大餃子 (Closed)

疫情下，晚間堂食至六點。通常我會五點半左右去搵食，懶得返屋企煮食，另一方面，早點食晚飯，多啲時間消化，對身體反而更好。餃子+酸辣湯套餐酸辣湯底夠酸夠辣，是我喜歡的。材料十足，有肉絲，紅蘿蔔絲，雲耳，豆腐.....口感一流。白菜餃和韮菜餃各四隻，大大隻，餡料爆棚，漲卜卜。韮菜餃味道濃郁入味，跟肉好夾。白菜餃就比較清淡啲。各有棒場客。原味豆漿非常可口，沒有加糖，原汁原味，豆味香濃。十元一碟油菜，超抵食。

天寒地凍諗住食啲嘢先去見客，剛好見到呢間應該新開的「大餃子」，地方簡潔企理，啱哂！別以為淨係得餃子，佢仲可以配麵，更加估唔到佢有粥食！猶豫緊好唔好食碗粥暖下胃時，又見到佢個「特別推介」酸辣湯和蒜泥白肉，最後我就叫咗個A餐（$55），有齊餃子和酸辣湯，再散叫蒜泥白肉（$45）！餃子有韮菜豬肉、白菜豬肉、京芹豬肉和牛肉大蔥可選，揀了韮菜豬肉和牛肉大蔥（跟餐每隻加$1），隻隻都脹卜卜，餡料好多，味道都唔錯。酸辣湯十分大碗，果然足料，有肉碎、豆腐、紅蘿蔔絲、蔥、雲耳、筍、豬紅和豬大腸等配料，酸辣度剛剛好，飲完個人暖晒！蒜泥白肉的做法也很有心機，相比平時就咁一片片，佢係將片好嘅白肉用青瓜片捲起，食起上嚟樣肉質的軟和青瓜嘅爽口咁混合，增加層次感。而蒜泥再加上特製嘅複合醬料，帶出強而濃既蒜蓉味及輕輕嘅辣度。

天氣凍冰冰，食返碗熱辣辣既餃子就岩哂!今日去左銅鑼灣行街，經過渣甸街見到新開左間餃子店，叫“大餃子”，裝潢明亮簡潔，店員親切友善，一於試下先!餃子賣點為現包，唔做隔夜餡叫左京芹豬肉餃子，有6隻同10隻可選。粒粒皮薄餡靚，好香京芹味，口感爽脆，鮮味十足。紅油抄手口感扎實，啖啖滑嫩鮮美，特製醬汁麻辣酸甜，滋味開胃!韭菜銀芽炒麵炒得乾身入味又唔會太油膩，配以韭菜銀芽，增添口感層次。口水雞已去骨啖啖肉，雞件嫩滑多汁，秘製麻辣香油，辛麻又鮮香!油菜揀左蠔油芥蘭新鮮翠綠好爽嫩。

咁呢排出街食飯想食晚餐都惟有提早食，咁岩經過呢度發現有間新既餃子店，就即刻去試試佢，話晒叫晚餐，呢度野食又抵食，所以都叫多咗幾樣試吓首先見到menu 有樣好有趣既叫鐘餃子未食過，問左店員話係類似紅油抄手但加左獨家調味，一試果然係正，有蒜有甜，味道好夠，都幾有創意😆再嚟叫左個店員推薦既酸辣湯，嘩果然係勁勁足料，豬紅豬肚雞絲等等等等，味道正宗👍🏻呢度既蒜泥白肉真係必試，夠味得嚟待別加咗青瓜包住平衡返個味，好有心思😋再叫左個牛肉煎餃配擔擔麵，牛肉煎餃即煎爆晒肉汁勁好味，但擔擔麵就稍為少少salty，適合鐘意皇味既朋友

睇完孤獨的美食家（「孤独のグルメ」2020大晦日スペシャル）決定食返餐餃子，見到呢間標榜即包唔過夜，一於試試有幾好味😻。🥟A餐 — 8隻餃子 + 酸辣湯 $55 + $4（牛肉大蔥餃子每隻+$1）餃子款式可以任配。今次食咗餐廳推介嘅北京餃子（韮菜豬肉）同埋較少見嘅牛肉大蔥餃子 。兩款餃子都係皮薄又多餡。韮菜豬肉餃韮菜味好濃，一啲豬羶味都冇。個人更鐘意牛肉大蔥餃子。大蔥保持到爽脆口感，食落微甜唔辣。牛肉以醬油簡單調味，食落多汁並且鮮味十足。酸辣湯超足料，配料包括蘿蔔、木耳、筍絲、瘦肉、豬肚、豬紅、豆腐。不論口感定味道都好豐富。整體辣度低，反而酸味較重。暖胃得嚟唔刺激，啱晒鐘意食辣又怕辣嘅我。🐷蒜泥白肉 $45五花腩被薄薄嘅青瓜片捲住。五花腩口感帶彈性，青瓜片爽脆，口感配搭得幾好。紅噹噹嘅醬汁亦係辣度偏低，但帶有微微嘅麻香。蒜蓉落得好重手，所以都會有蒜辣味。