天天茶餐廳

Open Now

Now Closed

食物ok,但態度唔好。我坐卡位食緊，有個女人係另一張枱食，剛好有6個人入黎，老闆娘安排佢地坐埋一齊，所以問個女人介唔介意搬枱，個女人ok,我一路食只係聽到對話，但完全唔知係搭落我張枱，其實半點都不介意，問題係 你講都唔講就放塊膠片係我眼前，我覺得好唔尊重，你單聲我聽我絕對無所謂 去過幾次，講真食物唔差,正常，但態度都一向馬馬，或者係睇人，熟客就唔同態度，但最基本你都尊重下我……其實食個飯唔想影響心情，一向入去前我都係快快食個飯走人，但估唔到十零分鐘都感覺到唔尊重，所以寧願唔再去。

柴灣天天茶餐廳夜晚點咗一個酸辣湯麵。 麵條係上海麵，麵身好粗，質感有啲似烏冬。麵條充分吸附湯汁 ，非常入味。 酸辣湯入口先酸後辣， 配埋木耳絲冬菇絲，口感更為豐富，令人有想飲曬成碗湯嘅衝動。加多10蚊就可以加多四隻韭菜餃，非常抵食。韭菜餃都係自家制， 皮薄餡多， 偶爾會食到有碎骨。整體嚟講性價比好高。

這間餐廳的名字很好，叫天天，雖然是細小的港式茶餐廳但係這裏幫襯的都是老街坊，因為每天都來到這裏食個豐富營養的早餐也可以同大家聊聊天，這兩車的紅腸牛肉公仔麵，沙嗲牛肉非常之爽滑味道濃郁，又有紅腸簡直是充滿力量的早餐當然仲有我起來的鴛鴦茶，非常濃烈的味道是非一般的咖啡店可以取代的。

叫得豬扒包，竟然唔係比一塊豬扒你，將d碎濕濕既豬肉碎比你，拎上手輕過普通既豬扒包好多，生菜都少到幾乎冇，唔好同我講外賣就可以咁樣做，咁樣煮野冇廚德，做生意做冇道德。另外，落單既老姐姐見你係門口，都好唔主動同你落單，扮睇你唔到，係都要你自動入去比錢。

中午時間，柴灣真係好多人，間間餐廳都超多人。經過天天見到有位就衝入去了。除了一般的午餐，仲有上海麵。酸辣湯餃得4隻又少左d，就選擇了要酸辣湯麵，加10元有4隻餃子自整酸辣餃麵但要加錢先有飲品呢間餐廳的酸辣湯的確好岩我自己的口味，最緊要夠酸。材料就睇下當日㕑司好唔好為心情，有時候好多料，有時候就好少料。今次見到有豬肚、木耳已經好好！佢哋d餃子都夠大隻，有少少肥膏係入面，唔係餐餐食無所謂吧至於環境方面，位置算少。要有心理準備，班姐姐對話好大聲，但都好醒目和快手的

無驚無險又到十二點午飯時間！柴灣體育館對面有一排茶記 今日就揀一間黎試試先！最後揀左天天餐廳！睇完個餐單後決定叫個支竹火腩飯+凍奶茶試試！成個餐包埋碗湯都係$48，再加上餸同飯既份糧都好足，絕對岩晒食量大既人.一間茶記除左食物質素外，野飲亦都好緊要，如果連一杯最基本既奶茶或檸茶都沖得求求其其，感覺似飲緊糖水既話，食物既質素亦唔會好得去邊！而我叫既依杯凍奶茶好濃，茶味好重，要求少冰時真係只有少少冰，唔似好多茶記要求少冰一樣咁多冰，值得一試！個餐亦都包埋一碗湯，味道清清淡淡，感覺味精不多，食飯前飲啖湯暖暖胃都唔錯！

今晚去柴灣同屋企人晚餐，為了可以找到間門口可以泊車的餐廳，就去了這間天天茶餐廳，內裡裝修很一般，價錢在柴灣區偏貴，座位不算多，但都很擠迫，服務很一般，我點了一個晚餐，茄子魚柳$62跟湯和熱飲，整碟份量都算多，但非常多油，差不多有2cm，魚柳是最下價貨，有待改善，湯溝了很多水，媽媽叫了隔離同一老闆的上海麵，炸醬麵加餃子$39，炸醬麵加餃子咪道可以，值得推介，可惜太夜豆漿售罄，下次都是吃上海麵好一點。

