天園餃子

Open Now

Now Closed

很久沒同老人家去天園了，決定農曆年前到店一行。老人家怕熱氣永遠食湯餃，我則永遠吃炸餃🙋。跟以前的旺角店不同，原來土瓜灣店只得清湯底，沒似旺角店可揀蕃茄湯底😅。若跟旺角店一樣，有湯底揀就更好了🙋‍♀️! 加$亦沒問題啊😄!總覺得天園的炸餃比湯餃更出色😄! 推介炸白胡椒雜菌豬肉餃和炸雞蛋蕃茄餃，亦是我的至愛😍! 炸白胡椒雜菌豬肉餃食後嘴裡散發著白胡椒香氣及菌的清甜味; 而雞蛋蕃茄餃食時有蛋加蕃茄的香甜味! 吃時加上店內自家製的辣椒油，絕配👍👍👍👍👍。小食方面，不二之選是炸茄子，大大件，不太油，價錢不貴，正👍👍👍👍👍。除此之外，若不想吃綠色的菜，清湯蘿蔔亦是不錯的選擇。其實，一直都覺得天園餃子的炸餃子貌似上海雲吞多一點，老板可考慮炸餃叫天園雲吞呀😆!

好似有一排冇介紹素餃咯喎，今次為大家介紹土瓜灣北帝街嘅「天園餃子」。🥟通常餃子店都係年紀大啲嘅姐姐經營，但呢間店嘅負責人同店員都好後生喎，店內仲貼咗 Edan 同 Mirror 嘅海報添。😍真漢子試咗：🍤 紹菜甘筍木耳素炸餃（5 隻）$30湯餃同煎餃食得多，炸餃咁特別，唔試對唔住自己啦。炸餃就咁炸冇加炸粉所以都冇蛋。即叫即炸所以滾熱辣又香脆，就咁食都好夠味，鍾意嘅亦可點啲甜酸醬一齊食，感覺就冇咁熱氣 😃。蕃茄蛋餃都有炸嘅版本，價錢一樣。🍅 蕃茄蛋素餃（5 隻）$26湯餃可轉素菇湯，湯嘅味道較清淡，但餃本身都夠味，所以我都冇咩點豉油或醋食 😋。紹菜甘筍木耳湯餃都係同價。反而煎餃只有三款，而呢三款都唔包括素餃嘅，鍾意食煎餃嘅素友唔好意思喇 🥲。問過負責人話其他款式不太適合做煎餃。但我見餐牌佢兩款素餃都有生餃可以買（$38 一打），買返屋企自己鍾意點煮都得啦。👨🏻‍🍳⬜ 椒鹽脆豆腐 $34豆腐細細粒一口份量，食落外脆內嫩，又係唔使點嘢食都夠味，而且有啲炸蒜所以非常香口 （QR code 落單時可指明走蔥，蒜 🙅🏻‍♂️🧄）🍋 手工檸茶 $18而家嘅餃子鋪或者麵店都冇水吧，所以飲品都係現成樽裝，

雖說水餃店水餃款式繁多，水餃皮不算太過厚，粉感一般，餡料方面不錯，說不上爆餡，但餡料充足，味道不錯，可是吃過後非常口喝，味精惹的禍。小店生意亦沒有以往般受歡迎了。

今日午餐想食餃子，所以去左天園，天園喺北帝街都幾出名架。揀左芫茜豬肉餃子、粟米豬肉餃子同芹菜木耳豬肉餃配麵。芫茜餃入面有好多芫茜，好香好爽口，如果中意臭茜就正粟米餃都正，可以再多少少粟米粒就正。因為我自己本身中意多菜少肉，中意嗰種清新爽脆既感覺芹菜木耳餃子就無上面兩款咁好食，食唔出芹菜同木耳既爽脆口感。面似幼身d既上海麵，煮得剛剛好好彈牙。仲有加左23蚊換左舊炸雞扒，係幾掂！同寶城炸雞脾有七成似出面層皮炸得夠香皮下脂肪又無晒，但仍然保有肉汁

