大師傅粥品 (同昌商業大廈)

Open Now

Now Closed

.‼️❤️ 記得CLICK我PROFILE關注我呀 ❤️‼️.🍲 嘢食足料又坐得舒服嘅食粥好選擇 @ 🌟 大師傅粥品 🌟.💁‍♀️ 圖片展示美食為：窩蛋鮮牛粥 HKD 43皮蛋瘦肉粥 HKD 31蔥花炸兩腸粉 HKD 26叉燒腸粉 HKD 23鹹肉粽 HKD 22油條 HKD 12.👽 香港食粥嘅鋪頭好多都比較迫，呢間舖頭非常之乾淨企理，仲要可以坐得好舒服，見到餐牌上面嘅價錢更加係非常之吸引，就當然要試下啦！.🍲 呢度主打食粥，決定試下「窩蛋鮮牛粥」。牛肉都幾厚身同鮮嫩，加埋隻窩蛋，一筆起無得頂。粥底幾濃郁，份量絕對足。.🥚 另外就試左經典嘅「皮蛋瘦肉粥」，超級多切條嘅瘦肉同皮蛋，非常足料，個粥底唔會水寥寥。.🥠 去粥店必食嘅一定係「蔥花炸兩腸粉」，幾軟滑，包住香脆大件嘅炸兩，自己加甜醬、麻醬、豉油。.🦐 另外加碟「叉燒腸粉」，叉燒OK大舊，包入軟滑腸粉入面，價錢比酒樓抵好多。.🥟 好耐冇食過「鹹肉粽」，好肥大嘅一隻，鹹肉幾入味，可以自己揀配砂糖定係豉油。.🥠 碗粥好大碗，所以加多條油炸鬼，好脆身，但無成手油，夠大條，配粥食真係一流。.😃 唔怪得呢間舖頭咁多分店啦，打理得好整潔，坐得好舒服，仲要

是日來到佐敦的大師傅粥品吃個簡單午餐。這𥚃比一般粥店更光猛，環境不錯。餐牌有即熟粥、生滾粥，亦有不少油器、腸粉及簡單送粥炒粉麵選擇。與友人各自點了自己喜愛的粥品，再點了兩款不同的腸粉分吃。狀元及第粥:點了個人最愛的及第粥，粥底綿滑，而且料超多，豬膶、豬肚、豬粉腸、豬肉片各有2件，另有1大塊豬心及1粒肉丸。特別喜歡豬膶夠厚又滑，處理得很好，肉丸加入了一點蝦肉增加鮮味，而且很彈牙，不錯。窩蛋牛肉粥:友人點了窩蛋牛肉粥，生滾粥中藏有一隻生蛋，把蛋刺穿再與粥拌勻食用，拌了蛋漿粥底更滑及更添鮮味，牛肉片量也很多，夠滑，整體也是不錯。蝦米炸兩腸粉:送粥點了蝦米炸兩腸，份量十足，腸粉皮滑，油炸鬼也脆，自行混醬加上麻醬、甜醬及芝麻，很好吃。韭黃鮮蝦腸粉:另外也點了韭黃鮮蝦腸粉，蝦子鮮甜，腸粉滑嫩，跟炸兩是兩種吃法，都很好吃。整體質素不錯，料多粥底綿，便宜又好吃，天氣涼涼的吃點熱粥很舒服。值得一試。

天氣涼返少少就好想食粥，這間店粥品好棉，而且仲有多款配搭🤗 「皮蛋瘦肉粥」 看似普通，但粥底好棉好香滑，皮蛋及瘦肉都足料🤓「炒麵」 不會太油，份量也滿滿，我加上芝麻同租醬😋 特別好味「豆漿」 飲返杯豆漿清清熱氣😊「北菇雞粥」香滑無比，材料十足，雞肉嫩滑，食雞粥最怕有碎骨，這個無碎骨 👍🏻「牛脷酥」食粥點少得牛脷酥❤️絕對係兒時回憶呀，熱熱地外脆👍🏻仲幫我剪細，好細心「炸兩」 精粹一定要混醬，我自己加滿醬料🤗

咁都係一個早餐之選嚟嘅，價錢又唔算太貴咁食吓粥同埋炒米蘭，食吓油炸鬼價錢正常囉都算一啲大連鎖店嘅餐廳咁如果有病唔舒服食嘅話呢其實都算OK嘅，不過感覺上佢都應該有落味精，所以如果病咗食呢，可能只會令到你更頸渴🤣🤣因為平時自己煲開咗咁就覺得佢都比較稀，同埋啲米就比較少水就好多

