大豐澳門翠苑餐廳 (Closed)

過年前與家人行太子花街， 逛到晚飯時間就腳又方便當然是大豐澳門翠苑餐廳， 坐低不久餐廳越來越多人， 好快就坐滿客人了。 茶餐廳格局，環境都算光猛，想試下這裏的煲仔飯，就點一個窩蛋滑牛煲仔飯（細）$75， 再加兩個小菜馬拉盞豬頸肉唐生菜$78（ 小菜轉餐加$15）， 生炒排骨$70， 凍檸茶跟餐$3。窩蛋滑牛煲仔飯（細）～ 好耐冇食煲仔飯， 窩蛋滑牛又香又嫩， 底層仲有飯焦添！馬拉盞豬頸肉唐生菜～ 豬頸肉只有兩三片， 唐生菜好入味。生炒排骨～ 生炒排骨如果可以多點芡汁會比較好，太乾身了。最欣賞窩蛋滑牛煲仔飯， 配上甜豉油，真係可以食到停唔到口。

完咗聚會，落到嚟太子，因為稍後仲要出九龍城攞嘢，所以，就隨隨便便揀間茶記食晏，務求快靚正搞掂。晌近太子地鐵一截嘅花園街，餐廳嘅選擇非常多，走入嚟「大豐翠苑」純粹近街口，費時再嘥時間搵。環境唔多講，一圖大至睇晒，都喺慣常嘅茶記格局，枱櫈嘅排陣夠逼，而午市坐滿人，感覺就予人更逼夾，但地方算喺乾淨企理，牆上就貼咗好多澳門景點相。嚟到食晏，焦點都喺放晌午市快餐，喺晌茶記快靚正之選，星期一至日都有供應，每日均有8款選擇，包餐湯及餐飲，定價都喺$47-$54。雪耳木瓜湯初時以為喺例湯、餐飲二揀一，原來兩樣都包。個湯裝得大大碗，飲落感覺幾潤，覺得好足料。椒鹽豬扒飯 $47茶記嘅碟頭飯一向都喺飯量多，多到成座山咁，平時午餐我都喺食唔多，都唔醒起叫佢哋少飯添，免浪費都會清晒去。唔止飯，啲豬扒都好多，件件炸得甘香，卻喺少少油膩咁啦，但好香椒鹽味，少少辣，無過鹹，算唔錯喎。熱奶茶喺小弟去茶記嘅首選，用上好傳統嘅厚身瓦杯，變得特別有期望，入口甚具茶香，茶底確實不俗，口感好順厚，但滑度就未致於絲咁滑，不過，感覺已喺好唔錯。睇到間嘢有唔少負評，大多數都喺指到服務方面，咁我又好彩，無遇到有咩唔好招呼，個阿姐都幾好口

「大豐澳門翠苑餐廳」是一間典型的港式茶餐廳，目標客戶群都是附近的坊眾。店內裝潢及衛生環境一般。午市食品選擇較預期豐富。小編要了一客「勝瓜鮑片班片泡飯」，附送餐飲一杯。店員慷慨主動多送例湯一碗，服務細分上調。這碗「老黃瓜湯」口味挺甜，個人覺得不俗。相比之下，主食「勝瓜鮑片班片泡飯」的湯頭不及「老黃瓜湯」甜美。班片厚厚的，有五六件，份量豐足，富咬口，只是略欠魚味。鮑片出現同一問題，味道偏淡，選材上應有更佳選擇。剩下的勝瓜去皮後留下一份嫩感，處理理想。作為一間提供日常飯餐的餐廳，小編對這間「大豐澳門翠苑餐廳」的評價不過不失。餐廳食品選擇多，可考慮下次再來一試其他食品。

同老公睇完舞台劇跟住行返屋企途中經過呢間茶餐廳老公話試吓本身我都唔肚餓嘅，所以我唔打算食嘢點知坐落嚟嗰陣見到個鴨腿湯飯見到佢寫住藥膳所以想試吓估佢唔到呢個鴨腿湯飯真係好好味喎原來啲飯係分開上俾我哋我仲見到佢湯飯入邊有兩條好大條嘅類似人參嘅物體感覺真係好藥膳而且雖然好似有少少油咗啲不過湯個味道真係好好👍🏻我飲晒佢個湯但係個飯我食唔晒🙈連老公都話佢個梅菜扣肉飯都不及我呢個單鴨腿湯飯好食後話：個鴨腿肉都唔鞋嘅不過個湯好飲好多

見佢再裝修，抱住食唔死既心態同老婆試一試..茶餐廳晚餐都預左普普通通，叫左 煎咸魚肉餅飯 同梅菜扣肉 跟餐兩杯熱菜蜜 外賣$52＆$55 賣單 $113？？原來每個餐外賣加$3....咩料呀！算睇你比咩先.. 請睇圖.. 就係咁多啦.. 個牌明明有餐湯咁你一盒飯$1 杯$1 湯$1我條氣都順.. 湯都唔比.. 我出門口問. 無湯跟架.?收銀話無架.. 我真係擰擰頭.. 佢先問我係唔係要. 我示意唔洗啦.. 你豪無成意 .. 返到去一打開咩料呀.. 梅扣 少梅 汁少 味咸 飯唔靚肉餅好咸 豉油汁原全無味 但比一兩條菜都得掛 加$3？？

