大阪王将 (Closed)

我o係5月13號去的,我去左apm o個間同個朋友食左個二人餐,有十二隻餃子{好正}炒飯{算係唔錯}蛋花湯,雖然細細碗,但係都岩岩好夠哂飽,正=)同埋見倒廚房有個廚師幾靚仔佢行左出黎飲水,之後見到佢^^下一次一定會再食,真係唔錯最好味係餃子,值得再食

3.27 (TUE)o係Times UA睇"尋找快樂的故事"前選擇o係city super速食dinner，試左之後想試o既天津飯。蟹肉只係蛋入面o既少少，好彩側邊有足夠o既汁撈飯，否則超淡。米飯唔夠平日食o既日本米香。總括而言：一般，但朋友話幾好。送o既蛋花蔥湯可以不理，飲水好過。下次有多ｄ時間想試set（送6隻餃子），個芝士天津飯好似幾吸引*p.s. 好耐冇o係food court食，好難得可以o係度咁易搵到位（因為只係7pm）。仲有，永遠見隔離檯食o既野總係比自己叫o既好，我就係咁唔知足…

落order 時看見counter 有一碟無人認領的餃子, 沒有為意. 落order 後便坐埋一邊等佢叫number. 然後"神奇"的事出現了- 那位待應小姐鬼鬼祟祟東張西望後將那碟已經凍了+乾爭爭的餃子移到屬於我的食物的盤子上然後叫我的number! 原本打算算了, 但想了一想實在過不了自己一關還是要求那位小姐換一碟給我(那碟餃子放了至少十分鐘). 那位小姐一句不好意思也沒有, 換新一碟給我時還要態度很差!如此行為及服務態度, 就算食物有多美味也絕不會再惠顧!

我係9月尾去apm果間食,好似大約$60:天津飯x1-煎蛋包住炒飯,打了個好杰的生粉獻,似福建炒飯,茶餐廳既福建炒飯好味過佢好多。餃子x12-一般咋!而且勁咸!!!蛋花湯x1-可以不理。係幾抵食既,幾廿蚊有咁多野,不過味道好一般,試過就算,不會再惠顧了。

同朋友0黎food court 食dinner, 0係呢度叫0左一客6 隻餃子share 食.唔知係咪已經10:xx pm, d 餃子係唔熱的. 而且今次0個d 餃子係6 隻完全黐埋0左一齊, 我嘗試用筷子輕輕分開佢, d 皮係穿晒的.不過餃子皮依然薄, 煎得夠脆, 餡亦好好味, 連d 餃子汁亦比坊間好多其他拉麵店/日本餐廳惹味好多. 撇除賣相同唔夠熱, 其實呢一客餃子真係very good, 下次都係早d 0黎好d.(始終唔夠熱, 味道扣1 分啦!)

買左1打餃子回家食,佢地用鍚紙盒放d餃子所以回家食時都係微暖. d餃子真係幾好味, 入面都算幾juicy. 不過底部就好似黑左少少, 睇落好似好煎過濃咁. $20得6隻都算貴, 不過一家人食得開心又無計啦.

第一次黎食餃子,$20有6隻,個底煎到卜卜脆,皮又夠薄,豬肉餡份量o岩o岩好,仲食到菜的甜味,沾埋d豉油同辣汁,真係一流!

去伊館睇林海峰之前係呢度開飯,一去到就有位,真神奇!!行左一個圈之後,雖然都好想食印度餅、炸豬扒飯,不過最後都係試左呢間日本餃子。侍應妹妹禮貌地介紹食品,態度唔錯!一人餐有餃子一碟、炸雞2件、蛋花湯一小碗、椰菜沙律一小碗n 白飯一大碗。蛋花湯味道淡淡,不過都有蛋香,口感滑lu lu,濕下口都ok,但始終無飲晒。椰菜沙律又幾好食喎,有呢個菜就無咁漏,不過唔知係什麼汁呢?唔錯喎!!炸雞都好大件,熱辣辣,夠晒熱氣但又鐘意食喎!!餃子竟然難捨難離,chi爛晒-_-" 菜肉都ok,不過我鐘意脆身少少囉!試過加汁同唔加汁,我都係鐘意原汁原味多d。白飯應該係珍珠米煮,我自己覺得2件炸雞送唔到咁大碗飯,用餃子送飯又真係幾特別,同朋友傾下傾下,唔覺唔覺成個餐食晒! 食飽飽就出發睇show! 唔係邊夠力拍手呀??

聽就聽好耐但食就食左幾次~~~今次啞左個二人餐~~有12隻爆汁餃子，加大碗炒飯~~正~~見到個天津飯好想試下等我下次試下先~~佢係好似個蛋包飯噤，但係有d汁係面~~~~yummy另外重有碗湯~~~而且加三蚊可以多罐氣水~~都唔使另外比好多錢買汽水~~good~~但我都覺呢間d野好過apm個間少少~~~~希望佢keep住啦~~~

餃子好好食，皮脆、餡料好吃~二人餐的蛋花湯好喝，不過得一碗太小家啦~炒飯一般…counter 那男人太傲慢啦，差勁！

20050902 7.30pm我, 係好憎去food court 食o野o既. 一來, 怕逼怕搭檯怕油煙怕等位怕搵位, 二來, 99.9% food court o的o野都唔好食. 有得揀, 免得過都唔去. 呢次, 係我第一次同男朋友一齊去food court 食o野. 就咁就將我地o既"第一次"獻o左比大阪王將啦~~~~XD何解呢? 除因久聞大阪王將餃子好味, 另外就因為男朋友meet 我之前食o左好多snacks =_= 佢唔餓我都要食呀~ 就叫個餃子餐share 就o岩o岩好.2人share 食餃子餐($55)-* 煎餃子x 12 隻- 爆晒汁, 熱辣辣, 皮薄餡靚, 點餃子個汁亦剛好! 好得!* 炒飯- 超大碗, 味道不俗較乾身. 最後都食唔完.* 蛋花湯- 細細碗, 居然幾好味, 好滑. 好似食腐竹糖水XD 比我飲晒.* 7-up x 1* coke light x 1份量好大, 如果好餓一個人o黎食都無可能食得完.Times Square 這個food court 油煙較大, 人也很多, 食完就要即撇.男朋友買的, 唔知最後total 幾銀.

好日都唔行開這裡, 只試了一客, 但不是你地所講咁好. 只係好一般姐.

尋晚同男朋友去food court 食野, 又地叫左個二人餐.正如本食評之標題一樣: 餃子依然好, 但炒飯退步.餃子依然是皮薄餡靚!!但炒飯... 好似冇之前食過咁好食.以前個炒飯冇咁多蔥嫁! 但宜家勁多蔥, 味道怪怪的.但愛吃蔥的朋友不妨一試~Anway, 炒飯... 給我的感覺好像不同了... ><"PS. 我會再去~ ^^"

20050608 12pm雖然同蘇記一早食過早餐但仲未覺肚餓.之不過經過大阪王將就口痕痕,就叫了一客餃子同蘇記共享.今次餃子反轉放,所以睇得好清楚煎至泛金黃色的底部.今次絕無難分難解,亦無甩皮甩骨.食落去底部脆卜卜,皮依然薄,餡依然靚.

上星期六去吃晚飯,老婆大人點了炒飯加餃子套餐.炒飯份量一般,餃子則有一打十二隻,都幾抵.可惜炒飯和餃子均頗鹹,要改進啊!