對住彌敦道大街，居然有間好食夾大件既粥品店。連續兩日試左佢地三種粥（包括皮蛋瘦肉粥、菜乾豬骨粥、艇仔粥），D粥既夠大碗又夠足料，好抵食，食粥都可以食飽。油炸鬼同牛脷酥都好大舊好脆，無油膱味，滿足感100分。日後要試埋鹹煎餅同埋煎堆先得。服務方面服務員都好快手快腳，外賣等唔夠五分鐘已經有得拎。價錢方面，比起同區老牌東乜粥店都只係俾多幾蚊，但份量同材料已經抵番曬。堂食座位算寬趟，裝修夠光猛，乾淨企理好正。

大師傅粥品位於佐敦最熱鬧既馬路旁，好多人經過買外賣。 店內衛生清潔，亦有卡座坐得舒服😌。窩蛋碎牛粥菜乾豬骨粥依兩款粥都係我鍾意食既粥，粥底唔會過鹹，味道剛好。窩蛋沉底，拌勻蛋漿濕濕地幾好食。而菜乾增加清甜味道，豬骨肉質煮班軟身。小食：豬潤腸：比較少餐廳做依款腸粉，而且係大師傅其中一樣招牌菜。豬潤質感好滑嫩少少潺，唔會煮得過老變硬。鹹肉粽超大隻粽，兩個人食先食得晒，外面糯米質感唔會太硬炒米粉白灼生菜

同亞仔北上出發前在佐敦《大師傅粥品》吃個早餐，店鋪新淨企理，設有卡位，坐得幾舒服。亞仔點了熱辣辣的「生滾粉腸粥」，份量真係好多，唔係粥多而係料到！每一口都能吃到Q彈的豬粉腸，而且食材新鮮及處理得很好，完全沒有苦澀及臭味。 而我就點了經典「窩蛋碎牛粥」，粥底細滑，米香蛋香牛肉香😋「牛脷酥」外酥內軟，還是兒時記憶的味道。😊「蝦米炸兩腸」即叫即整，內裡的油炸鬼還很脆。😍「 豉油皇炒麵」乾爽彈牙，油香味美。兩個人吃到滿飽，笑言我們還能上大巴嗎？🤣

爸媽話好耐冇食粥，今日經過大師傅，就帶佢地食餐簡單美味的晚餐。每款食物都大大份，唔會食唔飽。生菜鯪魚球粥$43呢款生滾粥夠晒熱辣辣，粥底夠綿滑，生菜絲很多，入口爽脆。鯪魚球大大件，爽滑，有6大件，還帶有陳皮香氣。窩蛋碎牛粥$36碎牛粥啲碎牛都幾多，而且香滑。每啖粥都有碎牛，加上流心窩蛋，好滋味，如果有炸花生更好。牛肉腸$23腸粉不過不失，甜豉油好好味。 炒麵$18大大碟，炒得有鑊氣，充滿豉油香氣，麵質爽，自己再加上啲芝麻同甜醬，更添風味。炒米粉$18米粉加上芽菜絲加埋紅蘿蔔絲夠晒爽口。牛脷酥$12超巨型，外脆內鬆軟，一點也不油膩。

位於佐敦❣︎大師傅粥品❣︎係一間擁有多間分店嘅連鎖粥品店，裝修簡約舒服，地方好乾淨👍🏻粥嘅款式同配料都好多款式，仲設有下午茶餐優惠。❣︎北菇雞魚片豬肚粥❣︎$55雞肉好滑好鮮甜，有豬肚加配真係好少有👍🏻豬肚軟嫩無腥味，魚片鮮香，跟餐加熱檸檬加$6。❣︎鮮鯇魚腩皮蛋粥❣︎$51鯇魚腩大大件好足料👍🏻魚肉鮮嫩，加埋皮蛋下火一流。❣︎韭黃鮮蝦腸❣︎$27腸粉皮薄，鮮蝦彈牙。❣︎豆漿❣︎$10支裝上方便衛生，甜度岩岩好，唔會太甜。

