天下無雙

Open Now

Now Closed

當日無意中走入這條行看見車仔麵， 因很久沒有吃車仔麵， 因此看見這間車仔麵， 就迫不及待入去嘗試一下， 當天點了三餸車仔麵， 牛柏葉 香菇 雞翼油麵， 店員都親切有禮， 介紹香菇是鎮店之寶， 還有其他小食， 但當日只有我一個人所以便不能嗌太多的小食， 我認為這個車仔麵油麵很淡口， 香菇亦都很好吃， 還有記緊一定要用他的辣醬加少少在車仔麵中， 更能突出口感 價錢不貴在尖沙咀來說60元左右， 喜歡車仔麵的你們也可以嘗試呀， 我認為環境都十分乾淨

今日突然想食車仔麵，行過亞士厘道見到新開車仔麵走去試試。見到Menu款式都多選擇，每樣餸有不同價錢。最後我地叫左兩碗麵。自己點左牛腩 花菇 魚蛋 米粉，另叫左小食「街頭咖哩魚蛋」，「腐乳通菜」。牛腩 同 花菇好入味 ，咖哩魚蛋味道好香，通菜亦翠綠。最後埋單每人$80。總括是豐富飽肚😙會再光顧👍🏻

同朋友出左黎尖沙咀，順便食埋野先走，經過一間叫天下無雙嘅食店，見個名咁型就埋去睇下，原來係食車仔麵的。價錢唔貴就入去試下先，餸同小食都好多款式，睇左好多先落單😆⭐牛魔王麵餐實在太多野揀，最後決定叫牛魔王麵餐，個麵有牛腩、牛筋、潮汕牛丸，湯底要左麻辣，麵就要左米粉。好快就上枱啦，碗面香噴噴，餸望落去都好多喎。牛腩牛筋炆得軟腍入味，牛丸爽口彈牙，個麻辣湯底要咗小辣程度好惹味，辣度啱啱好，米粉吸咗湯汁好好味呀🤤⭐三餸麵車仔麵朋友就揀咗叫三餸麵，要咗鬼馬炸魚腐、魚皮餃、陳皮鯪魚餅，湯底要秘製辣汁小小辣，麵就揀咗油麵。上枱同樣豐富，滿滿一碗都係餸，仔細望下，原來朋友叫呢個全部都係魚類喎，哈哈😆個魚腐開頭我仲以為係豆卜，咬落有豆卜又有魚腐嘅口感，吸咗湯汁幾好味，鯪魚餅好香陳皮味，魚皮餃就正常嘅冰貨貨式啦。⭐街頭魚蛋呢個小食就係自己揀嘅，想食下咖哩魚蛋就叫咗呢個，一杯入面都好多粒魚蛋喎，冇仔細數，但好似都有15粒以上，魚蛋用上陳皮魚蛋，個人覺得個陳皮味仲重過過咖哩味😆⭐炸韭菜餃炸韭菜餃就係朋友揀嘅，佢話見到牆上張圖好吸引所以就叫咗，個皮炸得好香脆，點埋個甜酸辣醬真係幾好味嘅，不過可能廚師搞錯咗，入面

路經見到新開張，估唔到車仔麵黎講佢都算多種類，又有小食，尤其滕椒魚皮，個辣辣得黎糸會追住想食，車仔麵湯底好味😋😋，餸又多，值得支持小店👍👍👍尖沙咀區價格可接受

尖沙咀收工食咩好🤪經過亞士厘道見到有間新開既港式車仔檔💁🏻‍♀️店面裝潢具心思，主打港式懷舊風，環境乾淨企理👍🏻店員仲好有禮貌又熱情，值得一讚🥰🔹牛魔王麵餐麵餐有齊牛腩、牛筋、潮汕牛丸，價錢都幾抵食！揀咗出前一丁，口感煙韌彈牙，煮得夠爽唔會糊，正～腩汁配秘製辣汁昇華味道層次👅牛腩軟腍入味、肉汁豐富，牛筋爽滑充滿膠質、潮汕牛丸大大粒好彈牙😋🔹自選麵餐蘿蔔香甜無渣、越南扎肉帶有胡椒香，彈滑清香、午餐肉經煎香更惹味、鬼馬炸魚腐食落好得意，好似油炸鬼、香煎陳皮鯪魚餅陣彈陳皮香，好彈滑有咬口～幼麵索滿腩汁湯底，正😆🔹無雙魷魚新鮮魷魚製成，入口特別鮮嫩爽脆，配埋秘製醬汁，甜中帶點微辣，好開胃🦑🔹燒賣蒸得岩岩好，帶魚肉香，煙韌綿軟👍🏻👍🏻🔹荔枝蝦球即叫即炸，熱辣辣上枱～細細粒，荔枝外型好別緻，外層酥脆香口，咬落內裡蝦肉彈牙😍🔹油菜食車仔麵通常都會叫油菜平衡下～芥蘭新鮮翠綠好爽口🥬🔹凍檸茶+熱柑桔蜜茶底清香唔苦澀☕️天下無雙🌟📍尖沙咀亞士厘道16號地舖

