Video
3-min walk from Exit D, Long Ping MTR Station
continue reading
Telephone
67443331
Opening Hours
Today
10:00 - 23:00
Mon - Sun
10:00 - 23:00
Above information is for reference only. Please check details with the restaurant.
元朗呢間「好到底」，真係由細聽到大嘅老字號！鋪頭細細，長期有人龍等位，為咩？咪就係為咗佢哋碗招牌蝦子撈麵囉！講真，試過一次你就明點解咁多人推介，絕對係鎮店之寶，嚟到唔食真係走寶！首先，個麵底已經贏晒！正宗竹昇麵，師傅日日人手打，啲麵條幼細又爽脆到「索索」聲，咬落去超級彈牙，個口感真係冇得頂，同啲機打麵完全兩回事。重點嚟喇——上面鋪到滿滿嘅金黃色蝦子！一上枱，個蝦子香已經撲鼻，咸香鮮味到不得了，啲蝦子多到好似唔使錢咁，撈勻之後每條麵都沾滿晒，食落口「卜卜脆」，鮮味爆燈！靈魂所在仲有佢哋秘製嘅豬油同豉油！加少少落去撈麵，嗰陣懷舊嘅豬油香即刻昇華晒成碗麵，香到暈！豉油帶少少甜，唔會死咸，同蝦子嘅鮮味夾到絕。食嘅時候記住要撈得夠勻，等每條麵都吸晒啲精華呀！雖然係撈麵，但個麵底做得好好，完全唔會「黐埋一舊舊」或者過淋，由頭到尾都保持住爽彈。份量睇落唔算好大碟，但勝在夠精，食完係滿足嘅！有咁高質嘅傳統手功麵，仲要係元朗老字號，真心抵食。環境就係典型舊式粉麵店格局，坐得迫少少，但為咗碗咁正嘅蝦子撈麵，絕對值得！總結： 嚟「好到底」，水餃雲吞可以下次試，但碗蝦子撈麵真係必食首選！蝦子多到誇張，竹昇麵爽脆無敵，加埋豬油香，係令人食完會掛住嘅傳統好味。專登入元朗食都值！
continue reading
較早前見電視介紹雲吞皮糖水同雲吞麵, 有d好奇想去試下, 但本身我自己對麵印象麻麻, 外面食開一定勁多鹼水😲, 所以都唔會㨂食麵😆 但見好多食評話幾好吃, 而且唔會有鹼水, 所以今日就過来試一下😅, 去到都接近下午4点, 所以人客不多, 比安排坐卡位, 好舒服, 見好多熟客戶😁👍望下餐牌先, 又想食雲吞又想食水餃, 最後叫左一個雲吞水餃麵, 另外見一杯飲品收12元, 一d都唔貴👍, 叫左一杯紅棗豆漿, 感覺好養生, 無熱, 得凍和常溫😂, 最後要左杯常溫, 叫麵加野飲, 只需要10元, 隔一陣飲品送到, 都唔細杯, 而且感覺好濃, 先試一啖😘有驚喜, 唔甜勁好飲💯, 再等左一陣先送上湯麵, 唔係出面敢貪快, 已經煮定晒, 你叫再翻煮😂真係即叫即煮, 慢工出細貨😄🤩, 真係對自己的出品有要求👍家陣真係好少有, 飲啖湯先, 清甜好飲😀唔係有鹼水有味精個d好渴咸湯底, 夾啖麵食下先, 好爽口彈牙😁真係完全無鹼水味😘唔好以為送來好細碗, 其實夾起都好大個麵🫶食粒雲吞先👍皮薄饀夠多😀d蝦亦好新鮮同爽口, 之後亦食粒水餃, 大大只, 皮薄饀都好豐富, 包左好多木耳, 食落更加爽口😙, 二款都好食, 皮都係無鹼水味🤩, 再之後飲埋杯紅棗豆漿, 入面好多紅棗渣👍👍真係超好飲😍食左都唔係好口渴, 有下次😋
continue reading
出到去元朗搵嘢食梗係要搵啲元朗名物 朋友推薦好到底見到店舖係新開，細問原來係家族分支店舖由原班人馬主理餐廳環境坐得好舒服冷氣都好夠坐低睇睇餐牌朋友要咗水餃牛腩伊麵牛腩畀想像中多，食落夠腍， 一件一件肉質不錯伊麵食落完全冇鹼水味，面質爽口，有淡淡的蛋香味朋友見我叫雲吞所以就叫水餃，想知水餃同雲吞的分別雲吞比較多蝦肉， 水餃有些雲耳食落比較爽口 兩樣都好好食我自己雖然唔太鍾意食麵食，但係點都要叫返碗招牌雲吞雲吞皮薄餡靚， 蝦肉爽口雲吞配生菜一絕生菜直接放入湯食好鍾意生菜同蠔油分開， 生菜配濃鬱湯底已經好夠味去好到底點可以唔試下蝦子叫咗一份蝦子蘿蔔呢個配搭好神奇，蘿蔔清甜蝦子有淡淡的鹹香蝦子呢樣食物真係買少見少，好似成為了一種傳統的食物朋友貪心點都要叫炸雲吞同埋蜆蚧鯪魚球好覺得餐廳都好貼心可以每樣叫半份，唔使驚食唔曬， 