好味王 (Closed)

豪裝茶記格局,打開門口,原來人人打邊爐,如果唔係有朋友帶路,小弟並不知道在觀塘工廠區,也有如此新派火窩店.枉有Plasma電視在陣,周末夜晚,應該播足球賽事.途中路過其中一間有英超播的茶記,窗外望見轉播北倫敦打比大戰,熱刺入波,有人歡喜若狂.豬骨煲湯底,材料沒有如有骨氣般多,蘿蔔有渣,麻麻.豬骨,照吮,幾好.粟米爽甜,就是如此.$28一窩,意料中事.打邊爐用蟹作配料,聞所未聞.小試牛刀叫一隻試試,效果麻麻.五個人送一碟手切肥牛,再點"五星級"肥牛,老實講,我吃不出任何分別,雖然在外觀上,有所差別.話須如此,也是吃完一碟又一碟,打邊爐,好像已與牛肉形成一體.明知邊爐局未必吃得飽,所以想點一些澱粉質下肚,鳳爪排骨飯,以瓦煲盛之,細細煲,得兩粒排骨同兩條鳳爪,攝牙罅都唔夠.仲話要一煲飯三個人分?再點上其他材料如豬肉,蝦丸,等等,相安無事,不過一去到豬粉腸,就出事,友人吃著豬粉腸,突然大叫一聲.在豬粉腸內,發現有條鐵線.即刻召經理來,經理見我拿住部350D,左影右影,自然不敢苔慢,連番道歉,最後以免費請我們吃這一餐作了結.鐵線下肚,可大可小,幸好友人只是咬,不是吞,決定不再追究,否則告上食環處

昨晚同朋友到此,總括而言,待應比較木口木面,加茶時彈到周圍都係,彈到我隻手同件衫,毫無表情地講對唔住,好彩啲水唔熱;食物方面推介骨腩,水餃(不過一些有大量蝦肉,一些一點蝦肉都沒有)及豬腰潤,因贈送之肥牛不是太好吃(太瘦),而朋友喜歡吃肥牛,故另點一碟四星肥牛,但都比較瘦,沙爹湯底愈滾愈咸,食食下仲發現有蚊滋周圍飛,總而言之,食物水準不過不失,員工工作表現尚待改善。

應足有一整年沒有幫襯了，今次來吃的粥較以往有睇頭，就是當煲仔上檯時，整個粥面還有沸騰之氣泡翻滾著，樸樸之聲此起彼落，滾得如此厲害實算少見，為安全計，都是保持距離較好。說回此碗粥，比較好的是魚肉，幾有鯇魚香的味道，但那煲粥就很寡，完全沒有粥香味之餘也乏味，所以今趟多了一小碟味菜來伴著吃。

話説星期六果日約左D舊同事食LUNCH, 因為近公司既關係,所以去左好味王食LUNCH.咁我地ORDER左野食,其中一個舊同事就叫左柑桔蜜啦~~過左一陣個WAITER就送上柑桔蜜,跟住恐怖既時情就發生嘞,其實,我同事係未飲杯野之前已經見到杯中好似有D野, 但係佢以為果D係柑桔既渣,所以就一啖飲左落口,但係0係個口度覺得有D古怪,咁就將果啖柑桔吐返出來....點知果隻原來係"小強".....跟住我地就叫左果D職員講~~點知佢一句唔好意思就收走左杯野....跟住仲扮無事發生,係黎我地話搵經理黎.咁我地見到個waiter走左去同經理講左一陣,個經理就走左唔知去邊(無再出現過)....件事就咁不了了之~~~呢間埋超級唔衛生and唔負責任呀~~~根本無服務可言~~下次大家去食埋都要睇清楚先好呀~~小心我覺得就算味道更好食,但係間埋咁唔衛生係假呀所以我覺得環境,味道,服務,抵食,乾淨都一律係零分呀~~尤其係乾淨,更加係負負分添啦~~

