Video
Telephone
26963345
Opening Hours
Today
09:00 - 22:00
Mon - Sun
09:00 - 22:00
Above information is for reference only. Please check details with the restaurant.
12月去咗兩次天賜，竟然都係齋期（上次係十五及昨晚係初一）🥳🥳🥳昨晚除夕夜，又係初一，例牌全店爆滿。我同老公7點零到達，等咗十分鐘就可以入座，當然要搭枱（已經習慣咗）昨晚點了咸魚雞粒炒飯，xo 醬蜜糖豆炒雲耳花枝，一碟細齋，再嚟一盅名廚燉湯，好豐盛啊（唔記得影全家福添）最近嚟多咗天賜食飯，事關有泊車優惠，又可以去超市入貨咁就發現天賜嘅食物質素及水準年輕化咗，非常開心現在的炒粉炒麵炒飯等等，明顯好乾身少油少茨。大喜訊呀我哋唔使就住就住啦老闆介紹咗蜜糖豆，好吖就落單。在不知道什麼小菜的前提下，有驚喜啊，xo醬好刺激味蕾 又好夾飯，真係好介紹最讚嘅係個燉湯，材料滿晒，原汁原味，清甜到入心，老公好少會自動飲湯都會添湯，可想而知幾好味 齋鹵味係鎮店之寶，不容錯過老闆們及同事們都年輕化咗，見唔到㕑師就唔知道喇，服務態度越嚟越好，大家好有默契，見到佢哋做得好開心
continue reading
今日同朋友去左間係沙田區多年的素食館，不得不分享❤️菜式總是熱辣辣、散發著誘人的鑊氣，令人垂涎欲滴🤤🤤🤤📍燉湯⭐️⭐️⭐️📍家鄉炒米粉⭐️⭐️⭐️⭐️📍叉燒⭐️⭐️⭐️⭐️📍蜜椒薯仔牛蒡⭐️⭐️⭐️⭐️⭐️📍酥炸猴頭菇⭐️⭐️⭐️⭐️📍炸芋魚⭐️⭐️⭐️⭐️特別推薦的是他們的「雞卷」和「合桃露」🤩🤩「雞卷」結合了素食的創意和傳統風味，給人留下深刻印象。而「合桃露」則口感細滑，加入了一些合桃碎，整個甜點口感更加豐富有層次❤️據店家表示，每天佢地都以新鮮的食材親手製作所有的菜品，這顯示店家對品質和客人體驗的高度重視。而且，這裡的價格相當經濟實惠，人均消費$100左右，感到物超所值👍🏻👍🏻👍🏻總之，天賜素齋是一家值得一試的素食餐廳。無論你是素食者還是對素食有興趣的人，都能在這裡找到令人滿意的美食❤️❤️😘😘
continue reading
今日同屋企人去咗食齋，去咗間齋舖。呢間齋舖嘅裝修好有特色，用咗好多木嚟做裝飾，感覺好清幽。我哋叫咗個四寶齋，有芋頭、素叉燒同咖喱齋 (麵筋)。四寶齋嘅份量好足，啲料都好多。芋頭好粉，好香芋頭味。我鍾意將芋頭撈埋啲汁嚟食，咁樣會更加有味道。 芋頭好粉入口即溶，所以覺得呢碗四寶扎嘅芋頭做得好好。咖喱齋 (麵筋) 嘅咖喱汁好惹味，唔會太辣。麵筋好吸汁，食落好有口感。素叉燒好有咬口，唔會太腍。素叉燒嘅味道都唔錯，有啲似真嘅叉燒，口感都幾好，唔會太硬。
continue reading
咁岩今日一個人就比較得閒，又想食清d，就嚟咗呢間素店名叫做 天賜素齋。睇落呢間餐廳環境清幽，好適合一個人嚟食飯。話不多說，我就叫咗個羅漢齋炒麵，發現呢度提供既份量都算係好大，用料十足。啲麵條炒得好乾身，唔會太油膩。啲配料都好新鮮，有菇、有菜、有豆腐，仲有素雞。味道方面，我覺得都幾好同好有新意，可能平時既我少食素啦，口感唔會寡，同有真肉既經驗係各有千秋既。飲茶方面，我仲叫咗杯香片，慢慢飲，細味茶香。整體餐廳幾唔錯，價錢都合理。
continue reading
今日同屋企人去咗一間齋菜館食飯。我本身唔係好鍾意食齋，但係屋企人話呢間齋菜館好食，所以就嚟試吓。我叫咗個素枝竹班腩煲。個煲細細煲，但係都夠熱辣辣。個芡唔會太杰，食落唔會太滯。除咗枝竹同班腩之外，仲有菜心墊底，咁就唔會黐底。班腩係用齋鰻魚整嘅。齋鰻魚嘅口感同真嘅班腩好似，但係味道就差啲。整體OK。另仲叫咗個酥炸素生蠔。估唔到咁好食，仲好食過真嘅生蠔！個炸漿又夠熱又夠脆，中間嘅「蠔」個口感好得意，冇乜纖維，又唔係爽口嗰種，好難形容，但係好好食。連同枱嗰個婆婆都問佢啲女我哋食緊乜，睇落佢都好想食。
continue reading
You may be interested in