大師傅粥品 (金昌摟)

Open Now

Now Closed

完全冇味，已經唔係以前嗰間幫襯咗好多年以前幫襯開都叫不過不失今日食個皮蛋瘦肉粥，粥底完全係白粥一啲味都冇皮蛋同瘦肉當然係冇味啦，仲要黐埋一舊條油炸鬼以前都唔係好嘢嚟㗎啦今次直頭好似未炸開咁咬落去實滴滴似一嚿浸咗水嘅隔夜麵包真係差到食唔落俾咗張$50蚊紙發現銀包原來仲有散紙諗住俾散子阿姐，點知收錢阿姐仲要西面唔出聲唯有自己收返埋張50蚊紙say sorry😅以後都唔會再幫襯唔係話唔想幫襯呢啲小店但係真係做得好差感覺佢係冇心機做

早餐皮蛋瘦肉粥，牛肉腸大師傅在大圍區係人都識，在大圍火車站斜對面，交通算是方便，其實近年都幫襯過幾次。早餐order了皮蛋瘦肉粥和牛肉腸，幾大碗，皮蛋份量一般，瘦肉份量正常，但是瘦肉味道蘇蘇哋，感覺不太新鮮，因此不太想吃，食淨大半。牛肉腸味道正常。食到中途有人送貨來，回頭一看，原來是幾箱餐具，應該是外判清潔取回的餐具，外箱非常骯髒，職員帶着手套打開膠箱拿出餐具。餐具全部是黑色，是否清潔衛生？不予置評。

我哋三人分別叫咗2碗碎牛粥和1碗皮蛋瘦肉粥，呀仔食皮蛋瘦肉粥，佢食到一半話鹹得好犀利，跟住我就試吓，原來瘦肉連埋鹽未散開，所以超鹹。由於食咗一半，冇諗住叫職員換過，我只是提醒呀姐D粥超鹹。點知佢重鬧返我轉頭，大大聲重話：邊度鹹呀，我食唔到鹹喎，我就知你想食多碗，可以免費。之後佢哋重不停話我貪小便宜。嘩！我真係嬲到爆，好心做壞事！完全唔會覺得佢哋D粥有問題，依家啲服務態度真係⋯堅差，以後唔會再去！！

上次食好足料好好味，今次嚟呢度買餸， encore一樣嘅熟，但係啲材料少好多今次嘅及第粥所有嘢都少咗 唔記得咗應該上次都係冇豬腰 ？但係佢肉片都係得一片 定係兩篇，豬腸嗰啲都唔多記得上次好似冇盤有兩件 豬膶就有三片 不過豬肺依然好好食我就加大豬潤粥㗎豬紅同埋粟米生菜，因為想食粟米甜甜地同埋上次見隔籬枱食好想食！點知原來佢啲粟米係勁差好多渣 搞到我都唔想食，刪除份量唔多，豬紅都係四粒佢仲減咗我本身豬潤一片 平時有五件今次得4片 同譚仔雙餸嘅道理一樣 會減咗本身單餸嘅份量再加另一款俾你 今次嗌咗牛脷酥同埋炒麵兩個都好好味好新鮮，炒麵應該整定一嗌就已經30秒內上枱😂😂想食啲纖維嗌咗一個正常發揮嘅蠔油生菜今次四個人坐一張枱就舒服啲，唔使同人share

嚟大圍諗住行吓街買吓餸食啲平民美食，諗起呢度有間大師傅粥店就嚟食吓啦食過一次記得印象OK，今次食更加好味，好似比上次粥材料，而且個味道都更加好，我哋嗌咗及第粥同埋豬潤粥，因為我記得上次豬膶加粉腸就係豬潤好味好多，而且又要貴少少，都係豬潤粥抵食！阿媽個及第粥雖然$38一碗，但係都幾抵喎，原來因為佢啲材料唔係每樣得兩件，而且又有肉片，又有豬心又有粉腸又有豬潤，又有豬肚超級豐富！我哋仲嗌咗個叉燒腸，個粉皮好好味叉燒就普通，叉燒份量少同埋比較多肥粒呢度有獨立廁所，但係都幾污糟，店舖環境不過不失啦呢啲小店，服務正常，呢個價錢超值啦，買單都係$89

