大師傅 (Closed)

今日在大師傅吃午飯，點了常吃的羅漢齋飯，附送了兩條魚骨。我心平氣和地和他們的職員說，經理用紙巾拿起魚骨，把它們逐一折斷，說魚骨不會斷，是荀。我吃了幾十次從未見荀

今晚同老公找食，見到這店，覺得比一般茶記舒服，便入去試試。叫了二人餐。我們選了豬手、肉骨茶、蒜泥五花肉，一個黃油飯及白飯，例湯及飲品。先來兩碗份量及質量都👍🏻。我一向🙅飲例湯，但它的顏色令我覺得🤔⋯⋯而且湯溢出香氣🙂。試嚐一口，真的很有味，不鹹，覺得甜及肉味。真的像老火湯。這是豬骨紅蘿蔔湯👍🏻。豬手真的好好味，首先，那層皮煙靭，不是淋淋的，肉質也彈。肉骨茶，份量很足，但嫌味道偏甜，不像平時食的，但肉不算鞋。蒜泥五花肉，切得薄薄的，我們很欣賞那些蒜蓉，很香很開胃，而且不是蒜粒。我第一次食都很喜歡😋（因為平時果啲不吸引我）。看到周邊的食客叫的小菜都不錯呢！下次一定再試

行過路過, 見有餐廳大大的招牌 " 大師傅 ", 夠膽稱之為 " 大師傅 ", 相信廚師的廚藝應該有一定功夫, 而且滿有自信的, 於是就入去幫襯 ~Menu ~極品去骨海南雞飯 $45 : 賣相不俗, 因為已去骨, 所以更感啖啖肉, 放件鷄肉入口就覺驚喜, 雞的肉質細緻, 嫩滑又厚肉 , 皮下脂肪少 , 雞味濃鮮; 配上香口的油飯, 滋味無窮, 絶對是極品海南鷄飯 ~凍鴛鴦 ( 另加 $ 5 ) : 咖啡和茶的比例都很不錯, 入口奶滑濃香, 甜度也適中, 盡顯港式風味, 還不錯喝的 ~本篇完 ~

第二次來食，點左“乾炒牛河”。因為第一次來食時叫左沙爹炒牛河，隔離臺叫左乾炒牛河，炒得非常香，食緊沙爹牛ge我頓覺失色，而且個沙爹炒牛河，第一淡已經勁味精味道，哈哈，不過都ok啦……味精無阻我想試佢的乾炒牛河，所以今日點左，今次個氣味就無上次咁香，但就唔覺上次咁濃味精，碟河系炒得靚ge，油量適中，不會膩，一碟份量都足，但對於高食量的人士就未必夠，我自己就剛剛好。再來的其中一個原因還有佢的環境，坐得舒服，衛生也不錯。

前兩日早上又去咗大師傅食早餐～叫咗雞扒餐肉麵+凍奶茶嘅早餐，共銀$31元，幾抵食！環境非常乾淨整潔，女服務員好🈶禮貌，更遞上一杯熱水，杯水乾淨🉐令人可以安心飲用，完全吾會令人聯想到係用嚟洗筷子的，而且🈶落地大玻璃，感覺開揚舒服！，碗麵嚟到我面前，塊雞扒真係幾大塊，餐肉雖然冇煎過，但係一樣好味，麵質相當彈，而且食品嘅價錢合理，我只係晩市冇嚟過呢度食飯，揾晩🈶時間嘅話，我一定會同朋友嚟呢度嘆番個靚雞煲

大師傅的確係一間幾唔錯嘅餐廳，食品質素屬中上，服務員態度幾好，環境乾淨舒適，呢度🈶各式各樣嘅早餐，包括有扒類嘅早餐，又或者公仔麵餐，任君選擇，我鍾意食公仔麵，所以就叫咗一個雞扒腸仔麵餐，碗麵到咗枱面，我睇到塊雞扒煎🉐好靚，微焦，而且仲🈶少少黑椒碎，食落非常香口，而且份量都唔少，腸仔有炸過，正🈴我心意，麵質非常之彈，果然係大師傅！另外午餐都🈶好高水準，我叫咗涼瓜牛肉飯，涼瓜爽脆🈶咬口，依然保留到苦味，牛肉好鮮嫩，一食就知係用新鮮牛肉(並非使用梳打牛)，而且夠嫩滑🈶肉汁，真係好考師傅功力，以後食早餐或午飯又多一個好去處了

前日朝早七點幾，我去咗大師傅食早餐，一入到去，環境相當舒服同乾淨，職員服務態度友善，我叫咗個雞扒腸仔麵加凍奶茶嘅早餐$31元，雞扒煎得夠香，腸仔又唔會炸🉐過燶，麵身相當彈牙，杯凍奶茶相當好飲，整體嚟講非常ok,叫得做大師傅，食品質素當然🈶保證！下一次再有空閒時間嘅話，我一定會再去大師傅慢慢嘆番個靚早餐

服務罕見的好 環境乾淨舒服，麥片粥很合我口味，但是那個炒蛋有一種說不上來的怪味道 份量不多，位置好找 其實是要D2 出口右轉就看到了，比較喜歡的還是服務態度 ，在吃過這麼多香港餐廳，算是少有的，總體上算不錯囉！

新開派全單,看到門面幾開洋, 幾整潔, 就入去試下.叫左個套餐, 有多款選擇, 卥水豬睥 - 夠唸, 但不夠味道, 皮 QQ地幾好食, 就是不夠味道海南雞- , 顏色太白,扣了點分,肉質算滑, 黃姜味不夠, 醬汁夠濃, 算合格 煎肉餅 - 好香, 肉質彈牙, 味道夠, 最滿意的一道菜麻辣豬耳 - 爽脆, 麻辣味不夠, 可以加多些另加錢要份菜心有例湯, 係花生眉豆湯 - 湯是老火湯, 夠主家味, 無落味精, 好出色的湯, 實而不華.油飯- 黃姜味略不夠

見新開，去試一試。食2人餐，湯好甜，讚，煎肉餅也好味，可惜份量小（得4小件）。但到主菜就出事了…… 海南雞得塊皮係熟嘅，生到不得了，舉手要求換，侍應態度很好，10分鐘後換了另一碟。嘩！一反轉，成碟得2件薄肉的熟，其他粉紅透明嘅！！！趕時間，唯有走先，走咗以後唔會再返嚟。

此點開張不久但一向午市人多，今午單丁食飯膽粗一試，等候十多分鐘得到了搭檯卡位，叫來了霹靂（pig leg豬髀）飯套餐，飯、餸、奶茶分開一Tray上，還用＄10加點了例湯和唐生菜，飯是香軟米煮，豬髀分量適中但最重要是有gravy（肉汁），因而十分下飯，而肥羔少肉質味道也好，不過建議如果有五香味則更佳，同時例湯算少味精，唐生菜亦爽脆新鮮，此餐共＄55屬中上價整體卻算合格有餘。另外由於新開張地方非常整潔，服務人手亦充裕。