大良泗記

Open Now

Now Closed

聖誕節特登帶國內的朋友來呢度幫襯, 試下港式的蒸飯一行七人, 叫了6個飯, 包括排骨, 肉餅, 蒸雞大家係度玩自行分餸, 肉餅換排骨換雞, 玩個不亦樂乎另外, 又叫了三碟牛肉和三碟油菜未試過呢間蒸飯的朋友, 都話不論飯, 肉餅, 雞, 排骨, 牛肉的水準都好超班而油菜加了排骨汁, 更有畫龍點睛之效而幫襯的人亦唔少, 但就唔知點解係無乜人上來呢度讚下佢喎價格同我上年一樣蒸飯 19牛肉 12油菜 6蚊平均每人28蚊就有一個滿足的午餐了

無聊地問起媽媽，原來她很小很小、幾歲大的時候，已隨父親（即已仙遊的外公）到還未有冬菇亭、前身為大牌檔的《泗記》吃飯的了…歷史果然超悠久啊，可謂「細細個就已然聽過佢個名嫁喇」。我想，大部份的元朗人應該吃過這裡的盅頭肉片（或排骨）蒸飯吧？！上次特意到來，可惜正直農曆新年、初九啟市，今次終於得償所願了…因下雨的關係，下午一時多，天色已與晚上無異…這天跟妹妹為了盅頭蒸飯而來…人可真多呢（不論是外賣的還是堂吃的），店員都沒「閒情」理會我們，我們自己找位子一坐下便說「兩碗肉片飯…」…小時候媽媽帶我們到來之時，我及妹妹們定必是吃肉片飯，而媽媽則吃排骨飯（我還記得店子是清一式以淺藍或綠色的塑膠碗盛載的）。最愛淋於飯面的豉油，絕非普通的鹹豉油那麼簡單，而是經店子調味，聽說是加了點豬油的，真是好吃得很，我甚至可光以「特製豉油」來撈飯呢！說實在肉片其實沒啥特別，但當飯沾上了肉汁後，再配上「特製豉油」，好吃極了…最後還多點一客牛肉球呢！嗯，人變了（小時候到來之時，那裡的食客不算多，店員會跟媽媽談天說地）、價錢變了（現在一盅飯索價$19、牛肉球$12，物價真是漲得很厲害耶）、食物多樣化了（除了盅飯外，現在還多了

一段時間無來, 發覺泗記又加了價一個蒸飯已經係 $19兩個飯連一個蒸牛肉, 已經係 $50可能夏天無乜人想係甘熱的環境下食飯, 所以客人唔多但幸好的係, 水準還在, 不論係冬菇雞還是排骨都係新鮮好味兼有肉汁的雖然佢有套餐供應, 加多杯凍飲都係6,7蚊, 但我都係飲免費的清茶好了

同老婆來呢度食蒸飯, 見到佢地居然有點心食喎仲講明係即叫即蒸, 就即管試下啦粉果, 似係工場交來的貨仔, 無乜特別, 皮又偏厚, 加上只係岩岩夠熱, 如果再蒸耐d, 應該會仲好食馬拉糕 $7一件, 當然唔同可以同大榮華的比但都係蒸得唔夠耐, 仲係有點硬牛肉, 水準亦下降了, 無以前甘有鮮味蒸雞飯, 好彩水準仍在, 如果唔係, 下次來都唔知食乜好啦

該店過往真的從細食到大，不過自從發現少了一個慣性的負責人後（一向做包飯叫飯那個太太），該店的質素就開始變質，每次叫加色後，最終都是得幾滴豉油，白飯的口感我們都覺得比前硬了點，現在我們都已經轉了軑去附近那間了！！

\"新鮮肉\"絕對係泗記一直以來賣點..再加上一來平~ 二來當然係味道好啦~所以有很多街坊支持(當然包括小女子我啦)坦白說, 以現在香港市道, 能於$20以內食到質素好又新鮮食物, 幾乎係好難, 它們$17個飯, 絕對係OK的!小時候我母親最鍾意帶我來食飯的! 就係因為它的米香和肉香過了廿年光景, 我又帶我大大男友來試, 但當然一試愛上啦~ 但係過左2:00就隨時無飯賣~ 大家留意呀!!!!我都撲空過幾次~

過完年又再來幫襯, 先發覺又加左一蚊, 而家一個蒸飯已經要$17但老實講, 仲係物有所值的我最喜歡的就係冬菇雞飯雖然唔係新鮮雞而係冰鮮雞但調味調得好, 所以無雪味而且味精唔多覺有, 食完唔會口渴值得再三推介

年零前第一代事頭婆有病之後行動不便,一向企檔大家姐就退下火線照顧母親。由對落果個妹企檔,之後蒸飯口味就差,但健康不其然好...好矛盾!皆因以前家姐落重【色& 汁】,但細妹接手後,叫襯加【色& 汁】都好少,幾乎係多覺添!依家肉價加唔少,由上年$15元一盅飯,加到依家$17元了。連一向好鍾意食佢我老媽子,近來都嫌惡唔多想幫襯,希望有人睇到我呢個意見,可以間接傳遞到俾【大良泗記】知啦!

