天河食坊 (Closed)

聽d住馬鞍山既朋友講，位於富輝商場樓下既天河食坊，d車仔麵好好味，由其個湯式同河粉。不過今次行街經過，唔多想食車仔麵，眼見佢有個counter仔專賣一d小食，仲要有超多款，有魚蛋、燒賣、牛什、炸燒賣、炸大腸、煎釀三寶等等。我地三個人，分別叫左好幾款黎試。先黎個咖喱魚蛋，都幾夠辣，但魚蛋質感麻麻，似食緊舊粉咁，可能煮得太耐。之後叫左串燒賣，佢跟左dd豉酒，醮左豉油既燒賣正好多，但應該蒸得太耐，有d林，如果配埋辣油就更好。之黎分別叫左幾樣炸野，炸燒賣、煎釀三寶、炸大腸，呢3樣都係即叫即炸，所以食果時脆卜卜，炸燒賣跟埋蜜糖，簡直絕配！炸大腸就有d酸甜醬，都幾好食！煎釀三寶直情係好香口，平時食都冇得即叫即炸，唔錯！雖然呢d即炸係需時，但食完係覺得十分抵！整體黎講，呢間天河除左車仔麵之外，d小食都幾吸引，老闆話好多人叫牛什，不過我地今次冇食得，唯有等下一次啦！d小食都幾抵，十蚊內都有一款，平過旺角好多！但間鋪其實偏細，如果多人都要坐店外，但整體黎講d野食都ok!

經友人介紹，今天我到了天河食坊吃車仔麵，友人聲稱這間車仔麵店是最好吃的，所以我叫了一個魷魚豬皮沙嗲粗麵。店內空位很少，最多也只能坐下15個人，設施簡陋但尚算整潔。等了大約10分鐘，麵終於來了，等候時間雖然有點長，但十分值得!這個麵真的十分美味，沙嗲醬完美混入湯中，使整碗麵也充滿濃郁的沙嗲味。魷魚和豬皮亦十分爽口彈牙，但建議豬皮不要馬上吃，等豬皮吸收沙嗲汁才吃，更美味!

中學時期經常走來天河，因為有學生優惠，又平又好食！上咗大學就好耐無食，所以今日特意再到天河懷舊下雖然車仔面加價，不過質素仍然很好，每次都要叫沙嗲湯底，個人非常推介！可惜煙肉卷相比以前細咗幾倍，有點失望而炸燒賣係到天河必嗌的小食，外脆內軟，再加上蜜糖漿，好好嘅配搭，8$五粒算係不錯！係其他車仔面檔已好少見到有炸燒賣出售，即使有都無天河咁好食！

聽fd廣呢道幾好食就去試。叫左炸大腸，炸燒賣，牛什，煎釀三寶，清湯車仔麵(瀨粉，牛腩，蘿蔔)。先廣炸大腸，炸大腸淋酸梅醬，炸到又乾又硬，唔好食。之後炸燒賣，炸燒賣配糖漿。一咸一甜，我覺得好奇。又炸得硬，刮到我d牙肉。牛什都算淋同入味，都幾好味。煎釀三寶好咸，又淋，紅腸果個仲咸到食唔落。車仔麵好好味，牛腩夠淋，蘿蔔夠爽。總結，淨係車仔麵好食

突然想吃車仔麵，上OR找找看，見這間評語不錯，就試試吧。如果是學生，這兒的學生歺很化算。＄25三餸一麵包豆漿。今天只挑了車仔餸，每款＄7最低消費＄25起。點了蘿蔔、牛腩、豬皮、大腸。外賣等了也好一會，而落單的阿姨也不太友善。打開外賣一看，食慾當堂跑走一半⋯⋯豬皮像發水一般，軟汃汃浸在湯中，以為黃黃的是咖喱味，但又不是，咬下去淋得像浸了水的麵包。大腸清潔得不夠乾淨，又不夠淋。蘿蔔則夠甜，有一兩件有少渣。牛腩算是最好，不黏牙不過味道未算入味，而且只得三、四件細份量的，應該是成本高吧，這就不怪小店，因為牛肉越來越貴。馬鞍山何時才有一間令人想再光顧的車仔麵店呢？

