大快活 (海之戀商場)

Open Now

Now Closed

由於想食西多士同雞髀🍗 所以選擇大快活既下午茶餐有西多士 豉油雞髀 加個雪菜肉絲米 同紅豆冰其實下午茶都已很豐富因為咩都想食就加左個米粉 對住海之戀出面個海食不錯 不過等餐時間耐左點不過食物有水準便可啦

今晚自己去大快活食個簡單晚餐，叫左個無味精京都肉排飯，等左大約五分鐘就由專人送上，仲好有禮貌👍肉排一黎到熱辣辣出晒煙，好新鮮好吸引～肉既份量都唔少，夠淋唔韌，配料仲有蜜桃，茄子同青紅椒等等蔬果，感覺營養幾均衡～京都汁酸甜適中，好開胃，送飯一流～反而想講下碗白飯，打開果陣凍冰冰，完全無米飯香。。。如果換一碗粒粒分明熱辣辣兼有米香既白飯成件事就完美了🙈

快快手買個大快活飯40蚊有雞有豬仲有杯野飲岩晒我依啲做運動既人😂😂😂味道就普通啦..... 啲扒都唔算’un’既不過佢啲每周驚喜都唔好期待有啲咩特別 基本上個個星期都差唔多😂

傾盆大雨下，公司讓同事提早下班，在家樓下等待紅綠燈過馬路的時候，竟然遇見好久不見的小學同學A 君 ，他友善的邀請我到附近商場食晚飯，座下慢慢聊天。🍒🍒為了不想他太破費，我們來到商場內的大快活，我只要了一客菠蘿咕嚕肉飯。🍍🎯 菠蘿咕嚕肉口味甜甜酸酸的，紅色的醬汁內，沒有蕃茄的成份，只帶著極濃的醋精味道。洋蔥保持著一貫的極辛口感🤨時肥時瘦的咕嚕肉充滿肉感，飽腹一頓，絕對沒有問題。菠蘿咕嚕肉飯沒配飲品，我們只好加錢点了可樂。

不少一線商場，因為保持優勢，大都會出租舖位給連鎖店。記得海港城內有大家樂，新開的海之戀有大快活，平民地望著海景用餐，在香港機會不多。本來想吃W字頭大份量餐，但不知道何時炒蛋換成小甜薯。也無不可，但這當然是已熟來貨，折扣大打。近來大快活推出限定優惠，思前想後，要了這個。等了五分鐘，前面無人，等得有點耐。多士白得可憐，果然烘得不夠，只是乾一點的麵包。自然是嘉頓貨式，有點乾，牛油全落是必要的。炒蛋不錯，就是調味稍欠。炸魚，等了幾分鐘才食，入口竟然噴著煙，我完全明白為何要等了。雖然調味不足，但熱食夠哂熱就已加分不少。不知道是否近來市道不佳，連鎖店都即來即煮，重拾舊時？配的他他醬大路，酸瓜洋蔥之類。點了茶走，現在來的煉奶都是自家品牌自行調節，既節省工夫，客人也歡喜，兩全其美。整體而言，平民歎海景，值得一來，有冷氣有位坐，早上九點十點來最好，人少又舒服，今天食物表現也超越不少茶餐廳。題外話，有位客人坐下來，叫了清潔收碗姐姐幫忙取胡椒粉，頗無禮貌，然而姐姐也樂意服務，香港已不多見的敬業精神，體驗在廉價的早餐上。

相信這間大快活的景色是全港數一數二最美的啊！餐廳裡的食物種類人所共知，但這裡相機食先的必然是風景明媚的藍巴勒海峽，對面是青衣，遠望是汀九大橋，黃昏時間更可以欣賞日落，吃完也可到海邊走一走散散步，所以吃什麼還是其次呢！近期大家都不敢群體吃火鍋，這裡的一人鍋則最適合火鍋控了，有兩個湯底供選擇：胡椒豬肚湯底及番茄湯，肥牛可加$6轉做8安士份量，那當然加大啦，但質數一般乃可入口系列。反而烏冬質感不錯，既彈牙份量又大，女生吃完飽得很，男生可能要加底至夠飽。

今日收工又係一個人啦，係荃灣西站下車後就唸住去海之戀商場行下，睇下有咩食啦。去到3樓之大快活，就心唸事事但但一餐啦。見到餐牌之後本身都想食個咖哩牛腩飯呀，但係之後就見到個精選套餐肉餅飯，於是就叫左啦！落單好方便，重有職員送餐服務。入到去啦，嘩，又係海景，我發覺我去過幾間係海之戀商場嘅餐廳都係有海景呀！好厲害呀！等左一陣之後餐就到啦！黎到之後基本上都係同圖片差不多，但係感覺上塊肉餅就真係細塊左d，不過食落去都幾香口，有冬菇同埋蝦米味，好快就食晒成碟飯，飲埋杯低糖綠茶之後就飽飽啦，簡簡單單又一餐啦！