大助燒肉專門店

Open Now

Now Closed

推薦指數：🤩🤩🤩🤩 特上刺身拼盤 👍🏻海膽配紫菜、帶子、三文魚腩、油甘魚、北寄貝、八爪魚、赤貝、赤海蝦！每一款剌身都極新鮮💕特別係海膽同油甘魚。刺身拼盤種類多，而且刺身厚切好足份量，都係大約五百幾蚊！幾高質同性價比算唔錯😋燒肉都同樣唔錯，嗌左特上牛腹肉，一碟份量幾多，有起碼十件。油脂分佈幾平均，帶少少筋位，燒到香口沾埋醬汁，不錯👍🏻牛舌係今晚的驚喜之最🤤估唔到厚切牛舌都可以燒到咁juicy ✌🏻

去得烤肉店好自然只會order烤肉，因為個fd勁遲，唔想食到飽晒等佢黎到又要望住佢食一次，就試下order d小食，慢慢食住等。小食揀左已經3年無食過既海膽，order時又出現選擇困難症，唔知order一板定半板好...因為第一次係呢度食刺身，所以只order左半板，好fresh好creamy，一d雪櫃味都無，正！另一款小食就係炸生蠔，好抵食，大大隻有5隻，每隻蠔肉都好飽滿，勁好咬口，唔會水流流梅晒，食完又唔覺會太熱氣👍🏻👍🏻

話說突然心血來潮想食日式烤肉，記得九龍城係有一間既，咁就search九龍城日式烤肉店啦！見佢招牌張相後再search下有d咩好食，價錢之類啦！點知搵黎搵去都搵唔到間叫火助既烤肉店..... 由於已經決定左要食烤肉加飲啤酒，唔理咁多直接落左九龍城去搵，心諗黎黎去去都係個幾條街，除非摺左唔係無理由搵唔到既！終於俾我搵到，真搞笑佢間野原來叫「大助」，真係佩服幫佢地招聘題字既大師！唉，寫好少少d walk-in客先搵到架！建議大家散叫，同埋唔好叫原味，原味真係無咩味......

LUNCH 去到九龍城, 又想唔食THAI FOOD, 去左食日本LUNCH SET.. ORDER 左個吉烈OSYTER.   OSYTER 好似吉之島個D...... CURRY 一般般, 其實可以唔試.. .. 因為個味道真係一般般......不過一個SET LUNCH 70左右, 有味噌湯、中華沙律、茶碗蒸同甜品 都不貴.  加上個環境其實唔錯, 幾舒服.. 都可以一去..!!!!可能食燒肉好D.... 所以OVERALL都是OK .. 不過唔好太高EXPECTATION..

Lunch time一個人想食日本菜，見不用等位便試一試，點知大中伏。點了一個豚肉生薑燒定食($70)，心想見價錢不平應該質素ok，不料原本的豚肉賣相竟變成炸煙肉片，勁多油又黑仲有好大陣油益味，菜都無條得三幾條勁薄洋蔥絲，廚師更懶得將豚肉片切短，變成每塊都勁長要我自己用筷子整，荼碗蒸蛋得三分一碗滿仲要唔熱，收人客七十蚊卻交出只值三四十蚊水準既質素，真係好後悔悔唔食泰國菜。

好耐無黎九龍城搵食，同舊同事黎左呢度，水準依然高質呀！lunch早左半個鐘打電話book位，留左雅座俾我地，坐得非常舒服。大家都係嗌lunch定食，有味噌湯、中華沙律、茶碗蒸同甜品（迷你三角朱古力）。分別嗌左三款：北海丼（$98）、滑蛋鰻魚定食（$75）、滑蛋豬扒定食（$75）。北海丼食材非常新鮮！真係大滿足呀！特別係個油甘魚，真係入口溶化。試左一啖鰻魚都好唔錯！雖然menu好似普遍貴左，不過lunch又免加一喎！

