好味王 (Closed)

牛肉都可以,送果碟係三星,無細碟左,有良心,個汁幾好,但係海鮮唔掂,叫左象拔蚌,無mud味同埋少!建議只係吃牛肉同蔬菜!

的確好大, 但由於大, 叫伙計寫都比較困難, 食種類多, 價錢OK, 又對到正巴士站, 方便, 趁假期特意到觀塘APM 行行之前, 食個下午茶, 正. 但原來唔係所有卡位都有LCD 電視睇, 只限煙區先有, 咁先失敗, 眼見好多細路仔都爭住鐘意呢位, 但你設在煙區, 豈不危害幼童健康? 其他大銀幕電視都幾多, 煲劇食飯唔錯. 卡位經不起年月, 坐到凹晒, 比較差.呢次叫例牌鐘意食四寶丸撈檬, 粉身較乾, 但夠晒辣, 調味配料豐足, 不過會唔夠大胃王食. 另外豬扒飽只係普通貨仔, 扒肉size 同質素只係行貨種. 下次有機再去時, 必定再試火鍋如何.

看上去D牛肉好似好好，食落去完全冇味，如果你對牛肉要求不高，好味王值得一去

三月四日七點半到，等左大約半小時，野食新鮮，好食，服務好好，好有禮貌，其實這類型舖頭唔難做生意，全部生勾勾，只係新鮮就可以。佢送的牛肉好食，反而自己之後再叫的可能唔同種，唔係手切果隻，所以冇咁好食。這間野收兩點，估唔到這一區會有間禁旺場的食店!

今晚剛剛去食完，因為我們六時已經去到，所以唔洗等位就已經有位，但係眼見六時半已經滿座。還有十多人在等位，所以要出食一係就早d 去，一係就等八九點先去。如果唔係會等好耐。d食物好新鮮，尤其是係"手切牛肉"。佢地會俾你個專"點"牛肉的汁你，幾好味。而且個價錢都幾合理，值得推介。

一年四季都可以食火鍋，上星期有機會去試湯底有好多選，不過都係叫左鴛鴦湯底送肥牛唔錯，豬頸肉好爽。食物都算新鮮，款色多，服務唔錯，自動走加水。地方乾淨，裝潢係觀塘算好好。

每人約$100，講真唔算好平，但係食物質素算唔錯，比起一般每位$68自助火鍋好好多。叫左一個蘿蔔粟米豬骨湯鍋，我食慣濃味就覺得比較淡口，不過清清地都唔錯。講下火鍋料方面，食物真係幾新鮮，墨魚丸爽口，雲吞有原隻蝦，蔬菜亦十分整潔，唔會話「爛熔熔」咁。飲品方面，由於唔係自助火鍋，係冇得送，不過價錢合理，一罐汽水收七蚊，一杯西瓜汁收六蚊（約300ml），啤酒十幾蚊一樽。除此之外，食火鍋可用優惠價食煲仔飯（$9.8）同一些小食。服務方面，都算係唔錯架喇，伙計會自動自覺問加唔加水同斟茶，唔同一般自助火鍋扯晒火都冇人show你。衛生方面，可以用喜出望外來形容，可能因為之前諗住響觀塘工廠區唔會太乾淨，不過真係要推翻呢個觀念，裝修唔係金碧輝煌，但係整潔程度可以叫一級了，由於店子樓底高通風不錯，也不覺有煙霧迷漫的情況。

今天下午突然想去打邊爐,又想試新架步,咪上來睇睇有冇好野,睇見好味王評語都唔係好差便去試試....首先Book位時果位小姐都好有禮貌喎!跟住我入到去裡面,發覺個個職員都好忙,冇人主動埋黎招呼我,我咪行埋個著西裝的男職員話我訂了位,他(有禮地)帶我去我個位(張檯真係寫住X先生,令我好開心)!樓低夠高,唔大味唔焗卡位有私人電視(冇想有咁好設備)一坐低又有杯茶(係立頓茶包)^.^"野食唔錯,個桂花蚌幾好食,佢地又送一碟肥牛,都幾大碟又厚身,鴛鴦湯底就比唔上"方榮記"了!淡淡的....加水加湯唔洗叫,侍應好主動傳菜姐姐好有禮(但係放食物時不慎將生肉碰到我的碟和筷子>_<")收尾叫個甜品,芝麻糊6分滑,杰但係冇芝麻香味(唔通頭先食得太濃味?!)椰汁黑糯米2分(叫走椰汁但係都冇埋由乾到好似杰粥,太甜)椰汁西米露8 分(我個friend食的,他說好好味,芋頭切得好有心機,西米夠大粒)我地食完仲睇埋套電視劇先走(我都覺得自己好鬼衰>_<!sorry.....),坐咁耐都冇比人白眼.

