大頭蝦

Open Now

Now Closed

肉骨茶同牛肉湯河嘅湯少得可憐完全係嬲到爆。同食撈麵冇分別。雖然味道真係冇問題，但係外賣肉骨茶同湯嘅份量真係無法令人理解。 由一出世到而家30幾年未見過一碗肉骨茶令到我咁嬲。

午餐 205：香茅豬扒撈檬（$50）豬扒有兩塊，"乸"得好腍，無哂口感，醃味偏甜，食唔到香茅味，唔係好得。好在撈檬正常發揮，唔算好亦不太差。下午茶 T27：海鮮炒金邊粉（$50）份量唔算多，完全無鑊氣，太過濕淋淋，炒得比較hea。海鮮配料同樣好hea，好在味道正常。下午茶時段（14:00-18:00），午市套餐減$10。

第一次黎葵興食野，入左間門面普通嘅越泰茶餐廳食lunch12點到，餐廳唔多人，餐廳個姨姨好好人，叫我地隨便坐，我同男朋友2個坐左張6人卡位🤣👫我地叫左咖喱牛腩撈檬，豬頸肉喇沙河粉，椰汁冰🥛椰汁冰係幾好飲嘅🥥🥛咖哩牛腩撈檬幾好食😋，牛腩好腍同入味，可惜薯仔唔夠腍身，撈檬係撈咖哩汁嘅😯，起初仲以為係撈越式酸甜撈檬汁🍋🥒🌿如果想試試撈邊個汁好食啲亦可🤭餐廳姨姨建議撈咖喱汁，仲驚咖喱汁唔夠，特登倒多一小碗咖喱汁比我地🥘🥘豬頸肉喇沙河粉，味道夠味得黎唔重口味，豬頸肉有啲乾，豆卜吸左啲湯幾好食😋總括味道不錯，可回頭再食😃❤️

🐤招牌海南雞飯🐤雞肉入口爽滑，油脂分佈均勻，唔會好油好(漏)🥴配埋D醬同薑溶，無論油飯/雞肉都好滋味😋而且又唔係好貴啫，平平哋食個lunch差唔多啦👍👍

第一次幫襯, 傳說係鄰店香港仔冰室同老闆,所以有點點信心坎左入去試.佢既餐牌很多選擇, 喜歡東南亞美食可以留意一下.泰式紅燒黃花魚: 酸酸地, 開胃好味.加$13香茅雞翼:  唔錯, 好食的.熱奶茶:麻麻地

如果作為白切雞 非常嫩滑但作為海南雞 用白切雞黎形容會更貼切不過白飯是我要求的 可選油飯有湯搭配 但它是茶記只係有埋東南亞菜式不是專攻泰式 比起上一次提既裕民坊既不合格海南雞飯它還是可圈可點 白切雞黎講完勝但望見同事叫既大頭蝦喇沙 下次再黎叫湯河或者喇沙 還是不錯值得一試 入味👍🏻

無諗過喺茶記都食到生牛肉河 叫咗下午茶嘅雙拼越南湯河 揀咗生牛肉拼牛腩 河粉冇咩特別 就係正常嘅河粉 牛腩同生牛肉份量好足 應該每樣各有4 5片 但牛腩有啲難咬但都ok 生牛肉就冇咩特別味道 都係主要食佢個湯個味 重點要講下個湯 個湯係好好飲 但都飲耐咗會覺得得有少少咸 但個味道正宗好飲 45蚊食到呢個質素嘅生牛肉河 真心抵食 會有下次 講埋佢個環境 舖面大嘅 卡位坐到6個 下午茶時段冇咩人 我哋兩個人坐咦張6人卡位 整體上環境算舒服 衛生情況都冇咩問題 係人手有啲少 有時要叫多幾次先有人理你

係葵涌做完野有d肚餓，想去食d野，但係葵涌得d工廠大廈，夜晚周圍又無咩餐廳好食喎，見到大頭蝦有喇沙食，我又想食下東南亞野d濃味野喎，就同fd入去食下，入面地方好闊落，不過就無咩客其實d野都几抵食，大大份價錢又唔貴，味道都ok！我叫左個無骨海南雞喇沙檬粉，雞几滑都有好多舊，湯底夠濃味，有隻蛋、魚片，檬粉浸下d喇沙湯味夠濃味！朋友叫左個香茅豬扒飯，豬扒炸得香脆，d肉都几嫩口入味，新鮮熱辣炸出黎夠曬香口！

lunch 時間入座有位求其坐低，人手嚴重不足，等好耐先等到人落單，到落單佢又叫人坐第二張枱😑12:35入座，12:42落單，3吹4請等到13:08先黎碗喇沙河都唔緊要，黎到豬扒未煮熟，比機會叫佢換過豬扒比我，點知換過都係唔熟！！！係 唔 係 做 生 意 架…🙄