九龍城有好多泰國嘢食，但係其實原來除咗泰國嘢食，亦都有好多唔同嘅美食今次行過，本身諗住去cafe ，點知見到呢間燒肉店好似好吸引就入咗去。 點知食物高質值得推介星期六原來都有午餐，而且價錢一啲都唔貴，好抵食 十二點左右入到去，舖頭剛剛開門，只有我哋，但之後陸續已經有好多客人入黎原來好多人都book位嚟食嘅。餐牌有好多選擇，定食都係幾十蚊至百零蚊左右， 如果食燒肉都係$130左右一個人，或$200左右已經有二人餐今次我哋揀咗定食，我地叫咗壽司定食配烏冬$98 定食有六件壽司 加三件卷物，壽司好新鮮 ，又夠肥美 呢個價錢食到高質素壽司，真係好驚喜 我哋仲叫咗牛小排定食$75幾香，味道啲似牛仔骨。所有定食都有麵豉湯、沙律、蒸蛋同甜品。真係非常抵食見到隔離枱嗌咗燒肉套餐， 望落去啲肉好吸引， 下次再嚟試下先!

睇完OpenRice見食評吾差就去試下Book左10個人，入到去環境好日本feel，餐廳安排位置非常好，自成一角一張長枱，服務員的態度和服務都十分好和友善，亦有推介食品和提示食物份量大小，燒肉份量很豐富，材料很新鮮，A5和牛入口即溶，超正呀我們亦有order壽司和海膽，刺身很鮮甜，服務員相當細心，時常幫我們更換燒烤網，當我們燒A5和牛時亦提點用細火燒，因油份多會很搶火這店真是值得推介，唯一是要收$50切餅費就有點貴不過都會再次去幫襯嘅

今日係男朋友舊曆生日，就俾佢話事決定食咩喇😝。因為佢係一個牛肉愛好者，加上前排佢同事帶佢黎過一次，覺得好食又坐得舒服既關係，所以揀左黎大助。入到去雖然裝修佈置都幾日本🇯🇵feel，但weekend晚飯時間響九龍城食飯竟然無乜人唔洗等，都有小小擔心會唔會中伏🤔我地點左: 美國Prime牛盛🐂(跟配菜，燒飯團🍙，麵豉湯🍲)，五品刺身，同一杯生啤🍻牛盛到左後，侍應哥哥問我地有無黎過，但男友竟然答”無”😱。之後佢就好細心咁講解燒肉既方法，仲幫我地燒一塊厚同一塊薄既俾我地睇分別，而且提醒我地最好最尾先燒牛肋骨，因為肉味比較濃，真心讚👍🏼！牛盛: 五款牛都好正😋，好味得黎又抵食$580！個人最喜歡牛舌同西冷👍🏼五款部位都有唔同嘅牛味同口感但全部都唔韌😬五品刺身: 雖然只係$98，但五款都好新鮮肥美又厚身，唔係普通貨色😊配菜: 粟米同日本蕃薯仔🍠都好甜，冬菇又唔硬👍🏼燒飯團🍙麵鼓湯: 燒飯團口感幾特別，連肉食一流👍🏼湯就不過不失👌🏼其實環境同食物都唔差，不過見到侍應只得三/四個，如果爆場一定做唔切，服務可能會差d😕(男友上次食已試過)。同埋雖然我地今次遇到件突發事件🤭，但侍應哥哥已經不停向我們道歉🙇

今次為了開心事慶功一下，朋友之前也常來這店，所以這次也決定來個中午慶功其實也就是食餐好的👍🏻星期六的下午也挺多人的，好在我們訂了位所以安排的位置也不錯👍🏻這家店主打是燒肉當然我們就來個兩人餐比較多肉可以選擇🐷🐮🐔另外也叫了刺身、壽司定食🍣🍱小朋友就叫了滑蛋豬扒飯🐷每個也是套餐已經包了前菜、湯、蒸蛋、甜點🍮説真的味道確實不錯👍🏻另外店內裝潢好有日本feel 令人好像置身於日本🇯🇵好喜歡呀！服務員也很好很快，很主動為我們加茶和收拾👍🏻

