大良鴻輝記

Open Now

Now Closed

古舊歷史的中式糖水去到荃灣，突然間想食糖水！但又唔知食邊間好，突然見到間頗久歷史的中式糖水鋪！進入店內，鋪頭裝潢簡單。餐牌售賣的湯水不多選擇，而今次就選擇左「大良燉鮮奶$20」及「腐竹蛋糖水$20+湯圓$7/2粒」。「大良燉鮮奶」味道不錯，很香奶味！但質地比較（杰）及乾身！ 另外，「腐竹蛋糖水+湯圓」有好多材料，仲有原隻雞蛋，好多腐竹，不太甜。最驚喜就係額外加既「湯圓」，估唔到芝麻湯圓入面竟然有薑汁，很好味！總括而言，呢間糖水鋪都價錢十分便宜，頗適合喜愛中式糖水的愛好者。

呢排男友成日捱夜睇波，今晚終於到左總決賽，睇埋之後終於有覺好訓喇~見佢咁辛苦，我就做廿四孝女友喺開波前落樓買定糖水一齊食，我就揀左薑茶湯圓($18)，不嬲都知薑可以暖身同驅風，岩晒我呢排個肚成日有好多風，好鍾意薑味濃，唔會太甜，飲落喉嚨好舒服，糖丸大大粒又煙韌，個芝麻餡好流心，滑滑溜好好味!跟手幫男友叫左個熱合桃糊($20)，聽講合桃補腎健腦，男人捱夜最傷就係腎，唔夠訓個腦又無咁靈活，所以梗係要幫佢補補啦!佢話平時好少食合桃糊，估唔到味道甜得黎好滑，合桃味香濃，佢問我做乜唔幫佢叫凍喎?哈哈，熱感覺健康d嘛~ 

嘩!!!而家日日都成34、5度，行出條街感覺真係會中暑，今日烈日當空阿媽仲要我陪佢去荃灣攞驗身報告，真係攞命！行到成身大汗，回程時我就拉左阿媽入黎一人食左一碗糖水消消暑，我揀左凍大良燉奶，咁樣暴曬法，梗係要食返D可以令皮膚白滑返架啦，平時我通常食熱既，今日真係無可能唔食凍，原來凍又有凍既好味，口感比熱既實少少，幾果凍FEEL，都好滑身，奶味香濃，食完即刻覺得滋潤返D皮膚~阿媽就食凍冰花燉蛋，阿媽話之前喺屋企試過整，但整極都整唔到好似人地咁滑喎！哈哈~人地老字號，你估講笑架？

食過晚飯，突然很想吃中式糖水，想起平時買開的藥材店旁有一間，好像歷史悠久般。大良鴻輝記，點了推介的腐竹雞蛋&燉鮮奶。腐竹雞蛋個樣好稀，以為腐竹沈晒底，撈兩撈，原來都有雞蛋和糖水，入口完全無腐竹味，好似酒樓沖茶咁，不斷加水，其實收人$20一碗，落多兩塊腐竹都唔過份吖!第一次食糖水只食到有糖和水燉鮮奶，外表好似正常。但食落口，就如蒸老左既水蛋一樣，老到有渣咁濟，期間不斷有人來買外賣，兩個年青人，唔知係咪老闆下一代，不斷趕客出去等，無試三寶，唔知係咪真係好食到比人趕都要黎買，本人就無下次了!

糖水雖然係好多人嘅飯後甜品但係中式糖水就開始買少見少所以偶爾我都會懷念一下中式糖水的味道今次買咗一碗新鮮熱辣嘅渣咋呢一間餐廳嘅渣咋 材料好足夠有好多西米同埋好多豆類 例如有眉豆紅豆呀等等等等重要煮得好淋 味道好濃郁 豆同糖水嘅比例大概係二比一 所以一啲都唔孤寒

< 芝麻糊 $20 >香港有好多糖水鋪，但係整一碗好既中式糖水唔容易，芝麻糊，食過稀如水既一樣有，食過用粉沖食到有舊粉既有，食過大多數都唔合格！一碗高質既芝麻糊真係唔易搵，呢間老字號既芝麻糊係佢地既三寶之一，屬中上質素，磨得香，口感滑，味道濃，價錢親民！

呢幾日又要又焗, 好想飲返下涼涼地既野滋潤下, 而荃灣原來都有間正野點了一碗綠豆沙, 真係好足料都好夠溶, 唔係一碗糖漿咁嫁, 而係真係有綠豆係入面既, 重點係每啖都好夠沙另一碗係腐竹蛋糖水, 真係超滋潤呀！腐竹亦好多, 不過如果有下蓮子會更好啦！因為感覺只有腐竹, 略嫌寡