本身想食牛腩飯炒底外賣拎走，個飯就$58然後炒底已經要+$12，我都話由佢照加錢，因為真係想食，點知翻到屋企打開盒飯諗住睇落去都ok，食左一啖🙄佢冇比炒底我都仲要收我錢。我打翻去鋪路再同佢講翻件事，有個員工聽電話，我相信佢唔知道呢件事係點處理，然後佢問後面個男人點算，個男人好冇禮貌咁講:［咪退翻錢比佢囉！］我原本好有理智咁諗住講聲就算，因為佢冇禮貌，所以我要求第日翻去退錢😤真係好嬲🤬🤬🤬🤬🤬🤬

住在附近……見午餐時間門外放了午餐餐牌，就叫了一個外賣乾炒排骨河粉。以下原因令我覺得不能再光顧。1) 外賣加3元？嗰餐牌寫乾炒排骨河粉45元。凍飲先加3元。叫了杯熱檸水。收足我48元。那外賣收3元實在太貴。2) 都不想跟佢討論外賣收費，點不知足足等候了25鐘才有得攞。別人在我之後才點叫賣還早過我攞。3) 攞咗都想算，心諗都應該無下次。點知開盒再中伏。成盒排骨炒河得一嚿排骨。簡直難以置信。真係要寫寫食評。總結: 不能去嘅茶餐廳

點了兩個餐，一個是牛肉豬潤麵，39元只得兩片牛肉和豬潤，而且淡而無味，完全不值此價錢。一個餐已吃完，另一個遲遲未來，跟服務員詢問，但服務員服務態度惡劣，之後還故意著另一位客人搭台。以後不會到此店，付錢受氣😡😡😡。

之前黎過幾次，覺得佢地食物偏貴而且質素一般，所以就算係附近出沒都好少黎食野。今日朋友叫到，咪黎食個下午茶囉⋯⋯本來想叫個粉食下，但點知個粉叫蕃茄牛肉味湯米線......朋友勸阻，話應該牛肉味就真係得牛肉味...... fine......叫左個芝士咸牛肉厚多士配熱奶茶。其實店內客人不太多，但都要等得比較耐，可能要集齊D單先整啦......個芝士咸牛肉都幾好食，不過就茶得唔係好平均，一忽有餡一忽冇餡咁。奶茶茶就比較淡同比較水，呢個真係有待改進。

我今次無影到相。只能用自己的感覺去寫。今日點左芥末牛柳粒炒西芹同另一道椒鹽魚腩。先講講芥末吧，既然選用最便宜的黃芥末，而且份量亦少，搞到西芹同牛柳粒都炒唔入芥末味。根本係好多種材料炒埋一碟而沒有產生任何美味出黎。Absolutely bad taste椒鹽魚腩呢，唔可以稱滿意合格。佢的粉漿炸出黎的魚腩係好，而且食唔到任何腥味。奈何魚腩骨，無乜點清理過。滿口都骨叫人點食。其次椒鹽無跟魚腩翻篼。又係椒鹽還椒鹽，炸魚還炸魚味最後，佢兩碟送都無包飯同飲品。凍飲連個飯要加多16。埋單156。 你唔會覺得抵咯

今天又去到常常光顧的茶餐廳「大豐澳門翠苑餐廳」。來到時十一時多一些，店內人客不多，就叫了一個早餐和一個午餐。早餐($30) 早餐就叫了雪菜肉絲米粉和火腿煎蛋，雪菜肉絲米粉的湯底很淡，但反而少了一些的味精感，雪菜肉絲不太鹹有少許的甜味，米粉十分之滑身。火腿煎蛋也沒有什麼特別，不過這些食物也沒有什麼出錯的機會。午餐(辣鮮露乾炒牛河)($42) 午餐有一個中湯，今天的是老黃瓜湯，老黃瓜煮得淋身，味道微甜，但溫度好像不太熱身。星期一其中一個常餐是辣鮮露乾炒牛河，鮮露甜味十分之重，令整碟的乾炒牛河都充滿了這種獨特的味道，牛肉炒得十分有鑊氣，河粉都炒得十分之惹味，不過河粉的狀態有少少的爛，要用匙羹才能完成整碟的食物。作為家中常去的餐廳，很多時不在星期六日多人的時間都會選擇這食店進餐，味道已經成為了一種的習慣了。

住在太子，應該無人未知過大豐😅。今晚一個人叫外賣就最好不過，就叫左晚餐2號枝足牛腩飯+凍奶茶😋30分鐘內送到👏，即刻打開💫✨賣相整齊，七三飯餸比例，餸略為少左D。牛根+腩只有6舊左右，其中有1舊係全肥膏💦😵，牛根細舊，牛腩焾得幾好入味，入味易咬，口感很好 ，不似香囗膠。枝足爽口，沾埋牛腩汁都不知幾好食 。白飯都煮得不錯，夠水煮，所以不會太亁身，易入囗。所以好快食完，再飲埋杯凍奶茶先。比外面茶記的外賣杯大 ，茶奶比例⋯奶多，口感算滑，但自己愛飲茶重d,所以不是我杯奶茶😅。Ok,最後這餐要$50⋯⋯貴了少少（無計啦，大家明）今餐不過不失👍

一個人買餸煮飯唔化算，叫外賣就prefect👽今次就打去大豐問下晚餐有咩好食，有6款，最後的幸運兒係你？！椒鹽豬扒飯！ 一打開，賣相整齊。食啖飯先，飯不太亁，口感可以，但不太熱！ 到主角椒鹽豬扒🐷，有6塊，其中2塊連骨位，咬落都不太熱，口感都幾好，軟硬適中，少脂肪位。椒鹽就不太多，不算太辣，但惹味的。整體合格，有改善空間。 埋單$46。