大師傅 (Closed)

大師傅的確係一間幾唔錯嘅餐廳，食品質素屬中上，服務員態度幾好，環境乾淨舒適，呢度🈶各式各樣嘅早餐，包括有扒類嘅早餐，又或者公仔麵餐，任君選擇，我鍾意食公仔麵，所以就叫咗一個雞扒腸仔麵餐，碗麵到咗枱面，我睇到塊雞扒煎🉐好靚，微焦，而且仲🈶少少黑椒碎，食落非常香口，而且份量都唔少，腸仔有炸過，正🈴我心意，麵質非常之彈，果然係大師傅！另外午餐都🈶好高水準，我叫咗涼瓜牛肉飯，涼瓜爽脆🈶咬口，依然保留到苦味，牛肉好鮮嫩，一食就知係用新鮮牛肉(並非使用梳打牛)，而且夠嫩滑🈶肉汁，真係好考師傅功力，以後食早餐或午飯又多一個好去處了