大金華餐廳 (Closed)

飯餐油 人又無品話說果日2條友去叫2個飯餐廳無乜人 唔烏糟但係有幾隻烏蠅飛來飛去 兩個人 叫左一個魚香茄子飯 一個梅菜扣肉飯等得唔耐 但兩碟野都油到爆成個碟底都係油 魚香茄子仲要勁咸食左半碟都頂唔順停手食完太油 腸胃頂唔緊夜晚肚痛😅仲要食完出門口 個呀姐洗地攞住條水喉周圍F F到我一褲水又唔道歉仲好似無事發生過咁叫佢呀姐你唔係下話 仲唔應人🤯大家街坊都廢事嘈 但永無下次了人情味？唔見有野又難食俊宏軒想搵間正常D既野食都難

今日去左間無言到頂嘅餐廳，約個朋友食下午茶約晏左，朋友到左先叫左個常餐，我4點9左右到跟住都想叫常餐，點知已經遲左無得叫，所有水吧出品都無喎，餐牌上面明明寫至下午6點。算啦，咁睇下餐牌有扣肉飯諗住叫，我醒㗎啦問左佢有無先，佢話有，咁我諗住食啦，轉個頭又話無扣肉飯要叫扣肉煲先有，又O左咀，你無就唔好寫落餐牌啦。再算啦，都唔想諗，求其叫個楊州炒飯，唉～都無謂講咩質素，我懷疑佢唔記得落鹽。我炒飯食一半都想放棄時，朋友發覺佢個常餐仲有個奄列多士未黎，問下個侍應，個侍應話我朋友話唔要奄列喎，又O咀一次，我常餐唔要奄列我點解叫常餐呢？我叫麵餐好過啦？無言……環境就無嘢好講，下午4點幾已經有啲阿伯劈酒城市論壇，烏蠅勁多，唉～都唔想講啦！天水圍嘅朋友未去過一定要去見識下……

是咁的呢一日我就入去天水圍探下個friend個B仔！咁當然三個大男人，一定要去茶記食過小菜啦！呢個椒鹽豬扒，味道非常夠味，而且又唔會太辣，不過，個豬扒就煮得老左小小，食落口感有少少粗糙！呢個蛋角食落口唔太油膩，而且配料十足！後記：我地一行四人，三大一細入到去！通常茶記落單個哥仔，個樣都會凶神惡煞，冇乜禮貌！但係一有bb仔，就會變得非常和善親切，又會問你要唔要紙巾幫個bb抹嘴！其實食一間茶記好多時，唔單止整係醫肚，你仲會感受到人情味，呢樣嘢高級餐廳，未必會比到你！

唔好諗住食環境 入得天水圍咁入 如果想食個地道風味早餐都可以一試食左五香肉丁公仔麵 雙蛋 送餐包 凍奶茶 都係30幾蚊 味道不過不失 環境唔算好 醒在有人情味 食完睇報紙唔會趕你走😉

工作中午餐，同事揀咗呢間，門面嘅七彩LED燈招牌頗娘，門口放咗個大麵包櫃，賣港式麵包，入內係茶餐廳格局，比較殘舊同雜亂！而且好嘈，因為店員好似街市叫囂咁傾偈！一有熟客就情緒更高漲地傾談！食物都係茶餐廳食品，我哋叫午市套餐！例湯：勁熱，粟米紅蘿蔔豬骨湯，飲到落夠料，不過又有落味精幫手！鮮茄焗豬扒飯（$42）等了10分鐘，份量大，芝士茄醬焗過，芝士半溶，茄醬好濃，跟炒飯（無加錢）配料嘅蔬菜（蕃茄、青椒、紅椒、紫洋蔥）薄身連骨豬扒淋身幾肥，整體ok熱檸茶（跟餐）勁熱，茶底濃而不澀，檸檬比好多片，清新唔澀！同事食：口水雞飯（$42）佢話啲醬似辣嘅乳豬醬（好難想像）熱奶茶：食物有好普通，食物溫度夠熱，天寒地凍都加分，焗豬扒飯套餐已經炒底嘅又加分！店員係茶餐廳式服務，無乜修飾，勤快豪爽！呢度嘅店員就嘈吵啲之外都無乜野！做晒野就吹水！雖然質素一般，細節都幾有心

晚上十二點跟妹妹和媽一起治肚子支竹豆腐火腩煲和豉汁涼瓜炆倉魚火腩豆腐和魚都好吃湯是南北杏紅蘿蔔湯，事實上也許是太久沒有喝過老火湯，想要多喝一碗。。。原本打了一大段但剛才看了下是從哪個站下的俊宏軒沒有儲存於是也就隨便著寫吧。。。那條街都是吃的，轉個街也有吃的，而且深夜也不怎麼休息，住在那邊的人好幸福哦，大晚上醒了下個樓就能吃到熱呼呼的食物。。。

叫左兩個肉醬意。。。點知燒焦曬。。。。。。。。。。。。。。。。。。。。。。。。。。。。。。

估唔到茶餐廳八號風球要加價(天水圍得佢一間),仲要食完先話加,心諗做街坊生意都要加價 ,簡直不知所謂,嘢又唔好食,叫左個早餐,遲遲都未到,餐廳內又無冷氣 ,真係冇下次.

D食物唔新鮮，金銀蛋白菜D菜黃咁咁，沙拉骨D菠蘿叔叔地，苦瓜牛肉D苦瓜D味怪怪地，D飯又硬到好似石頭咁，簡直不知所謂。各位街坊千萬咪好似我咁中伏呀！大金華出品必屬西品！