本身想食的餐廳告知要排兩個鐘以上，果斷放棄…轉場黎左天園餃子，其他分店有食過，但土瓜灣店未，就食佢啦。舊店燈光昏暗，但至枱櫈、調味料等都乾淨嘅，枱上已放qr code可自行落單。⭐紹菜甘荀木耳素餃麵自己點左呢款素餃再轉埋素湯，湯頭有菌香，餃口感較為鬆散，但味道清甜，還不錯。⭐西洋菜豬肉餃麵朋友叫的西洋菜餃很鮮味，勁多西洋菜好正。湯底轉了酸辣湯，味道正常但不熱，半湯狀態真係唔得，店員話下次落單要叫湯熱啲喎，長知識了。⭐手工蜜桃紅茶加左支冷泡茶，幾好，淡淡地嘅蜜桃香味。明明叫左多炸蒜但一粒都無，係咪湯麵唔送㗎？不過枱上有辣菜脯都彌補到嘅，個辣菜脯雖然賣相不佳，但又辣又香係好味嘅😋

今晚同媽咪2個人食左$122已經好飽煎韭菜餃香脆皮薄！鮮甜湯底！肉嫩多汁！Menu仲有其他餡料簡，但個人認為韭菜最好味👍🏻味道調較得岩岩好！足料脹卜卜 🥟豬扒湯麵湯底夠熱🍲湯底清甜 羅白無渣😋麵既軟熟度岩岩好麻辣雞卷味道濃郁而雞既肉質一啲都唔嚡👏🏻不過啲冰有少少未溶得唒☺️辣度正常唔食得辣既朋友仔都一定可以接受！配埋脆花生青瓜絲！配搭清新🥒茄子就正正常常無咩特別！不過食落又唔會食口油喎！配上少少椒鹽都唔錯☺️

🍚天園餃子好耐無食過餃子 呢間都幾多人 今次就決定試下🍚西洋菜豬肉餃麵d餃幾大隻西洋菜豬肉味道少少甜幾好麵就正常🍚韭菜豬肉餃(10隻)同其他鋪頭個d差唔多🍚麻辣口水雞捲比四川辣少d 感覺ok有花生 青瓜👍🏻d雞無骨 唔錯💛天園餃子而家得返土瓜灣1間分店 希望唔會執啦#餃子 #旺角 #天園餃子 #觀塘#黃店 #openrice #foodie #foodphotography #食好西 #foodporn #food

喺門口行過好多次都無食佢，今日終於食到！呢度啱晒貪心的我們🤣🤣 每人叫咗5粒餃又再加兩個小食，再加個飲品，都係每人幾十蚊！叫咗西洋菜餃同紹菜豬肉餃，小食就叫咗醉豬手，醉雞翼，麻辣雞卷同椒鹽茄子，茄子竟然係即炸，超清新有茄子嘅味道👍🏻 麻辣雞卷夠辣，醉豬手同雞翼無雪味，呢幾個都好食，下次試嘛其他😅個奶茶好飲過太X好多重要唔係太甜，跟餐10蚊，好抵飲！問咗短頭髮女仔先知係佢爸爸自己煮嘅，細伯加油！記得著外套，好凍….

間唔中都會黎幫襯，食左好幾年，今次去食樓面轉哂啲老少少嘅阿嬸，短頭髮個阿姐同班後生樓面唔見哂，之前班樓面都唔係咁做生意，依家樓面啲阿嬸態度就非常差，有學生妹坐錯位即刻被阿嬸大聲話，其實好小事，唔需要咁差態度又有客唔識用QR code落單，一味叫個客㩒㩒㩒，無話可以幫手落單，以前幫襯班樓面見到啲老人家唔識用QR code都會即刻幫忙人手落單，唔知點解依家變成咁食左半個鐘多啲，其實食物質素都係差唔多，但成餐飯都聽住啲阿嬸鬧人聲兼黑口黑面，真係好辛苦，中午食個飯都係想抖下，但見到班阿嬸都無哂胃口，短期唔會再去

係土瓜灣搵食， 今次帶朋友去食餃子，天園餃子成日去晏晝食，第一次食夜晚，見8點夜晚餐牌同晏晝都差唔多，都算幾抵食。煎餃子套餐煎黑胡椒洋蔥牛肉餃 + 椒鹽茄子2樣都好野味，牛肉餃子底煎得脆脆的，好夠味，唔想咁熱氣，可以叫湯餃😋好細心👍🏻茄子我叫左少椒鹽，都好夠味道鳳巢撈麵🍝見個名咁特別就諗住叫黎試下，但係有少少失望，唔算太吸引，有少少似撈米線個種，但味道唔夠佢濃味，下次我未必會再叫撈麵食😂加左杯野飲手工蜜桃紅茶味道還可以，我之前飲佢杯手工奶茶會吸引好多但可惜佢特飲既無得揀熱😂特製蔥油炸豬扒蛋飯🍚見到係誠意推介度搵到Lee 樣，認真唔錯豬扒炸得幾好👍🏻好多蔥油比我撈飯😎所以佢地應該餃子同飯類都做得唔錯🌟