原本沒有什麼期望，怎料飯菜端上來，賣相似乎不錯。咬下去，皮是脆的，肉也嫩滑，但就沒有雞味。以50多塊的價錢，也大概是此等貨色。不算什麼美味佳餚，但尚還可以吧。至於服務就麻麻地啦。

呢舖平時就係人多，諗住去食個午餐，見到有位咪坐二人細檯囉！人多理解，突然有10個人黎食，咁有個女服務員就見到我隔離有四人檯，我又啱啱好坐係四人檯隔離嘅二人檯，佢就諗住將食緊一半嘅我移去第二檯食，個個都望住佢，佢就自把自為係度催我過隔離坐，係人都感到不快，又唔係未食，食緊一半喔！我瞬間無語😓，咁10個人咪畀4個人坐住先囉，我費事同佢爭拗呢D事，瞬間冇曬胃口食淨低嘅一半，直接畀錢走人，佢地全程講唔好意思😅講唔好意思有咩用！倒胃口！下次真係唔好再黎食，好好反省啦！

餐牌有多款越式、星馬、泰式東南亞真系冇得外遊都可以頂一頂住先星洲肉骨茶 （一字排骨）可配飯/米粉 $60原個砂煲熱辣辣送上，先試試湯底有齊紅早、杞子，黨歸味較淡 ，腐竹非常入味，排骨有六，七左右，條條都啖啖肉，好食。胡椒豬肚雞飯沒有胡椒味換來是南乳味，怪怪的泰式無骨豬脾飯 配例湯、白飯好入味好好食*下午茶仲抵食，午市餐牌減$10餐廳只收取現金

平日番工已經好攰慣左夜晚都會叫外賣 今日想食泰國菜·-蝦頭膏大蝦炒粉絲（$101）份量巨多 係超多粉絲佢座粉絲山咁除左蝦之外裡面仲有冬菇/西芹做配料粉絲炒得唔夠乾似炆煮粉絲多d而且粉絲調味未足個座無味粉絲山咁而大蝦只係普通蝦size蝦有輕輕炸過蝦肉仲彈呀 無奈成碗野夠份量但唔夠味 -泰式燒豬頸肉（$71）份量好多豬頸肉燒到焦香油脂迫哂出離食落爽嫩呢個豬頸肉反而好有驚喜但個沾醬係泰式辣醬而唔係泰式沾醬有d少失望整體黎講外賣自取有85折折後$131唔算平而且個粉絲真係好麻麻

Food was surprisingly tasty. The place we wanted to go was shut so we ventured up to the plaza and found this place. The mall is a little run down and nothing much else there to see so we didn’t expect much.Restaurant is clean although cutlery could be a bit cleaner.We ordered hai nan chicken rice and pork bone soup with side dishes chicken wings, veg and chickens feet.All were delicious, especially the side dishes, only 13hkd each.We also had the longan ice we ordered less sweet, tasted really

凍凍地唔想出門碌到呢間小店見佢係價錢唔算貴又有外賣85折加加埋埋都唔洗$100湯同粉麵分開裝已經默默加左分連辣椒青檸都細分裝好細心度100分✿香茅雞扒湯麵轉河粉（原價$58）一打開香茅味幾香· 雞扒量都算幾多雞皮個皮仲脆身 · 食落香茅味都幾重雞肉好重身·仲幾嫩滑河粉唔會一夾就斷而且麵量麵幾多個湯底就咁飲幾鮮甜加埋落個雞之後個湯意外地多左陣香茅味河粉唔會一夾就斷✿無骨海南雞湯粉轉金邊粉（$69）雞肉差唔多cover哂個麵雞肉真係完全無骨而且好滑身海南雞會附配3個醬黑醬油/蔥油/甜酸香茅醬前者好濃醬香但唔咸蔥油無咩特別後者個甜酸味幾意外整體而言兩者比較我喜歡香茅雞多一點個香矛味好surprise 因為真係好濃但有點失望係食完會好口渴🥲