Video
Payment Methods
Above information is for reference only. Please check details with the restaurant.
9-4-2023 (Sun) 晏晝,我哋一行四人行去海心公園,經過呢間餅店,見到有$4.00一個嘅皮蛋酥,因為好耐冇食,所以就買嚟食,老公買咗兩個,同一個$13.00嘅芒果果子,而我見到有爸爸鍾意食嘅芝麻餅,就買一件,合共$25.00.我哋去到海心公園,就每人食半個皮蛋酥,掰開睇,九成係唔係蓮蓉嘅唔知咩蓉,皮蛋得嗰一啲仔,食落,嗰粒皮蛋硬實,唔知咩蓉又淡,可能係綠豆蓉,呢個好搵笨.味道:0.3分 我哋返到屋企,就食芒果果子,切開睇,裡而有蛋糕同芒果蓉同忌廉,食落,糯米皮軟棉棉,餡料香甜,蛋糕亦鬆軟,不過如果忌廉減返少少甜就好啲.同皮蛋酥比簡直差天共地.味道:4.5分至於芝麻餅,擺到12-4-2023 (Wed)我放工返到屋企後,已經被爸爸食晒,所以我冇試到.抵食係 2.5分
continue reading
今日冇咩做，行咗去九龍城睇吓有冇一啲老字號舖頭睇吓有咩食，行過見到呢間餅店，外表比較老字號，就試吓佢啲包點，整體唔錯牛油牛油皮蛋撻，牛油皮做得幾香、鬆脆、己有牛油味，但蛋香就唔太夠蜂蜜蛋糕，雖然好似黑蚊蚊咁，但係好友蜜糖味，質感好濕潤有彈性，好重蜜糖味，真材實料，都只係收你$7雞👍🏻
continue reading
剛好行過這面包店，走進去買半磅方包(4塊裝)作明日早餐， 沒有標價錢，以為同一般面包店一樣，都係賣幾蚊(因為見店舖裝修係好舊式那種)， 到比左20蚊個女店員找時，佢找番9蚊比我， 咁我問個女士我只係買4塊喎 ， 11蚊嗎？ 佢話係! 咁我見已比左錢就算啦！ 個心都喺度想，如果買1磅咪22蚊? 點知出到來越諗諗覺可疑，我就叫老公入去問買1磅方包幾錢，佢話11蚊，咁我老公問佢點解我老婆買4塊你收11蚊? 佢話你老婆蠢囉，夜晚減價，所以1磅賣半磅價錢，佢自己冇攞到1磅裝! 我頂! 首先，佢根本冇寫到價錢， 第二， 如果我問佢4塊11蚊時，點解佢唔同我講1磅都係11蚊? 各位買開面包都知，呢D咁嘅民生面包店，一般半磅裝嘅面包都係5-8蚊包， 佢仲要話佢係夜晚散貨平賣一磅裝，咁半磅裝冇平的話，正常人都會買1磅裝啦！ 鋪頭擺明騙人! 仲要話我蠢 真冇諗過咁嘅店鋪都咁唔老實!
continue reading