They served the best beef noodles the first time that I went there. The beef was soft and savory. The soup base was really soup, not just some MSG and soy sauce in water mixture. The noodles were handmade in the shop and had a "spring" in it. It was not al dente nor soggy, but had a resilience only freshly made noodles could have. The second time I went there, the beef was chewy and not so good. It turns out you have to ask for the good beef. Be sure to say, "shong nam meen" (beef noodles), "ho

仲有一個月, 就住左馬鞍山20年......由細住到大, 細細個係富輝商場學畫畫,每次學完搭扶手電梯落樓下都會食下炸燒賣, 細細個老闆會邊剪牛腩邊同我傾下計.... 直到一次見到人食煎釀三寶......就嗌黎試下...嗌完見到袋入面既茄子同青椒呆左一呆....我唔食茄子又唔食青椒但由於唔好意思掉左佢, 就試下擺落口....同出面煎釀三寶不同的是, 出面多大店舖都係一早炸好擺係度,你要就夾俾你, 會有d翻炸, 而呢度, 係你叫完, 睇住佢搽上魚肉~再擺落炸爐炸......剛炸好的茄子皮脆, 青椒亦炸得透徹, 咬落軟綿綿, 從此我就愛上左茄子同青椒呢兩樣食物之後冇再學畫畫, 好幾年冇再去, 或者一年只會去2-3次,近年突然又懷念返呢間鋪, 成日去食......每次都會諗返細個, 雖然過左幾年老闆已經唔認得我最近愛吃炸大腸, 在太子上學, 那裡有出名小食店, 臭豆腐我欣賞, 但炸大腸, 我還是喜歡馬鞍山這間愛炸大腸的皮脆, 出面的炸大腸又圓又大, 這裡的很多時皮比較多所以我鍾意呢度....炸大腸大多店舖亦是一早炸好, 你要, 佢會剪一塊塊用竹籤串起, 翻炸俾你, 或就咁俾你......呢度全

飲完茶，按老人家的意思送了BB去其太婆家玩耍，而我們就利用了這一個空檔的時間，去看電影。從定出來馬鞍山市中心時，在路邊常常看到的一家麵店，說了自已的牛什牛腩靚。而機會不是時常有的，是日抓緊了機會，我把車子開回家後再出來，會合太太之前，偷偷的，跑來這個天河食坊，先吃。畢竟之前飲茶，我是沒有吃飽的。原先以為此店會是一間普通的麵店，但入到來才發現此店主打的，竟然是車仔麵同煎釀三寶等小食。幸好，招牌的牛腩牛什依然是有的。為食了，我就一口氣食晒你們的牛什同牛腩吧。腩什麵，大大碗的份量十足，價錢也滿足，牛腩同牛什都鋪滿碗。牛什，味道充足，而且十分之腍同香口，相信炆了有一大整天，咬落啖啖的濃香腩汁什汁，五香味全，尤其是牛肚，咬出來是一絲絲的撕開，濃味的汁滲透了每一個角落，非常之入味。牛腩，肥瘦適中，甚至坑腩、爽腩、崩沙腩我完全不懂得去分，總之入味，咬得出濃濃郁郁，五香味十足的牛腩肉汁，肉質帶點爽口，能一絲絲咬開而不韌，這就是我所認知的好牛腩。然而，這裡的牛腩，就合乎哂我以上的要求。好味的牛腩麵店，如果你單是來吃車仔麵同拮小食......你就錯過了好野食。

馬鞍山一向無啖好食, 好彩都有間唔錯既車仔麵, 有時午餐唔知食咩, 都會落街幫襯下...我叫左冬菇, 牛肚, 豬紅, 雞翼油麵 + 麻辣汁 冬菇爽, 牛肚同埋豬紅都煮得好入味, 雞翼炸過, 可以連皮食 油麵煮得剛好, 唔會過"淋". 麻辣汁加左好食好多, 雖然唔太辣, 但反而清清地唔會蓋過車仔麵本身既味道~另外佢既煎釀3寶都好掂, 即叫即煎, 黎到熱辣辣真係加哂分...而且個豉油好食...加埋一絕...提提大家由於即叫即煎, 確係需時....食完碗車仔麵煎釀3寶先能送上架....細細既舖位, 小本經營.....不過客人多...店員都忙過不停~有時叫野食都要耐心等候架