去完朋友屋企玩之後一齊去食晚飯，因為同佢屋企人一齊食，提議去食日本燒肉。成日食韓燒? 今次去食日本燒，入到去好乾淨好有日本feel 上面天花會有日本紙傘裝飾我地叫左羊肉，店員會教我地燒，所以燒得好香，d肉唔會好韌壽司好大夠但再凍少少會較好我地仲叫左清酒煮蜆，個蜆好食，唔腥，肉都幾大舊，剩餘的湯唔係味精湯，係會飲到好香的清酒味，飲完唔會覺得好膩，仲可以再叫燒飯糰好香，因為有飯焦的味道但食落唔夠香，因為三文魚比較少，如果多少少三文魚較香

突然很想食日本野 ，所以今日lunch去了九龍城食「大助燒肉專門店」！聽說這間既日本野不錯，我就同同事來試試！我點了午餐set既「北海丼」！整個set lunch看落得豐富，包括一碟小前菜、一碗刺身飯、一客燉旦、一碗日式麵䜴湯& 一碟小甜品！所有食物用了托盤盛載著，很有日本特色！蒸蛋裡面很足料：有冬菇、蟹柳，蒸旦也十分滑！刺身飯也包含著不同款厚切嘅刺身：有玉子、帆立貝、墨魚、三文魚、劍魚腩等等，刺身十分新鮮的！而甜品是一粒黑色的，裡面包了紅豆容，口感很特別！最後，可能地方較細，滿座後有點很吵耳的感覺！

琴日係九龍城剪完頭髮唸著去食果間點心，路過大助，男朋友話呢間既牛唔錯，特別係果個西冷！既然係bb介紹既，點有唔試下既道理。呢度啲裝修幾特別，有似日本既風格，有類似床既檯，可以脫鞋上去坐，我地本身都想坐呢啲，但可惜被人book左，我地坐係帳目內都唔錯感覺！呢度既燒肉爐係用電既，一開即熱，好有熱力，而且中間個位似蚊香，幾搞笑，唔錯唔錯。我地兩個人只係叫左一份肉，和牛西冷，一份500幾，再加其它配菜，沙律，烏冬等，買單1200幾，都在預算之內。見隔離床位果度小朋友玩得好開心，下次要book下呢個床位先！

大助燒肉 門口餐牌 午市定食吸引 試吓……餐廳環境靚 要除鞋嘅 座位舒適 招呼友善1張餐牌 多選擇 …… 免加一照燒牛小排定食 $68 5件分量多 大骨唔正 肉香微韌 照燒汁偏甜麵豉湯 ~海帶豆腐 麵豉味香 唔夠咸茶碗蒸旦 ~ 即蒸夠熱 旦滑嫩 白果很苦珍珠米飯 比較糯 硬 有啲頂胃滑蛋豬扒定食 $68 半吋厚 豬扒肉嚡 要轉烏冬要加 $17 … 吉列生蠔 ~ $48 4隻 買相靚 原仔蠔形狀 但食嘅係炸皮 炸皮厚半吋 冇乜蠔內涵 ……食落冇蠔味 原來得少少蠔碎 黑黑嘅絕對唔會再叫 有投訴 希望有改善 免加一 有綠茶供應 但茶淡唔香

有日同男朋友經過，見到入面裝修幾靚，有榻榻米坐，就入去試試。建議book位，特別一大班人，去過兩次都幾full。主打食牛，同男朋友叫左個海鮮牛餐食，520蚊，有霜降牛肉，雞，豬肉，扇貝同蝦，有跟湯同飯，牛味好香，食落唔un,其他既都好好味，同男朋友食過一次忍唔住過兩日再食，叫多個雞軟骨，都好唔錯。想食燒牛，絕對推介。