大蕃薯 (Closed)

這家店子很奇怪, 多次到訪也看不見店員的存在。最後鼓起勇氣大聲呼叫, 店員便會出來。一大盤蕃薯, 有不同顏色, 任君選擇。以街頭小食來說, 包裝算是精美。原來這裡的蕃薯是溏心的, 質感當然是綿綿的, 味道又香甜, 怪不得這麼受歡迎。

大蕃薯是掃街Target ; 但苦無機會嚐試就襯著今天看戲前的時間偷跑到花園街一轉吧, 剛好是出爐時間, 選了一隻較瘦長的蕃薯原來標榜台灣蕃薯, 原來一點也不便宜呀, 索價十六元唔通真係正o的 ?? 急不及待回到戲院內開餐 紙袋內還保持著那適當的溫度而外觀和味道與推車仔的小販分別不大外皮乾身帶點炭香味, 黏度高的黃心蕃薯亦甜美非常 但索價有點過高, 還是吃回小販檔好了

因為錯過咗出爐時間, 要再等下一輪, 唯有去行吓花園街先~行行行, 夠鐘就快D返去~啊, 熱辣辣拎上手, D皮好易MEET, 如果有湯匙就好喇, 食得方便D~好香好甜好好味, 好食過平時街口D車仔檔好多呀~最可惜就係MEET到隻手污糟晒, 響街食呢D野都唔係咁好...下次買返屋企先食~ 好味~!

本身鐘情於紫芯蕃薯,但食過佢隻甜黃芯; 就欲罷不能了!自己都信唔過自己,叫賣蕃薯個哥哥幫我揀嘅一個,撇開層皮,啲黑糖漏出嚟,好甜好好食,又淋又香又熱騰騰;good!!!

第一次光顧這間蕃薯店,見人頭湧湧,人們爭相排隊買;於是排埋一份!店員說這是台灣蕃薯,只得黃色當造。我買了1件,16蚊唔算貴,馬上分成2件與朋友share, 只覺得比出面坊間, 他的蕃薯格外甜香,有糖黏液滲出皮,很少很少許;入口覺得好綿,很好味

有時吃東西~不單只是為了果腹~而是帶著一份回憶來吃的~~好像煨蕃薯~~小時候爸爸常常夜歸~買來煨蕃薯來逗家中的小鬼~帶有感情，有份窩心的感覺~近年多光顧了這間蕃薯店,除了因為是乘車歸家的必經之路~更是因為我媽媽也是它的粉絲~~天氣凍的幾天~很多人排隊買蕃薯，熱騰騰的蒸氣微微洋溢著，散發出來的蕃薯香味。這檔售賣的蕃薯 是台灣蕃薯~~~黃芯十分甜，多數有糖滲出皮外~綿綿軟的~而且外皮被清洗乾淨(*是標榜可連皮食); 但好在皮不會被煨得濕漉漉~~所以易撇又好味~~吃1小個已有飽腹感，所以我常常買1大1小囉~ ！紫芯不是常常有~較香,但不及黃芯的甜~~可能是兒時回憶吧~拿著蕃薯~總有份踏實,溫暖的感覺!

10月3日, 睇戲之前, 買樣野醫下肚先~ 口痕痕好想食燴蕃薯, 可能天氣未有咁凍, 仲未見到有街邊燴蕃薯車仔, 見到有間一年四季都有燴蕃薯賣嘅大蕃薯, 就買一個試下啦…::: 黃心番薯 ::: $20佢有標明出爐時間, 不過撞唔啱我地買嘅時間. 所以好似都擺咗幾耐. 面頭都熱熱地嘅, 不過入面個芯就只有微暖… 番薯d肉都夠淋, 但唔夠甜, 味道好淡… $20一個感覺上唔太值…始終都係鍾意地道d嘅街邊燴蕃薯車仔, 係咪一定好甜就唔肯定, 不過就一定熱辣辣, 仲平d添~

之前都幫襯過兩次. 呢度d蕃薯, 真係隻隻都咁甜. 在寒冷既日子, 食住熱騰騰既蕃薯, 感覺特別正! 今日賣蕃薯個哥哥仔好好人, 見我大住個肚, 特登送多個小番薯比我肚裡的bb食, 食物又好, 服務又好, 抵我再幫襯你!

