大豐澳門翠苑餐廳

Open Now

Now Closed

✨加大版嘅紅豆冰我最鍾意呢度啲紅豆冰，覺得係相對特別嘅飲品～🤔🤔🤔紅豆方面，佢唔會太粒粒分明，有少少爆粒咁啦，甜甜地😂🤣淡奶唔會好甜，中和到甜嘅紅豆。

九龍灣工業區有唔同ge茶餐廳，呢間算係比較新，就試下，見好多人都揀肉餅飯，但自己對肉餅唔係太大興趣，就揀左個涼瓜菜圃炒蛋飯。等餐時間都唔算太耐，碟飯一黎到，見到好多蛋，好足料😍😍😍食落蛋味夠燶，唔似街邊炒蛋咁加左好多水溝稀哂d蛋，而且差唔多啖啖都食到涼瓜同菜圃，好爽口，係菜圃有d鹹，要伴飯一齊食比較好。平時食肉食得多，黎呢到揀返個涼瓜蛋飯都算係幾健康，而且有叫套餐更有中湯或西湯送，算係抵食之選。

本人真係好鍾意食煎肉餅，只要餐牌有煎肉餅，多數我都毫無疑問會揀佢🐷餐廳係九龍灣工廠區入面，多數係呢頭返工既朋友仔先會食，雖然係主打澳門牌頭，不過唔好期望有澳門/葡國菜食😂佢只係一間比較企理既茶餐廳😂Lunch餐牌長期有幾款係長駐菜式，煎肉餅、蔥油雞、鴨腿湯飯同咖哩都日日有😂土魷煎肉餅飯 $54 （包熱飲）🐷煎肉餅飯會配有微微微辣既榨菜肉絲，唔洗淨係食肉餅食到咁悶😂飯餐有3塊肉餅，煎得好香脆，兩邊都微焦，熱辣辣，肉質結實，唔會一夾就散晒。而且就算加左土魷有咸香，但完全冇遮蓋住濃濃既豬肉味，啖啖豬肉，肉餅內加左肥豬肉，食落有油份唔乾身，不過食到第3塊就開始會覺得有少少油膩感🙊

好久未食過有鑊氣的炒飯，今日去這間大豐澳門翠苑餐廳， 炒飯炒得很乾身。雖然是小店，但廚師的功夫絕對比得上大酒樓，熱辣辣有鑊氣，幾好味。菜粒火腿都多 ，🦐爽口，多些蝦更good😂 (有時我都貪心）餐腿蛋飯雖然是普通菜式，但也食得開心，因為塊餐腿煎得好香，隻蛋又有少少膿邊，配以少少豉油，完全是港式茶餐廳的味道。飲品方面凍檸茶茶底不錯，大熱天時飲落簡直透心涼。奶茶都算香滑。以上兩款下午茶均是$44，其實這間茶餐廳下午茶款式很多，輕食的有西多士、豬仔包、沙律等，飽肚的乾炒牛河、星洲炒米、豉椒排骨飯等，而且它的下午茶時間也算長，輕食的至6 時，炒粉麵至6:30，真是可以當晚飯吃！