今次去嘗咗間鼎鼎大名嘅粥品專門店，一入去就飄嚟陣陣粥嘅香味🍲，令人忍唔住咽口水。首先點咗碗窩蛋牛肉粥，個粥綿滑得嚟有咬口，窩蛋夠滑，散發出雞蛋嘅香濃氣味，同粥湯融合得剛剛好。碎牛肉又鮮又嫩，每啖都滿足哂！再試吓炸兩腸，外皮酥脆內裡滑溜，油香四溢，趁熱咬落去真係好食得嚟唔膩口😋。豆漿仲係自家制嘅，香濃得來唔會甜得嚇人，一啜一啜都喝得出黃豆嘅天然美味！嚟到香港，唔少得婆婆傾偈飲茶環境，但呢間就純粹得嚟又地道，環境簡潔舒服，重點係食物真心好味，我嘅胃完全被治癒。下次再唔舒服或者想食返傳統香港粥品，一定還會再嚟，正👍！

大師傅都聽過幾次，親身嚟食就真係第一次 嗌咗炸兩同埋牛肉腸粉 牛肉係碎牛肉，類似牛肉球嗰啲，腸粉雖然有但係好好味，經過廁所見到阿姐拉緊腸粉好有地道嘅感覺🥳同埋想提一提呢度服務都唔錯，雖然唔係話侍應好溫柔，但係好有人情味亦都好好安排！有一個客人啱啱入座坐咗一張圓枱，我哋兩個人本身諗住求其坐一張搭枱，點知阿姐安排咗我哋調枱超好型有心淨係呢一點已經攞滿分窩心嘅阿姐雖然發記粥品好味啲，不過嗰間出晒名好難咁樣比嘅粥嘅賣相好好，一睇落去已經好眠嘅感覺，嗌咗豬膶粥加粉腸，我覺得加料嘅話會本身嘅料少咗，可能本身唔想平會有5豬潤，而家就變咗$3豬潤+3件腸粉！豬粉腸麻麻哋，但係係有新鮮嘅豬潤嘅話就好新鮮好有你講我阿媽整落嘅味道呢一個就好味過發記 可惜只有三件咁就北菇滑繼續加咗豬紅，不過北菇原來得一件，滑雞就有大概好細嘅四件，不過全部都唔係雞胸位，而且係連皮嘅，變相真係食落肚嘅肉就唔多，我自己鍾意食肉多啲整體而言好滿足，估唔到得到一個面壁嘅位置會坐得咁舒服有機會會再嚟食

近排病咗，係大圍附近搵下有無粥店，朋友介紹我試下大師傅。見佢價錢親民~~去到門口已經有好多人等緊外賣，堂食都好多人!我地等咗一陣就入到~窩蛋碎牛粥🐮碎牛入面有好多脆脆嘅米粉粒! 食落脆卜卜~好好食!!鮮鯇魚片粥🐟魚片都好多塊，好足料，粥都食到魚味~蝦米腸🦐腸粉都幾滑，蝦米味都好出，味道比我想像中好食!菜乾豬骨粥(外賣)呢款粥都好足料，有好多菜乾同豬骨，仲有D蠔乾，但反而佢味道無咁好食，對病嘅人黎講過濃☹️我帶食物盒去裝，個姐姐整爛咗我個食物盒，我要自己組裝翻……執野嘅時候仲掉左魚骨落我部電話度-_-....問佢有無紙巾佢話無........野食還好,但服務就真係差少少😰😰😰

天氣轉涼，感冒前清清腸胃～見網上外賣平台有免運費優惠，即刻落單～瑤柱白粥（加鹹蛋半隻、加魚片）評分：4/5 同自己煲嘅白粥唔同，大師傅嘅瑤柱白粥粥底相當入味，一碗有成十幾粒瑤柱，加埋隻鹹蛋一啲都唔寡口。第一次加魚片，發現有少少細骨，如果比小朋友食嘅話未必適合加魚片。凍豆漿評分：3/5正常豆漿味，但因為加左冰，外賣送到時已經有少少溶，有種對得太多水嘅稀釋感，如果堂食或者外賣走冰嘅話會好啲。價格：$55（$30 瑤柱白粥 + $5 鹹蛋半隻 + $5 魚片 + $15 豆漿）

