大師傅粥品 (同昌商業大廈)

Open Now

Now Closed

早排想食得清淡啲，見屋企附近新開左間粥鋪🍲拉埋老公一齊撐枱腳😋一齊嗌咗幾款試下☺️店舖裝修闊落，望落都明亮，有卡位，坐得舒服👍🏻💭黃沙豬潤粥 超大塊新鮮豬潤，仲要份量好多，啲粥好綿，豬潤夠厚又爽口，煮得啱啱好👍🏻完全冇腥味，食完暖笠笠🙂💭皮蛋瘦肉粥至愛皮蛋瘦肉粥，生滚粥熱辣辣，佢哋嘅瘦肉好厚實嘅肉絲，有少少咸，皮蛋超香，味道適中，好唔錯。💭叉燒腸腸粉即叫即整，腸粉皮薄又滑，唔會好粉，咬開大量叉燒肉粒😍正啊💭蝦米炸兩腸粉炸兩香脆鬆化，腸粉皮厚薄，仲有蝦米，點埋甜豉油，甜醬，味道更加提升，食到停唔到口💭豉油王炒麵好大碟，自己可以另加麻醬，甜醬，辣醬每條麵都沾滿豉油汁，香脆又彈牙

打完風之後嘅唔知第幾多日，都係有啲落雨🥹今日晏晝約咗出去做facial，早少少出嚟食啲嘢先行過佐敦薈見到有一排新開食店，落住雨天氣有啲涼就入去粥舖嗰度試下🐷狀元及第粥+鯪魚球及第粥嘅材料有豬心、豬肚、豬潤、豬粉腸、豬肉片、豬肉丸而家好少食肆會有豬心食啦，爽口得嚟又咬得入都幾好味，同埋份量都幾ok，總括嚟講啲餸仲多過粥😂值得一講佢嘅豬粉腸，唔會太硬，鯪魚球就都幾彈牙，粥底好綿👍🦞韭黃鮮蝦腸呢度嘅韭黃鮮蝦腸係用原隻蝦，唔會碎濕濕，腸粉漿都係幾QQ唔會淋bi bi一夾就散🐷叉燒腸粉欣賞佢嘅叉燒腸係用叉燒粒！同埋枱面有麻醬甜醬辣醬芝麻可以自己任唧👍🥤凍奶茶凍豆漿有凍豆漿呢就唔出奇，通常出面食粥嘅舖頭都一定會有，但係呢度竟然有凍奶茶喎，茶底都幾香濃同埋都好香奶味好滑其實佢門口都有好多各類油器，牛脷酥咸煎餅煎堆油炸鬼嗰啲，不過實在真係食唔到咁多

好耐冇食粥啦 經過新開張就試吓 3個人叫咗一碗粥、炒麵炒米粉、腸粉、牛脷酥 全部都好足料👍🏻仲有凍檸茶飲😍店舖環境衛生乾淨仲有卡位坐☺️店員都好有禮貌 好招呼 值得一試 見好多人食艇仔粥 下次嚟再試💯💯

佛誕收工涼涼地經過佐敦見到新開業試吓，好耐都冇食過粥，入去一試認真唔差叫左豬潤粥，牛肉腸粉，豬潤夠爽，粥底有少少🤏傑，但收貨的，牛肉腸粉皮夠薄，一食落口就知即叫即蒸，因為牛肉餡夠晒熱夠晒滑，$62蚊無意見

尋日無意中見到某外賣APP有午餐一人送優惠仲有8折, 所以買左個set $66：有碗艇仔粥，一盒叉燒腸及一支豆漿。粥是厚身綿滑的，料都幾多。唔錯。腸粉當然不會要求係酒樓果D皮薄餡靚嘅質素，但以一間粥鋪黎講，我會比佢中上分數. 豆漿係膠樽裝大大支，不會太甜，但豆味亦沒有太濃，都算OK啦!今日再order散叫，試左皮蛋瘦肉粥，encore左叉腸。皮蛋完全沒有"拿"喉的怪味，但瘦肉略嫌淡左d。下次會試佢d油器。