門面看似有特色，甚有香港風味，新開即管一試。但….豬大腸不乾淨，裏面還有一粒粒的飼料，味道非常普通，所謂的秘製沒有什麼特別，朋友的雞翼還有很重的雪藏味。我和朋友入到去，員工接代比較輕佻，全程聽着員工門及有一位員工放大聲傾偈，說是非說非，為何不想想顧客的感受，沒有人想在一起聽，直至我們離開餐廳才完結。全程耳朵十分受罪，必須注意點。有時候忙碌的工作中想在lunch只想有個喘息的空間。希望貴店能好好提昇食物的品質及改善餐廳內部的氣氛。

很久沒有去尖沙咀亞士厘道，最近去發現這條自成一角的美食巷竟然旺了很多，也有不少遊客。.我發現愈是地道的餐廳愈多人，好似我們去的 - 天下無雙車仔麵，試業當中就已經要排隊了。.的確，有些食材處理得很好，而且份量足價錢ok。.當中我覺得最有創意的是，荔枝蝦球。蝦球裏上紅色炸粒粒，上面放一條芫荽，主角真的好似一粒粒荔枝呢！脆脆的外圍加上彈牙的蝦球，口感很不錯。.我朋友是魚皮看好者，他說好難得見到鮮魚片。而我不吃魚皮的，味道不清楚，不過賣相同份量都好好。我點的滷水雞翼真心值得一讚，首先隻隻肥美飽滿，醃製得好好很入味，又帶點麻油味，簡單的滷水雞翼但做得十分出色。.車仔麵我推介幾款他們自家製的材料，包括無雙魷魚 - 醃得很入味，漂亮的顏水，十分開胃。蠔皇小花菇-也是入味之選。韭菜餃鄙皮餡靚。最後不少得他們自家製的回味辣椒醬，本身打算小嘗一兩口，結果一整碟被我和朋友用花了，令湯底更加香口，不會太辣。

喺尖沙咀諗住簡單食啲嘢，行咗嚟呢條街，見到呢間車仔麵店，應該係新開張，店前邊有超級多花牌，應該各方俾面🤣，朋友👧🏻話不如試吓，咁我梗係贊成啦😂有多款 麵底/菜底 可以揀，又有多款價錢由 $10-$18 不等嘅「車仔餸菜」😂一碗要咗「蘿蔔、香煎午餐肉、手工雲吞、牛腩、豬手、幼麵、腩汁、小小辣」，另一碗要咗「九菜、紫菜、陳皮魚蛋、金菇菜、無雙魷魚、蔬菜底、清湯」😋基本上全部餸菜都幾好食，特別美味嘅係「豬手」非常軟熟😋、「白蘿蔔」鮮甜冇渣😋、「牛腩」好好牛味😋、「魚蛋」夠彈牙😋、「午餐肉」煎得夠香口😋$8「無糖可樂」$10「檸檬底」：叫咗兩杯，凍檸樂就梗係好飲啦🤣$25「腐乳通菜」：新鮮爽脆，簡單好食🤣$25「蠔油菜心」：都係 新鮮爽脆，簡單好食🤣$58「滕椒魚皮」：辣辣哋麻麻哋，細細粒捲曲狀態，非常脆口，好惹味😋

去咗一間寫住試業中嘅車仔麵，非常失望🥺🥺當日叫左兩碗車仔麵，其中揀左牛魔王麵餐同自選麵。當時店員並沒有說牛腩缺貨，直到上菜，佢直接上咗一碗有魚蛋，牛筋，潮汕牛丸，以為上錯，叫個店員過黎問係咪上錯左🤨然後先話冇晒牛腩！！🤯佢話可以轉其他餸😡但男友廢事轉。然後小食叫咗個炸韭菜餃，咸到食唔晒😤最後埋單，問佢地魚蛋有冇得減返錢，佢竟然話冇。明明魚蛋同牛腩單點餸嘅話差成$8。最後要局住比左$78一碗唔齊餸嘅牛魔王麵🫠永久blacklist呢間天下無雙車仔麵！！！😡😡