肚仔唔舒服食下白粥清腸胃公司附近最近係呢間看似無味普通既白粥係我鍾意既杰身綿滑口感係有種好獨有既味道屋企自己煲出嚟都唔一樣但我講唔出係咩味鮮蝦腸粉蝦都幾大隻，幾爽脆𠝹開後每邊至少有一隻有時叫炸兩會叫支豆漿但食粥又再叫野飲會成肚水小店既服務一定無得同連鎖店比小店人手都少d同埋座位都比較迫有時等唔到位都會寧願外賣有咁多人支持一定有佢突出既地方題外話佢既黃糖糕幾好食$5一片做飯後甜品都唔錯白糖糕就未試過

本人只是外賣送餐，要取兩份餐，去到餐廳只有第二份，沒有第一份。問呀姐，呀姐話起初應都唔應，問多次話係得咁多份餐，就係冇第一份餐，仲話「係咪你去錯餐廳呀？」再講咗一輪話冇可能冇第一份餐，呀姐先極悔氣地查單，結果係佢自己睇漏單冇做到。呀姐態度極惡劣，十問九唔應，到最後仲要係咁話係收單機部機嘅問題，根本佢自己做漏野又唔肯認，仲頭話返人轉頭。另一呀姐態度冇咁惡劣，但十問九不知。奉勸大家外賣/堂食都不要去此餐廳買難受。

今日無乜胃口，唔知食乜好？剛巧見到這間店，就即衝入去試試。選了簡單，但最難搵到整得好味的食品。1️⃣香滑白粥。$13🔎雖然還未到綿滑口感程度的白粥，但還可以接受。2️⃣齋腸粉。$12🔎沒有米香味，不過食落口感滑溜軟腍。這樣簡簡單單的白粥加腸粉，也是一頓美味的一餐。

知道人多都忙，已經快快叫餐，叫咗兩碗粥、XO醬炒腸粉、煎堆同埋炸兩，個收銀自己停咗喺炒腸粉嗰度，然後就喺度自言自語講話：「都唔知炒唔炒得切，是但啦，炒多份」咁樣，繼續自己喺度篤篤篤部機，嗰時其實我已經清楚咁講完所有要點既野食，點知收銀又再問：「仲有要啲咩啊？快啲講啦！」問佢落左後面兩樣未，原來冇落到！講真，你忙唔想炒腸粉，咪講聲囉，自己係度自言自語聽唔到又話人，做唔到人多嘅時段就截單啦。反而外賣個姐姐態度就唔差了。

外賣平台 中伏，啲嘢完全貨不對辦，嬲到去門市換，同佢哋員工講，個阿姐仲話爭一樣嘢姐，我叫成$100左右，希望佢哋老闆睇到唔該改善下啦，超級不愉快經驗，我哋啲顧客唔係傻嘅，唔好諗住我哋叫外賣就冇聲出

早排食得太好，係時間要清一清腸胃，食番清淡少少… 所以去左食粥😌 艇仔粥 + 生菜粟米 ($26+$5)因為我想食多少少蔬菜，所以額外加左$5要埋生菜🥬粟米🌽。加完之後成碗艇仔粥變得更豐富，又有番d咬口😋 成碗粥好大碗，而且入面好足料。除左魷魚腳、碎牛肉、豬皮等配料，仲有少量薑絲👍🏻 好味到我清哂一大碗😋蔥花炸兩 ($17)一開要驚唔夠食，叫多左一碟蔥花炸兩。後來先發覺一碟裝左3大條漲卜卜既炸兩，勁大碟😂 本身上枱時已經落左豉油，然後我自己再加埋枱面上的甜醬、花生醬&芝麻😋 外皮夠滑、入面油炸鬼穌脆。不過真係要襯熱食，如果唔係凍左淋左就無咁好食。