黎到買煨蕃薯,本身要紫心的,佢話冇(可能今輪冇紫心啦,因為岩岩煨好的),6蚊100g正好12蚊~因為係要自己揀,所以揀時揀肥(較為圓)果d,瘦果d可能會有渣,(巢)皮同有d黑糖爆左出黎果d會好食d~蕃薯:黃色的(本身想要紫的),又綿又香甜,熱騰騰and最好連皮一齊食,口感會比較好~

昨日去金華食菠蘿油, 見到這間新開, 蕃薯...嘩..正! 熱呼呼..即刻買左一個黃一個紫, 好貴 差不多$20 好細個..食落好滑好有蜜味..發現跟我在佳寶買的台灣烤蕃薯沒分別, 人家 $14.8 有5-6 個..完全一樣味道..可冷食亦可熱食.係呢度食純粹貪方便....他只是幫妳烤番熱吧!

太子的旦王酸辣粉，不用我介紹已有一定fans~但旁邊的雪糕蕃薯你又食過未？？話說上星期日晚十點多排隊等酸辣粉，等好耐呀，十幾人排隊嘛~~突然間旁邊間大蕃薯 好多人排隊，平時明明冇人咖，why,why,why？原來有蕃薯出爐呀！！本身已經有為食基因，再加上方死執輸，點都要試的想法~終於用12蚊買左件中size黃心(老板話呢集最滑)有350ml紙包飲品大咖，都唔貴呀急不及待咬一口，好軟滑的感覺，比平時果D cramy幾得意之口感，最搞笑係可以連皮食~將剩下半件聽老板教放入雪櫃希望變雪糕最終沒有變成100%雪糕，但有D似雪糕蛋糕，又搞笑多一次

蕃薯呢樣食物在大陸街頭隨處可見，根本就好少要排隊。相反喺香港食蕃薯就要排隊喎！有一晚食完飯經過，見到好多人，於是又排埋一份。排咗成15 mins 至有。佢每次有幾個出爐，可以俾你揀大細。好似係$6/ 100g。揀個中等size 兩個人食，$16。佢講明係台灣黃蕃薯。又真係好甜，好軟淋，又無渣！好好味，又健康，難怪咁多人排隊買啦！

買咗個300g黃心蕃薯做date dinner, $18, 唔知算唔算貴. 佢最好就係d蕃薯細細個 (100g都有), 可以當小食又得, 當正餐都得.個蕃薯外皮好乾淨, 可以連皮食, 唔太甜, 好香, 好軟糯, 飽肚得嚟唔頂胃, 正!下次可以試紫心...

係新志記dinner行過黎見呢間, 咁多人排隊既, 咁我地都要一試啦, 有黄色同紫色蕃薯, 熱辣辣係個爐度羅出黎, 好想食呀 , 排左約5分鐘到我地啦, 問佢邊種好食d呢? 佢話一定係黃色, 咁揀左個啦, 100 g 賣 $6, 揀左個 $9 , 一入口好有蕃薯既甜味呀, 太又唔會甜得濟 , 熱辣辣好好食, 下次試下紫色啦同場加映, 一班人睇三檔 , 排隊時見個型仔哥哥係個爐度羅d蕃薯上黎, 個樣咁似之前係隔離椰汁型仔既? 望左椰汁檔又唔見型仔wor, 之後有人買椰汁, 旦王就叫個亞姐過去斟椰汁啦, 即係佢地租左三間鋪賣唔同野, 勁呀

一向食開隔鄰酸辣粉和魚蛋, 從未試過呢間同老闆的大蕃薯, 排隊排完酸辣粉條龍, 已經唔想再排, 但今日唔使返工於是排隊買返屋企食, 價錢唔貴同街邊阿伯賣的差不多, 但就乾淨好多起埋無黑炭黏住個蕃薯, 返到屋企食完碗酸辣粉, 再切開個蕃薯仍然熱, 咬落晤唔會乾水份適中, 好甜! 好好食!! 下次要叫埋老公兩邊一齊排隊