第一次去呢間餐廳打邊爐, 係朋友介紹既~~~ 我地當日book 左位, 約7:00pm 去到! 唔洗等, 即刻有位!　可能係平日既關係！　果日，我地一大圍人，招呼唔錯～～要加茶，一叫即加！有禮貌！　食物方面, 湯底要左蕃茄薯仔豬骨湯底＋梳蘿魚湯底！湯底比較普通，冇乜特別驚喜！　由於，每４人有一碟肥牛送，所以本身冇叫肥牛！～～肥牛質素都ok，以送黎講，已經唔錯了！　其他特別好既～～就叫左：1) 脆鯇骨腩: 佢好新鮮同埋肉質好爽,推介之一2) 筒蠔：１碟４隻～～～但好大隻，好新鮮～～～！3) 俺仔蟹：好新鮮，的膏好多～～特價貨，一碟2隻! 抵叫之選另外，普遍既金菇，蔬菜，丸類都新鮮～～! 仲有，我地一人一碗楊枝金露，比滿記水準差不多，但係平好多啦！值得推介!唯一差就係個魚noodle~~真係好似食來”面”粉咁～～～唔好味！　價錢算係叫平，　我地每人食左$80/per person.　比一般任食已叫抵了! 仲有一樣，　果道唔係好夠冷氣，當日去已經唔係炎夏日子，我都食到汗流浹背！　我要係到比個差佢~~!

昨日第一次放工去呢間餐廳打邊爐, 之前聽講話好多人, 所以早o的去, 可能天氣熱加上平日, 人唔太多第一次既感覺不太好...員工服務態度唔好, 問非所答, 欠缺笑容, 答案又敷衍了事, o個個待應倒茶, 加湯都倒潟水... 食物方面, 湯底要左沙嗲拼咸菜胡椒豬肚湯, 比較咸同重味精~我地共4人去食, 有一碟肥牛, 質素都ok, 其餘叫一o的佢地出名既, 1) 5星牛肉(大): 冇想像中咁好, 冇咩雪花紋, 又冇咩肉味, 冇特別2) 牛托: 切得薄薄, 勝在味道尚算不錯3) 牛坑爪: 同牛坑腩差唔多, 佢介紹要放o係湯到約30分鐘, 煮出來很有肉味同帶油香, 大家都滿意, 不過一碟唔係好多4) 1筒筒蠔: 平時一筒都冇咁少, 未order前問待應, 佢話起碼有半打, 但黎到得5隻, 又唔太大隻, 不過尚算新鮮5) 脆鯇骨腩: 滿意之一, 佢好新鮮同埋肉質好爽!6) 福州魚旦: 質素一般7) 皇帝菜: 不是間間餐廳有這一隻菜!8) 金菇佢既野都幾平同都ok新鮮, 唯我覺得佢o的貴野, 好似海鮮同牛肉就質素一般~

因為見客關係,經過這間餐廳比起其他地舖餐廳裝修最好,於是走入去醫醫肚,和同事各人叫了個下午茶,先講講d服務,舉起手差不多三分鐘都冇人睇到,最後我後面個收銀員先主動幫我地落單,係隔住塊高玻璃,食物方面,叫了五香肉丁炒公仔面,好油,炒得唔好味,比我想像中細碟,另外的干炒牛河,又係好油,但味道比肉丁面好。最後就要講番個裝修,一間在觀塘工廠區開的餐廳,有這樣的裝修,真的不錯,有一邊卡位都有部電視在卡位則邊,卡位的沙發很好坐,卓子好闊，環境都算乾淨。

其實如果論打邊爐…呢間真係唔算係好食!!!一班女仔…食又唔係食得多…逐碟叫係絕對平過任食!!咁去到…多人等位都係預左~~~所以對此毫無怨言!!但入到去~~叫人加茶,冇人應......嗌碟野食都好似入左深谷..冇人黎.....好喇~~咁一次過嗌晒…唔q要你地幫我地落單~~丫..但佢地又係你隔離周圍行，係咁望住你食野~~咁好啦~~叫佢地幫手影張相....個個灑手擰頭~~~~好似拎左佢地條命咁~~埋單就快快手...找錢好似我俾晒做貼士咁~~半個鐘都唔拎返過黎~~我以後都唔會再去呢間!!!!!!!!仲有... 依間野好鬼迫...又嘈.....坐張細台都要好似嗌交咁樣~~打邊爐本身熱氣...仲要咁嗌法...第日喉嚨痛囉唔該!!!

