物，值得嚟呢度一試😛

今日放假約咗朋友去旺角行街,喺旺角真係好多嘢行,行完喺附近搵啲嘢食下,無意中去咗一間日式餐廳,啲嘢好好食,價錢又唔貴所以喺度推介一下。大丸和風食堂,地址係旺角通菜街75號舖,餐廳裝修得好整潔,而且地方闊落,喺度食飯傾計都幾舒適。刺身拼盤 248元, 刺身拼盤賣相好吸引,有海膽,三文魚,吞拿魚,赤蝦,用塊紫菜加少少海膽,入口味道好鮮甜,有種甘香味, 三文魚腩有啲油脂香味,口感爽甜真係冇得彈,食得出三文魚好新鮮。明太子雞翼 48元,雞翼燒到啱啱好,雞皮有陣陣嘅焦香味,加上明太子嘅味道令到雞肉更加香,入面嘅雞肉仲要好嫩滑,好juicy。照燒魷魚筒 88元,呢個魷魚筒好值得推介,魷魚食落去好爽口好彈牙,加上秘製嘅醬汁令到魷魚嘅鮮味更加突出,最鍾意就係佢放嗰啲芝麻令到味道更加有層次。和牛串燒 2串 68元,和牛一上檯我已經流口水,賣相真係好吸引, 入口牛肉味好香濃有入口即溶嘅感覺,加上燒到啱啱好唔會太熟,食落去特別嫩滑。呢個和牛串真係好好味。鍋仔手打烏冬 78元,手打烏冬食落去特別有咬口面身爽口彈牙,加上一隻日本蛋,令到烏冬味道更加鮮甜入口更加香滑又夠飽肚

外國朋友嚟香港玩，帶佢去旺角女人街，行到餓見到呢間和風食店，就入咗去食。今日涼涼哋，就叫咗牛肉壽喜煱（$58），熱騰騰的燒煱，滿滿的牛肉，勁多配菜仲有隻橙黃色嘅蛋中間，已經吸引死，食落當然好味。石鍋黑椒牛肉飯（$68）係另一味食咗暖笠笠嘅選擇，石鍋－攞上嚟已經勁辣手，仲聽到炸炸聲，片片牛肉加上粒粒粟米，同黑椒勁好味開胃，仲有少少飯焦香，份量勁多CP值超高！飽飽！火焰三色卷（$78）一共有六件，有帶子、吞拿魚和三文魚各兩件，真係唔錯喎！去和風食店，當然係唔少得食壽司。吞拿魚壽司（$24/ 2件）唔錯喎，吞拿魚都幾肥美，仲有兩大件除此之外，叫咗兩件特價壽司，性價比極高各$9 －件火焰黑松露帶子壽司（$9）帶子勁大隻有新鮮，簡直抵到冇朋友，而且好味火焰海膽醬赤蝦壽司（$9）隻蝦新鮮不特止，而且海膽醬亦都好肥美，又抵食最後來多客燒物，鹽燒日本手羽（$32/ 3隻）甘香、脆卜卜炸得剛好又唔太乾。總括嚟講呢間和風食肆非常有heart, 隱藏喺旺角繁忙嘅女人街入邊，食物CP值高，環境亦都相當有日本色彩。而且上菜速度好快，而且菜到枱時都係熱辣辣嘅！😋

今日收工心思思想走去美之尋下寶😛就自己一個行咗去西洋菜街，行咗成個鐘都係空手而回，看來唔係時機，望下鐘都係時候醫下個肚。咁啱美之對面有間燈火通明嘅日式餐館，脆脆地就試吓佢啦🙆🏻‍♀️一入到去店員見到我一個人，好好人咁俾咗張卡位我，坐得舒服餐廳格局同佈置好有日本家庭式嘅居酒屋感覺餐廳菜式選擇同類別都好多，有刺身同壽司之外壽司同佐酒小食仲有啲炒飯丼飯同麵類，選擇恐懼症既我真係有排揀🤣有好多唔同款嘅酒😍下次同埋friend一齊嚟可以試吓壽司種類真係好多，鍾意幾款性價比極高嘅特價壽司，我就揀咗其中兩款，分別係火炙，黑松露帶子壽司同埋火隻海膽醬赤蝦壽司，都係$9一件😻😻😻😻唔係mini size唔會將價就貨，呢個真係好抵食另外仲叫咗我嘅最愛油甘魚腩壽司，油脂好多，入口好香魚油味叫咗兩款刺身，分別係細板海膽同埋活赤貝刺身呢度好好海膽刺身可以分大板同細板，咁就可以滿足我一個人都可以食到海膽刺身又唔使叫一板～海膽都好大片，而且有配咗唔少片紫菜俾我夾住一齊食，紫菜配海膽真係好夾活赤背大大隻，切法令佢更加爽口，而且一啲腥味都冇最後仲叫咗個天婦羅配蕎麥冷麵(醬油)，天婦羅熱辣辣炸得好乾身，而且非常之脆，有兩件