大師傅粥品位於佐敦彌敦道221號同昌商業大廈地下裝修有別於屋村粥店，非常乾淨，企理魚腩粥魚腩肥美有六至八舊非常鮮甜粥底綿皮蛋瘦肉粥皮蛋爽口瘦肉絲好淋粥底夠綿滑煎堆炸到金香中間煙靱牛利酥油器三寶帶甜因為加左砂糖炒米粉大大碟有椰菜，紅蘿蔔絲配粥一流韮菜鮮蝦腸一定要食腸粉即製唔會淋晒比較厚身每條都食到蝦淋左豉油可自行跟據口水加辣醬，芝麻醬，甜醬周末下午時間坐滿人有食客會食粥配炒麵或者油器咩年紀既人都會光顧

同阿媽去佐敦整頭髮，整完就去食午餐，阿媽想食粥，話附近有間大師傅粥品，佢哋啲粥足料又好味，叫我去試吓！粥店有生滾粥和即熟粥，仲有油器、腸粉和小食。狀元及第粥：即叫即煮，用料豐富鮮美，粥底啖啖綿滑有米香，豬雜新鮮，其中新鮮豬潤、豬肚質地爽滑，不韌不嚡。艇仔粥加豬紅：粥滑軟綿，魷魚豬皮爽彈又鮮甜。加埋嫩滑的豬紅，更添美味。蔥花炸兩腸粉：油炸鬼夠新鮮，兩者配合，腸粉滑，油炸鬼鬆脆，再加煮過的甜豉油，甜醬辣醬麻醬好滋味！豉油王炒麵：麵質乾身彈牙，鹹度適中，配上爆香的韭菜和芽菜，豉油香味四溢，是一道惹味炒麵。油條、牛脷酥炸至金黃色，表面無油份，外層實淨脆卜卜，內裏卻鬆軟，配粥品好夾。

這間位於佐敦的【大師傅粥品】，主打廣東粥，有生滾粥、腸粉、油器及小食等，生滾粥是即叫即滾，原汁原味。叉燒腸粉腸粉即叫即做，新鮮熱辣，而且腸粉都幾滑，叉燒餡十足。油條油條大條，炸至金黃香脆，送粥一流。炒米粉米粉超大碟，足二人分享，加了些芝麻更香口，裏面還有些紅蘿蔔及椰菜絲，炒至爽口。鮮鯇魚腩鮮牛粥生滾粥底綿滑，鯇魚腩有3至4大件，十分新鮮嫩滑，粥底鮮甜。生滾皮蛋肉片粥新鮮肉片腍滑，加了皮蛋更香更好味。

平時食得太油膩間中都想食碗粥清淡一下呢間遍佈多區嘅粥店單係粥嘅品種都好多款式✨北菇仿鮑片滑雞粥食雞粥唔係一定要去沙田加入北菇同埋鮑片仲有大量鮮雞肉．非常足料配埋牛脷酥 同 油炸鬼 係完美嘅配搭✨艇仔粥由細到大都鍾意食艇仔粥好鍾意食呢度嘅粥底口感好綿密味道恰好．唔需要添加胡椒粉都好好味✨牛肉腸粉外層腸粉皮唔會太厚裡面夾著牛肉．好幼滑✨豉油皇炒麵炒麵大大盒．$18 好抵食整體性價比高難怪吸引不少附近街坊 同 上班族

食物不好吃，服務態度差，想用廁所，服務員竟然說店舖沒有廁所，包括員工自己要用廁所也要去隔離商場的殘疾人士廁所或問肯德基借用廁所。根據食環署的標準，餐廳必須提供廁所。如果食肆沒有廁所，食環署是不會發牌。 真想知道他的食肆牌照是如何申請的？對這間粥店很失望，有那麼多的分店，竟然會沒有廁所，已投訴食環署跟進。這真的不知道是員工講大話，還是真的沒有廁所在！香港經營食肆已經不容易，很多人也選擇北上消費食嘢，仲做到咁差服務😔令人失望！

間唔時都想食粥，依家大師傅粥品成日都見到佢，今次終於去試吓，見佢都好多款式可以揀，炸物炒粉腸粉等等都好多選擇，呢一間環境乾淨企理，可以食得舒舒服服！😬🍴狀元及弟粥 $45生滾粥果然好食啲，真係超足料，有兩舊超厚嘅豬膶，如果你係豬潤愛好者，你會好似我咁念念不忘😂😂仲有魚片，粉腸，魚球等等等，好豐富而且粥煮得好綿密！🙂‍↕️🍴韭黃鮮蝦腸 $27腸粉就係我嘅最愛，腸粉整得好滑，鮮蝦的確新鮮，好爽口，加埋甜豉油非常好食！