今朝外賣排骨飯+牛肉hk$25普通~~無咩特別...牛肉似舊膠排骨無咩味

之前第一個食評我都提過,呢間食肆我由細幫襯到大,而家位置正裕景坊,【佳寶凍肉超市】對面熟食亭,由中間巷子直入右邊第一間就係。近日午飯時間,我一得閒就會返附近老媽子家,帶我差不多年邁八十歲老媽子,去呢間都係我細個,老媽子帶我去【大良泗記】食飯。咪睇我老媽子一把年紀,連牙都差唔多冇哂咁滯,但佢每次都係同我一樣,要叫一大碗飯連加底(加一個白飯底)。我每次都係食(排骨飯加底加排骨汁$21-),而我老媽子就食(梅菜肉餅飯加底加色加排骨汁$21-)。每次我都能夠將一大碗加底飯食哂,而近年我老媽子可能牙少,導致進食較慢及冇咁開胃,如果食唔哂就用外賣兜裝返自己屋企,留番晏再當下午茶醫肚。兩個侍應阿姐都好好記性,我每次同老媽子去,佢兩個都記得我兩母子食乜,凈係講照舊就得非常體貼。其中一個阿姐,仲學埋附近麵家【嘉麗園】咁,頸戴住個【米高積遜】無線咪高鋒,用大聲落order,應該係現場蒸飯時蒸氣聲、及現場食客嘈雜聲影響,所以要配戴一個擴音咪,先可以清楚落order 。近日天氣都開始熱,如果再熱落去話,我都多數會買外賣返去食,因為現場冇冷氣始終都減低胃口。不過如果氣溫可以接受,我都會選擇現場食,因為堂食始終覺

滔哥介紹元朗甘多間食店, 以呢間既水準最好唔會貨不對辦自己住左元朗廿年, 都未入過冬菇亭入面搵食係睇完滔哥既介紹先識入去搵真係好好味既蒸飯米飯軟硬適中, 排骨, 雞, 牛肉都係新鮮貨十五蚊一盅, 比周街既雪貨蒸飯高幾皮五蚊有一碟油菜, 可以叫阿姐加排骨汁, 正呀每次去都會叫排骨飯/雞飯+ 牛肉牛肉九蚊一碟, 比坊間好多酒樓都要有肉味同新鮮大家來開元朗, 可以一試大馬路實惠/屈臣氏後面既冬菇亭, 好易搵

7.26(一)賣完雞扒黎買盎頭飯,要左土魷肉餅飯同排骨飯各一盎土魷肉餅飯唔多覺有土魷,但排骨就幾入味,同埋d飯既生熟度0岩0岩好,有咬口亞姐服務態度好好,好有禮貌~

係，佢招牌係盅頭飯，但係係有點心既。要了個唔係用盅上既盅頭牛肉飯：兩個牛肉球係手打，另外用碟上，連汁，彈彈牙；飯係o係盅度倒出o黎上，連豉油：軟硬適中。一路食，一路睇住阿叔斬排骨飯用既排骨，但阿叔斬排骨無斬到周圍都係，好乾淨，好刀法。靚姐好健談，但可以唔使咁急要我未坐低兼都未放低D 野就落order。係，間舖係激隔涉兼好似好少人幫襯，但其實...佢做外賣多o者。以冬菇亭o黎講，o係個天雨路滑既日子，佢係無可能咁咁乾淨。

一個人走去元朗，又唔係好肚餓，打電話問個地膽死黨有乜好野食，佢諗都唔諗就講出泗記，但擔心我唔知搵唔搵到係邊。真係好唔容易先至搵到，有個亞姐問我係咪搵"泗記"，便叫我座低，亞姐好親切，我叫左一盅排骨飯，好快便送到，熱辣辣的盅頭飯及豉油分開上，盅頭飯好香，食落口勁有口感，米及排骨我諗佢地有揀過，誠意之作！及見到有好多街坊黎買外賣，有講有笑，我好想食多盅但真係好飽，埋單二十蚊唔駛，有機會再去試埋其他款式。

呢間食店以前係0係合益街市左側,十幾年前清拆後搬左去而家果度。我由細到大都慣左食排骨飯加底,大個左少少有經濟能力時,就食排骨及牛肉飯各一盅,我亞媽今年成八十歲,都可以食到兩盅飯,都咪話唔好食丫!而家一盅蒸飯十五元,有梅菜肉餅飯、土魷肉餅飯、排骨飯、牛肉飯及白粥等選擇,坐低食飯呢間食店,又可代閣下到鄰鋪order 冷熱飲品。我好多朋友由細到大都食開,好多時我去食都撞到好多兒時朋友。