今日約左朋友去柴灣睇戲,見仲未夠鐘..有半小時可以食個快飯就去左附近搵搵茶記,入左去天天茶餐廳朋友就叫左個白菜雲吞河,,而我就叫左個南乳枝竹炆鴨套餐南乳枝竹炆鴨套餐有埋湯同檸檬茶白菜雲吞河--D料都OK,都算足料大粒..食落都唔錯,個河唔會太淋,湯底都算OK個例湯都OK,唔算太味精,,,個人好怕飲味精,今日飲這個湯都唔算太味精,都OK南乳枝竹炆鴨--個飯唔會太硬..南乳味唔太壬,可以再濃一點,枝竹完全入晒炆鴨既味道鴨有肉味唔算太蘇味,都OK既..都唔會話有雪藏味

我耐唔耐就會响呢間垃圾茶餐廳幫襯，忍佢好多次先上黎閙醒佢，通常我會在隔離食上海麵, 但夏天熱我就想坐冷氣地方入去室內食, 老實講食物水準不是十分差的，起碼可以入口，但果D大嬸服務員簡直系負評, 唔講以為我入去乞佢黎食, 坐低我通常要杯熱水灘凍等食飽可以飲, 㸃知十次有十次叫佢倒杯熱水來都話水未滾(有無咁啱呀?), 你出面水未滾水吧果個煲滾啦呱，你唔想俾一系楝個牌出黎(不供應飲用水), 何況我用黎飲唔系用黎洗筷子, 另外, 辣椒醬、醋果D又收埋叫佢哋拎又好似煩親佢咁大大力放落枱，見我用完就拿拿聲收埋佢，咁慳又度叔，拿拿聲摺埋佢啦！唉…我同自己講唔會再去幫襯。正所謂上樑不正下樑歪, 應該好好檢討下對客人的態度。作為人客我們來到小店不求有五星酒店服務，將心比己你也不想人家有同等對待你。

昨日去食飯, 幾個人一坐落O黎 , 就催你點野同個侍應講轉頭先,佢行開冇一分鐘就返O黎再問, 我答佢未諗到食咩好, 佢竟然答我: 諗唔到食咩就走啦,阻X住.   XX老味, 咁gei 服務態度 衰X過啊珍

去到柴灣,因地方不熟悉,搵左間茶記,打算嘆個TEA......叫左個沙嗲牛肉包,食物賣相不錯但一食D牛肉凍既,好彩食完冇肚痛,凍奶茶又太甜好失望,絕對唔會再幫襯

話說係柴灣上班已有2年,但沒有光顧過此餐廳,今天特別來試試,先說環境,坐位相當狹窄,卡位坐4人相當擠迫~我點了咖哩雞飯,咖喱汁過多,雞肉少,很後悔,送的例湯,應該落了過多味精,整個餐最好就是奶茶沒有服務可言,我到收銀處付錢,那位收銀員沒有任何道謝及笑容

上星期第一次和朋友在這裡吃晚飯，回家後我倆也不停疴和嘔！第二天我們睇醫生，醫生說我們是腸胃炎！食了很多天的藥才好番！我們已經向食環處投訴！以後也不會再光顧這間黑店！

晨早留留去食早餐，間野服務態度幾好既~叫左個雪菜肉絲雞翼米粉配咖啡，$25。無論係雪菜定肉絲都係好少，米粉有兩箸，雞翼就有兩隻另外，我唔知點解佢啲咖啡係酸既lor

與家人來吃晚飯。三個人，各自叫食物，我不太肚餓，所以叫了一個齋的碟頭飯。羅漢齋飯($36)：餸菜非常豐富，有芥蘭、西蘭花、椰菜花、雲耳、枝竹、豆腐及菇類，各樣餸的味道和質素「正常」，其中豆腐雖然是紅燒（即外層是炸的），但不油膩。我要求走汁的，不過也有不少汁，可幸汁料不太鹹太油，味道還算不錯。碟頭飯價錢正常，不是特別廉宜，不過這店勝在上菜夠快，食物味道也不錯。不介意環境狹小的話，這裡是吃頓簡單快捷飯餐之選。