尖沙咀新開的天下無雙車仔麵店，除了有車仔麵套餐外，還有自由選麵餐，仲有三十一款不同的港味小食任你選擇自由選麵餐，豐富嘅車仔麵，多款餸菜選擇 [ 豬皮、豬耳、秘製豬大腸、無雙魷魚 - 清湯 - 米線 $75 ] 這碗車仔麵很豐富又大碗，三款豬類餸菜 + 口感彈牙又惹味的魷魚，搭配清湯和米線，確實是一個不錯的選擇。跟餐飲 - [ 凍柑桔蜜 $10 ] 清新的柑橘味道和甜蜜的口感另外碗自由選麵餐，選擇 [ 豬腩肉、牛腩、墨魚餅 - 腩汁 - 出前一丁 $69 ] 墨魚餅口感彈性，入口爽脆、牛腩口感鬆軟，牛筋滿膠原、豬腩肉十分爽口，搭配腩汁更加惹味，餸菜配搭豐富。跟餐飲 - [ 凍朱古力 $10 ] 濃郁朱古力，消暑解渴就最啱賣相吸引的 [ 荔枝蝦球 $38 ] 外貌同荔枝一樣樣，荔枝蝦球酥脆外層，口感鮮美彈牙辣得惹味的 [ 滕椒魚皮 $58 ] 口感爽脆彈牙，吃不停口，份量滿滿，必選小食之一超級脆卜卜的 [ 炸雲吞 $48 ] 口感彈牙，外皮香脆，內餡彈牙口感，搭配酸甜醬一齊食，味道更加美味

琴晚收工同個frd嚟TST搵嘢食，見到有間新開嘅車仔麵檔，望落去幾正😆果真冇失望，比想像中高質😋車仔麵嘅精髓就可以揀多餸，咩都試勻晒😆叫咗油麵底、雞翼、雞尖、蘿蔔、腩肉，雞翼非常之入味，鹹鹹香香好惹味😎另外朋友都叫咗雞翼同牛丸米線底，牛丸非常之爽彈，幾唔錯🤩小食方面叫咗個荔枝蝦球，蝦球非常之紮實，好有口感😚勝椒魚皮非常之惹味，微微辣辣，又有少少麻，魚皮又夠爽脆好正😎咖喱魚蛋同燒賣質素都好好，尤其是佢嘅辣油非常之高質，一定要食😍炸韭菜餃都好香口，韭菜好足料，啱晒啲韭菜迷😚餐廳裝潢都幾有香港特色，而且相差速度都幾快，而且CP值勁高唔貴，值得encore🤩

突然間想食車仔麵🍜行經亞士厘道發現有一間新開既車仔麵試業中連招牌紅紙都未拎走，我呢啲最鍾意試新嘢既人，大膽地走入去試試先，環境地方光猛干淨，菜單選擇款式多🍢，我叫咗三餸米粉同麻辣魚皮，豬腸入味好懷舊，鬼馬炸魚腐夠脆口，魷魚真係要必食，超爽口入味，單叫一份都可以，麻辣魚皮唔太特別辣好新鮮，不得不提個湯底超濃郁，不過可以再多啲湯就好😆其實點解會吸引到我行入去， 係因為佢環境真係好闊落， 無任何擠迫感，價錢於尖沙咀區屬經濟，所以我一定會常幫襯

車仔麵湯底係用雞煲出黎，而且配埋佢地既秘制辣醬，惹味得黎幾清甜，雖然湯底好深色，但入口唔會死咸!😀 先黎碗米粉 食材有鮮甜冇渣既蘿蔔🥰 滷得好入味花茹🥰 香口唔腥鯪魚餅😙 同必點既魷魚勁彈牙煙un🥰。而另一碗叫左 公仔麵，配料有牛腩😙 牛筋🥰 牛丸🥰 魷魚🥰。當中既牛筋同牛丸，好好味，特別係牛筋夠軟糯入味。小食有 荔枝蝦球😀 酥脆可口，餡料係滿滿蝦膠，食起黎一d都唔油膩藤椒魚皮🥰 惹味唔腥，夠哂麻辣爽脆，魚皮入口彈牙冰鎮鮑片🥰 鮑片有小小麻油調味，再附上wasabi 豉油，又幾開胃WOR!韭菜豬紅🥰 2人份量幾抵食~!另外再加單叫多份紫菜雲吞 同 滷水雞翼。地點好方便，係附近行開街想食返碗車仔麵，又多個選擇!