成年冇來打邊爐，最近又來打過2次，一次4個$380，一次2個人$170，一句評語「保持水準」！自製丸類同雲吞依然咁好食，但試過冇話係自製的魚蛋（比較平），果然係一分錢一分貨。其他配料都好似上年一樣，整整齊齊，最緊要就係仍然有手切牛肉送，而服務水準亦都keep到，抵讚。但有一樣差左，就係糖水，舊年叫杏仁茶同合桃露好正，今年就唔掂，好似溝左水，$8一碗就唔多值。

初五個日，一班舊同學約左出黎食飯，有人提意到觀塘打邊爐，但食市地址是在工廠區內，心諗個度夜市都有開?點知一去到真係估唔到間野會咁爆。朋友book左8:30，夠鍾都仲要等多十幾分鐘至有位，因為大枱唔多朋友說如果唔book位都唔知等到幾時。一坐低就即刻點菜，打邊爐肥牛當然不可少啦，佢地既肥牛用星星分級數，越多星就代表d肥牛越靚，當然價錢都會貴d啦，湯底要冬陰功，唔錯！其他食物都好新鮮，不過座位就太迫，我諗人少d可以坐卡位會比較好。喜歡打邊爐的朋友不妨去試下，價錢合理(我地叫啤酒叫得多先要一人$140)，不過真係要早d去，唔係就最好book定枱啦！

星期四, 11月27日2個人黎食黎好味王打邊爐一定要book位, 因為唔book真係要等好奈, 我book 7:30 仲可以講明要卡位有電視, 抵讚雖然2個人,但都嗌左好多野....有牛利托,水餃,芝士腸,唐好,雙拼魚滑,桶蠔同埋鮮冬姑...加埋佢送左一碟三星肥牛..食完真係飽哂...差唔多300元埋單....都ok喎食物維持一貫水準, 過得去, 不過今次要講下d水餃同蠔;d水餃我係第一次食,因為次次都係食雲吞,隻隻都好飽滿, 但有幾隻d 蝦變變地味..蠔就好得意, 得5隻....但全部都好細隻...唔知係味我唔好彩撞中....overall 食得好開心...

今晚跟家人到好美王打邊爐，之前都有去過，around 6:30pm 就會滿座，等位起碼等兩個鐘。牛肉會根據人數送多少碟，食物逐碟計，煲仔飯$9.8 很抵，其餘食物價錢ok 合理，是茶不好，紅茶包都要$7 一包，難道他們不知道紅茶用來沖奶茶嗎？今晚結賬共$273，起碼吃的比平日自助形式抵，或者是我們吃得少。

星期五晚跟家人到好味王打邊爐. 心諗返左工, 工廠區唔會好多人, 但出乎意料, 等位等左近兩個鐘.即場送兩碟肥牛, 叫左兩個煲仔飯, 近廿碟野食. 當中, 牛丸, 蝦丸認真抵食, 又彈牙, 又鮮味.雲吞亦唔錯, 蝦大隻.每人都係80多. 好抵! 值得一試

整體食物品質不俗，唯獨是贈送的肥牛很"鞋"。什果賓治大杯、抵飲。

今晚同朋友兩個女仔食火煱，二人卡座設有電視幾得意。整体食物都okay，價錢也算大眾化。唯一可惜豬潤要同豬腰一拼上，唔食豬腰嘅我地唯有浪費豬腰了。由於全店都無分非吸煙區，差了一點呢!