車仔面周圍都係,呢間亦沒什麼特別今次主要介紹天河食坊既 小麻辣水餃米線, 呢樣佢地做得十分出色!! 我每一次必叫!! 水餃皮薄, 內面好味, 很有在家自己包既味道!米線亦比出面幼身小小, 口感好好, 我唔係食得好辣, 但係唔辣又無咁正,所以我叫小麻辣就最好喇 我叫咁多次佢都係即刻包,所以真係要等耐小小,不過值得既 ^^另外炞大腸都好好食, 炞到脆加埋梅醬真係好得!!

好味車仔麵，真的賣少见少，這一間較出色。每次也是例牌=3餸麵+支装汽水+炸大腸豬紅、豬腸、豬皮加粗麵 - 豬紅不易散豬腸入味，有少少咬口豬皮並不会過淋，水準穩定牛腩、蘿蔔、尤魚加幼麵 -牛腩仍是磞砂腩，今次過瘦蘿蔔入味冇渣尤魚冇鹼水味炸大腸..先炸...切開串起再炸，不太乾，很香口，再加酸甜汁...必吃牛雜...五香味超濃...8元一串...低我不再吃的食物，不是難吃，只是不合我口味- 燒賣不論蒸或炸，過淋...但很多人吃- 魚旦都是過淋...不太多人叫- 酸辣翼尖...雪得太久車仔麵餸少咗好多...樣樣都加價，唯有減份量保持原價共76元

之前想來吃, 但太多人, 今日就來試試吧~左邊是炸大腸, 右邊是炸燒賣~炸大腸: 超超超脆, 但好似冇哂大腸的羶味~炸燒賣: 外脆內軟, 但唔點任何汁, 冇味~下次想來吃車仔麵~

平時同班fd踢完波,一定會黎呢間野度食個車仔麵跟住再叫個炸燒賣.佢呢度既車仔麵同其他地方吾同,平時食開既車仔麵會好lum身但系呢度既車仔麵真系好爽口彈牙,d汁又濃.吾系講笑,我次次都食2碗車仔麵先走.d炸燒賣就仲正,外脆內軟.加埋d醬真系食到停吾到口呀.咬落去既時候d醬同個燒賣完全混埋一體.果一下真系心跳加速,每分鐘應該跳成千下.果種感覺就好似玩信長既時候你就黎無血點知呀市行埋黎幫你大左咁!又或者你見到前面iphone 4減價賣$2000蚊但點知你得$1999,跟住再系地下汁到一蚊咁!如果真系要我形容,除左完美呢個詞語我真系諗吾到第二個詞語.仲有其中一個吸引我地黎既原因就系呢度既員工真系好熱情.次次黎到落order佢就會望住你笑,真系有一種春風化雨既感覺每次都系個女仔行埋黎幫我地寫野,我班fd話佢似蛇c慢xd佢服務態度真系好好,我有個肥佬fd成日都食勁多野,但最pk就系條友次次都分開成十次黎叫.搞到要人系咁埋黎幫佢落order.個女仔不但無西,仲永遠保持笑容,呢d咪叫專業咯,我幾想行埋去同個老細講加番三五千蚊人工比佢呀.同埋個女仔同我地講話其實呢度最出名既系牛雜.本來我地都吾信,心諗,

我男友就黎過N次,我就黎過幾次,不過之前冇影相,今次要影返,hahaha....炸燒賣(配蜜糖漿)、炸魚蛋(配甜鼓油)、炸大腸(配酸梅漿)都是即叫即炸,新鮮熱辣好味道,今次試埋生菜魚肉、豬扒三交治和老闆娘請我地食既酸辣鳳爪(可加麻辣)

食襯對面間雲南米線都會幫襯埋對天河的炸燒賣同炸大腸..^^今次都唔例外叫左炸燒賣同炸大腸過對面米線舖食..炸燒賣($6) & 炸大腸($7): 即叫即炸, 呢間唔會就甘炸完就俾你~ 佢地會加埋蜜糖, 好好食~ 燒賣炸到漲卜卜, 好脆, 燒賣6蚊有5粒, 炸大腸都有7舊..OK啦~