又可以食多幾款炸雲吞雖然同湯雲吞係同一款，但係食落係兩種特色， 雲吞皮酥脆， 蝦肉彈牙， 已經好耐冇食過蜆介鯪魚球成日都聽今次第一次食好大粒， 質感比想像中實淨同平時普通鯪魚球好唔同，有少少似魚蛋但係更加香口咬開就見到好實淨， 材料十足原來這一個就是蜆介醬 ，有鹹鹹香香少少酒香味， 覺得好特別飲品店員推介紅棗豆漿天氣熱想飲凍，店員話大概是常溫的溫度味道覺得好好飲， 係唔甜好重豆香+紅棗的味道， 係畀想像中好飲好多飲完一杯都想再飲一杯收銀處見到有蝦子同埋豬油的 樽裝可以買返屋企做手信仲有好多麵製品買盒返屋企做手信可以經常回味整體覺得餐廳人情味十足， 可以找返從前舊麵家的感覺
continue reading
好到底水餃雲吞麵今次要介紹一間喺元朗安寧路有一間麵店叫「好到底水餃雲吞麵」，我知道阜財街都有一間「好到底」，呢間新店大少少，坐得好舒服，呢間係佢哋家族第三代老闆開設，承傳爺爺年代配方，味道不變，一樣有自己嘅工場製麵，用心經營，繼續承傳！呢間麵店門口係有一級，輪椅人士要入去食嘅話，就要自備斜板，入到去左右兩邊係卡位，中間有幾張拼埋一齊嘅長枱，店員完全唔介意我輪椅大部，仲話我坐到就得啦，所以係非常歡迎輪椅人士入去食！1.牛腩麵（河粉）$47+凍奶茶$10（10/10）呢碗牛腩河粉入面有2大條牛腩同2大條牛筋，牛腩咬落非常軟淋，牛筋食落好似入口即溶咁淋，勁多骨膠原，河粉好滑，份量又多。只要叫任何一碗麵加$10就可以飲到餐牌上嘅飲品，我揀咗凍奶茶，凍奶茶非常香滑！2.雲吞麵（幼麵）$38+凍鴛鴦$10（9.5/10）呢配雲吞麵個麵底揀咗幼麵，幼麵無鹼水味，雲吞一共有5粒，每粒雲吞都好似乒乓波咁大，入面有好爽口嘅蝦仁同滿滿嘅豬肉，雲吞外皮超滑，真係超正。只要叫任何一碗麵加$10就可以飲到餐牌上嘅飲品，我揀咗凍鴛鴦，呢杯凍鴛鴦比較偏酸少少！3.炸鯪魚球（4粒）$44（9.5/10）呢碟炸鯪魚球一共有4大粒，每一粒鯪魚球都大過乒乓波，咬落小心有少少骨，旁邊仲有蜆芥醬同泰式甜辣醬比你點嚟食，個人鍾意點泰式甜辣醬嚟食！4.細淨水餃$39（10/10）呢碗細淨水餃一共有4舊水餃，每一舊水餃入面有蝦仁、豬肉、木耳絲同冬菇絲，水餃外皮都係好薄，唔係平時出面水餃皮，食落水餃口感好豐富，入面餡料實在太多，太正啦！5.蠔油生菜$22（10/10）呢碟蠔油生菜叫咗少蠔油，生菜好新鮮，咬落有爽脆聲，蠔油係放落生菜側邊，唔似其他餐廳係倒落生菜上面，放落生菜側邊嘅好處就係想點幾多蠔油都得，好細心！2人總共價錢$210個人口味總評分：9.8/10 @hototainoodles @taichan.com.hk 地址：元朗安寧路67號福安樓地舖Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#好到底水餃雲吞麵 #水餃麵 #雲吞麵 #牛腩麵 #香港美食 #元朗美食 #元朗好去處 #hkig #hkboy #hkkol #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
continue reading
一場嚟到元朗，梗係要試吓啲經典野 😋星期六嚟到真係座無虛席，要等一陣先至有位。蝦子撈麵滿滿嘅蝦子鋪喺面，真係好慷慨！每一條麵都沾滿咗蝦子，成口都係蝦子嘅鹹香味 😋水餃牛腩麵嘅牛腩唔黐牙～而且煮得好腍，水餃入邊有鮮蝦，豬肉同埋木耳，食落爽口彈牙。雲吞喺舖頭嘅招牌，雲吞雖然皮薄，但係唔容易爛，一口咬入去食到鮮蝦嘅彈牙 ～ $38食到手工雲吞絕對性價比高。炸鯪魚球配埋蜆蚧醬，不過我都係鍾意點泰式辣醬多啲 😆 鯪魚肉非常之彈牙，成餐飯不停都係俾食物彈牙 😂 炸雲吞好脆，早知叫四粒 😂雲吞皮糖水，真係從來都未試過😂 我諗入邊係加咗冰糖，雲吞皮唔係煲爛嗰種。本身以為係會有少少似腐竹，其實食落有少少似冰糖雪耳糖水嘅口感。最後買咗兩盒蝦子麵返九龍做手信~
continue reading