小女子係一年四季都手腳冰冷既人，一入冷氣地方就覺得凍，夏天出街都唔會點流汗，睇過中醫叫我要戒絕一切凍野同生冷野，所以今晚飯後同屋企人黎食糖水，佢地就叫晒凍野話要解暑，唯獨小女子獨家村要叫熱野，真搞鬼。我揀左個集美味同營養於一身既冰花燉雞蛋，甜甜暖暖既，最鍾意佢口感滑滑，味道濃郁，蛋味又香，作為我呢D寒底人日常滋補係非常適合。我見隔離枱都有個婆婆食緊，我幾時咁快變左婆仔架？HAHA~~~

每次天氣燥熱既時候，老媽子都會煲個腐竹蛋糖水畀一家人食，佢話可以清胃、化痰、補氣養心、益腎滋陰，仲話有美白功效，有無咁勁先？不過平時係屋企等阿媽煲好，之後要等佢攤涼一輪，之後再放入雪櫃雪凍，我呢d咁心急既人有時真係唔想等！今日行街行到身水身汗，經過呢間舊式糖水舖即刻衝入去整返碗凍既腐竹蛋糖水，飲落足料，甜度適中，又透心涼，暑氣盡消，呢廿蚊抵比啦！

我呢亭一年四季都手腳冰冷既女仔，成日都想食補品令身體行氣活血，不過人參花膠果d咁貴既野，又點可能成日食丫？好彩黎到呢度平平地，廿蚊就可以食到碗桑寄生蓮子蛋茶，甘澀中帶點甜，入面仲加左紅棗，配埋蓮子同雞蛋，味道飲落好足料，呢d傳統糖水都係要黎呢d舊式甜品舖先夠正宗，滋陰補血就係咁簡單！

同朋友係附近吃完晚飯,之後再戰糖水, 朋友推介呢間既冰花橔蛋,成日係荃灣行街都唔知有呢間糖水舖鴻輝記餐牌:糖水款式不多, 價錢不算貴,估唔到連桑寄生茶都有~冰花燉蛋、西瓜涼茶、腐竹蛋糖水,大良燉鮮奶..最後我揀左大良燉鮮奶(凍)味道唔會好甜, 燉奶太固體狀, 感覺唔夠滑, 但有奶香味,而且燉奶本身養顏, 可以美顏~*下次光顧可以試下糊類*

入到黎未諗食乜好，見到隔離枱叫左碗大良燉鮮奶加兩粒湯丸，覺得好有新鮮感，因為通常湯丸都係加係流質糖水入面架嘛，所以就跟黎試左。成碗野白雪雪好趣緻，芝麻湯丸脹卜卜好飽滿，外皮Ｑ彈，流心芝麻餡甜度適中；而燉奶就好似豆花咁滑，邊食邊聞到一陣陣奶香，美味又養顏，作為飯後甜品好滿足呢！

響附近買碗糖水返屋企慢慢嘆, 行左去呢間專賣中式糖水既鋪頭, 荃灣確實唔會有太多間.要左最普通既腐竹蛋糖水$20腐竹煲到溶晒, 所以"不"落比較稀, 食唔到腐竹. 但食落有腐竹味, 甜度適中. 仲有一隻蛋, 都幾大隻, 個黃煲到熟透, 蛋白好滑, 配埋甜甜地既糖水食好夾.

呢幾日香港啲天氣熱到好似夏天咁，街上面好多人都換晒短袖衫，計我話點都唔及食一碗凍糖水咁透心涼。去開荃灣果頭行街，行到身水身汗，就撞左入黎整返碗清熱解毒既凍海帶綠豆沙，爽呀！碗綠豆煲到起晒沙，豆同湯既比例相當好，仲有爽口既海帶，啖啖冰凍清甜，口感非常豐富，個人仲即時降溫添。

女仔一年四季都要補，所以點少得一碗養顏糖水？我最鍾意黎呢度食木瓜燉雪耳，因為好足料，木瓜夠甜、雪耳軟滑，食落去甜度適中，每啖都好滋潤，食完成個喉嚨舒服晒，絕對係女仔既美顏恩物，難得每次黎食都保持到水準，抵讚！喺荃灣區食傳統中式糖水，多數揀呢間~