大丸和風食堂 (Closed)

「大丸和風食堂」位於旺角通菜街，寶藍色大大嘅招牌相當吸睛👀門外掛滿整排和式燈籠🏮，加上日式居酒屋裝潢設計，猶如置身日本街頭小巷之中😆我地見門外擺放了餐牌，諗住睇下有咩食，見價錢合理相宜就諗住試下😆兩個人叫咗4款嘢食埋單都唔使$300 🙊加上「大丸」唔同日子都會有特別優惠就更加抵👀火炙三式卷 $78一客有6件，三式卷有齊三文魚、吞拿魚同帶子，刺身面層加上蛋黃醬同甜甜地嘅照燒汁，火炙後令魚油香更出色，最愛係帶子卷，厚身又新鮮，仲食到刺身都火炙嘅口感😎豚肉泡菜鍋 $58鍋物都只係$58咋，咁抵食又點可以抗拒呢🙊除咁豚肉片同泡菜外，仲帶大量大香菜同豆腐，辣度算係入門級，如果可以有個熱鍋暖住就最好啦月見免治雞肉棒串 $28友人見隔離食緊又非常打卡able 就一人嗌咗一串，雞肉棒加入咗雞軟骨所以有少少脆感，沾上蛋黃液🥚同豉油更滋味岩石燒牛柳粒鍋飯 $78想暖笠笠嘅可以叫個石鍋飯，牛柳份量多而且夠嫩唔會韌，加埋蛋黃一齊食更滑順，最喜歡石鍋飯有少少飯焦底脆脆地更有口感😆