等位已經等超過1 小時,D 服務又超級有問題,真係俾錢買難受。各網友有$有時間都唔好呢間餐廳。

星期一夜晚book七點三打邊爐,點知去到都要等成個鐘,最後要成差唔多八點半先有位.真係唔係好高興>＿＜如果我book時候recept講明仲要等又或者叫我book早,咁都無咁嬲,但係又唔講,攪到一行六人要呆等成個鐘,我唸佢要留意~~不過值得一提係呢度真係幾抵食,我六個人可以送兩碟肥牛,再叫個豬骨湯底加十幾碟,埋單每人都係六十蚊~~但豬骨湯底比較淡,無乜味,唔好咁大期望!但火鍋料都幾新鮮,就當打個清清地邊爐^O^

我第一次去座卡位,嘩,好正,每卡都有部15"LCD MON 電視,極滿足倒我呢D電視精,但骨湯底略為無味,D料就幾新鮮及份量唔少,而且服務唔錯,不時自動有人加湯,唔駛叫先加,叫D伙計拿D野,又唔會唔記得,此類餐廳少有這麼欣殷勤服務,但都幾爆場,夜晚工廠區計.

某星期六中午跟朋友去食午飯. 一入到去~ wah~ 地方好大好闊, 叫做裝修得幾光鮮gala, 茶餐廳真係唔錯. 近牆卡位全部有電視播緊張學友演唱會. 每張台都有打邊爐位, 唔知多唔多人食呢?都幾多食物揀, 除一般茶餐廳食物, 燒味, 粥麵, 泰式越式粉麵飲品都有. 我叫左個札肉湯河, 味道其實都唔會點要求, 總之與一般無異. 服務都係咁la, 冇笑容ge茶餐廳伙計. 明明落緊單, 不過我朋友想飲ge野剛剛冇, 佢仲未想到飲乜, 個伙計冇出聲就行左去. 但我都冇期望, 所以算係咁la.

吃過N次魚腩粥($18) , 水準不錯,用沙煲上檯,份量不輕, 最重要的是魚腩夠新鮮, 另有吃過及第粥, 同事也吃過雞粥, 但試過了一次下回也不敢點了. 外賣燒味飯很便宜($13), 但是雪藏貨, 湯粉也不差, 但湯底好像愈來愈味精似的. 另碟頭飯份量不少,地方也算幾乾淨, 在官塘工業區吃飯, 不能苛求好味的了.

今天在官塘食LUNCH,叫了一個豬頸肉粉冬陰功湯底,出奇地好味,辣味十足,買相絕對唔似$18的貨色,加入$8就多杯冰,都幾扺,反而套餐就冇咁扺,$26一個四寶撈麵，但味道非常普通，麵身太乾,唔好食。

話說有一日去開觀塘工作,咁見到有間新野叫做"好味王"好以好好味咁,咪去左試下囉!入到去真係好多人係度等位喎,係等位既其間,我地見到d waiter 個個好以唔願做咁,口黒面黒,吱都唔笑果隻~~真係其怪...好彩唔係等左好耐就有位,跟住我地就落order,但係個waitress好悪咁様同客人落單.都算,咁我地點左幾個餐.唉...但係當個餐到既時候,個waitress好唔小心咁一肘批落我個頭度,跟住我"哎呀"左一聲,個waitress不單連"sorry"都無聲,仲眼超超咁bear住我,然後就走左去喎!我叫左個果好以係d餐,唔記得全名,好似係唔知咩"雲吞撈麵"咁上下啦,雖然坐得唔係幾舒服,但係味道幾好,價錢又ok,合理.不過我諗我以後都唔會再黎呢度囉,完全係因為d waitress/ waiter 服務態度唔得.