就快打風，打風期間應該無乜嘢好食，所以野豬趁打風前想滿足下個胃仔先，四圍遊下魂遊到去土瓜灣， 撞啱見到有間天園餃子，依間天園餃子其實之前係旺角通菜街都有間，係正甜記對面，個時都心大心細想試試，但馬騮太太鍾情食甜記😂後來天園旺角店仲結埋業添😅😅😅(可能唔夠甜記揪….掛😅)睇門面明顯比起旺角店細，同埋比較舊。睇Menu見到有蕃茄雞蛋素肉餃，適合半素人士，但食全素嘅人就唔啱了🤫不過依間有得揀酸辣湯麵，配落都幾開胃，而且上海麵份量都算多。同馬騮太太叫咗白胡椒雜菌豬肉餃、蕃茄蛋素餃、韭菜豬肉餃配酸辣湯。個素餃比想像中好，只係啲餃子略微唔夠飽滿🤔不過以價錢嚟講都算唔錯。雖然呢間鋪仔細細，但眼見都唔少人嚟食，而且外賣單都好多，所以落完order都要等少少時間。

叫咗外賣等咗兩個字未拎得, 問佢叫我等, 等三個字又未得, 再問又係叫等, 等咗四個字又未拎我, 最完又係叫等, 等咗我半個鐘再問, 跟住係收銀凳隔離拎比我。 期間一直喺門口等緊, 原全冇叫過號碼 叫個客白等你半個鐘 唔知咩餐廳黎。啲人又話間野好出名, 原來係出名等得耐!已經唔係好多堂食客同外賣單, 堂食數完得3張大檯。等成30鐘鐘唔知以為係賣緊慢煮餃子我仲要只叫十隻煎餃都要30分鐘, 唔知叫多個麵, 幾樣野 會唔會要等成個鐘。推介比大把時間既人去等

#天園餃子 我真係好鍾意食餃子🥟-韮菜豬肉炸餃 ($45)好少見到有炸餃子 所以就叫左兩份🤣炸得好脆 好似炸雲吞咁 每一粒都脹卜卜😚．白胡椒雜菌豬肉炸餃($46)味道好特別 好重胡椒味 而且因為餡料有菇 變左個口感好特別 好好食🫣

麻辣撈麵 $30呢個本身係驚唔夠飽所以先叫，但點知食落其實好驚喜，佢個麵本身有啲肉碎，配上佢自己調嘅醬其實好香好惹味，而且唔貴，用黎墊肚其實真係唔錯！湯餃子套餐 $44呢個套餐有韭黃冬菇豬肉水餃+麻醬雞絲粉皮水餃其實就一般般，睇得出係新鮮包，但個餡料唔太特出，有啲似普通韭菜味嘅餃子但又冇韭菜咁香粉皮唔夠辣同唔夠滑，比較硬同實，個人覺得撈麵比較好食韭菜豬肉煎餃（10隻）$42呢個有啲失望，因為之前上網睇人食個餡係好飽滿，不過人地可能係炸餃我係煎餃，但味道係唔錯的

最近早餐食多了，午餐都沒有太大胃口，那就食個輕午餐。土瓜灣附近都有些餃子店，但正宗的上海水餃/北京水餃那些就沒有。這間天園水餃未入店時以為價錢較貴，坐下看menu發現都幾經濟。點了韭菜豬肉餃上海麵+凍飲=$48。ok抵食。味道很乎合價錢，雖不是我愛吃的厚皮水餃，但味道都不差，韭菜與豬肉比例一半一半。上海麵介乎粗與幼之間，韌度不錯。湯底超淡，沒有味，所以加了些辣椒油，職員見我落辣椒油所以就推介了另一款再辣一些的辣椒油。真的比較辣。飲品很精緻，少少一樽已足夠。