Video
Opening Hours
Mon - Sun
11:00 - 02:00
Above information is for reference only. Please check details with the restaurant.
我的主人婆愛上肉骨茶，所以上openrice為佢尋找，去過三間餐廳，佢話最"正"係呢間。再者，發現好回味的其他食品都好好味，烹煮好認真的。黃金蝦球係用新鮮蝦，肉骨茶當歸味好濃厚，真係有料到呀！我地一定會再去的。
continue reading
很難得到深水步返工, 當然不少得到附近吃午餐 原來平時的午餐都不便宜的... 不過這間的午市套餐也聽大堆頭的, 有一碗面, 已碟小食, 還有一倍特飲, 不錯不錯, 不算超值, 也算合理~很普通的食物, 很普通的味道, 是一個在工作天裡午餐的選擇, 假日嘛... 想都不用想! 一定要吃好一點的!!!P.S. 甚麼時候午餐偷偷的從以前的20元左右, 漸漸漲到現在的40元呢???
continue reading
16/03/2010晴天今天我和嘉豪一起放假, 做完facial後同嘉豪去了黃金廣場買隻滑鼠, 不過最後都未買到我的心水, 之後晚上又是我們覓食的時候, 本來我都想去"維記", 不過已經打烊了, 之後我都走了幾個圈, 因為走過的每間店舖都好多食客, 最後我被一個寫上"印尼炒飯"的招牌吸引了我入去食飯進入店內時客人都不少, 店內還有電視可看, 裝修都是比較簡陋, 感到有一種家庭式開的泰越印餐廳, 都是平民化的一間餐廳, 氣氛自然感到relax, 餐廳內食物價錢都好便宜, $29已經有個飯+串燒, 飲品另外加$5,除了一些越式的食物, 港式的食物都有, 例如腸仔煎蛋飯等....食物都好大眾化, 之後我們看到一個$98的二人套餐, 有5款的選擇, 最後我們選擇了它另加$3可以有特飲, 我叫了杯椰汁三色冰, 嘉豪叫了杯檸檬可樂我們叫的二人套餐, 包括有兩碗肉骨茶, 一個白飯&薄餅, 串燒雞肉&串燒豬肉各一串, 鹹魚炒芥蘭&黃金蝦球好快上了我們的飲品,椰汁三色冰的三色jelly是用木薯粉加色素製成, 食落都好煙韌, 椰漿的味道都好香濃幼滑, 甜度剛剛好,不過冰就多了一點兩碗香嘖嘖的肉茶來了, 遠處都聞到濃烈的藥材味, 肉骨茶用了多種的中藥及香料再加上豬肉排骨湯燉成,眼見已有黨参,圓肉,杞子,當歸, 材料方面真是非常有份量足料, 飲落都不會太油膩, 反而帶有好香的肉骨味&帶點少許的苦澀味, 好醇香的藥材味, 味道非常滋味合意套餐內有串燒雞肉&串燒豬肉各一條, 表面看來好乾, 但咬下去時香脆不會好實, 配上充滿花生醬味的沙爹汁都是好有野味, 烤得都幾香口, 但肉質方面不會太嫩滑,也不會太油熱辣辣的黃金蝦球面層沾上了甘香的鹹蛋黃味,入口好香脆,油的份量控制得好, 粉不會太厚身,蝦球是中等size, 咬下去都爽口, 炸得好金黃色鹹魚炒芥蘭冇鹹魚梅香味, 菜又老不新鮮, 而且是芥蘭苗, 不是粗身的芥蘭, 份量又少, 較為失望的一道菜配菜方面, 白飯的水份剛好, 飯粒都好夠乾身, 都好大碗,薄餅可有一碗咖哩汁相配, 薄餅不夠香脆,皮唔係好熱, 應該是之前炸了而放了一陣, 但都好薄身,咖哩汁不是好辣, 不夠咖哩香味,只感少少辣味這裡的服務一般, 食完的碟冇人收, 不過她們都好友善好有禮貌, 笑容可嘉, 食物方面都好經濟實惠, 如果想食平民大眾化的泰越印菜, 這裡都可以一試
continue reading
深水埗福榮街真係一條名符其實嘅食街，唔同國家嘅美食都有，今日我同細妹就去咗一間賣東南亞菜，但亦有一般茶餐廳嘢食的舖頭吃一個二人餐，HK$98嘅內容如下：玉骨茶香茅燒鱸魚馬拉盞炒芥蘭金邊粉，簿餅餐飲（加３元轉珍多冰）＊每位送一件炸蝦餅食後感：玉骨茶：藥材味較淡及成份較稀，易入口，排骨幾「稔」及入味，每碗有一件排骨，當然佢同正統玉骨茶有分別，不過以咁嘅價錢嚟講都算ok金邊粉：味道淡，感覺同普通河粉冇太大分別，可能係用嚟配餸嘅原故簿餅：東南亞式簿餅，要配咖哩進食，不過奇怪在點埋咖哩都唔覺辣（我地都唔食得太辣嘅），不過好在，簿餅唔會太厚身或韌，又有ｄｄ恰到好處嘅燶，而且餅身大細適中，如果唔辣都可以接受嘅朋友就一定收貨香茅燒鱸魚：比較有少少失色，雖然見ｄ香茅塞咗係條魚肚內，但真係唔覺有香茅味，好在條魚都幾滑同幾大條，魚皮上面仲灑咗ｄ鹽，食落都算有ｄ咸香馬拉盞炒芥蘭：炒得好香兼有鑊氣，本來預計呢個餸會較咸，但事實係既夠味而咸淡又適中，唔會炒得過老，ｄ菜葉好嫩而菜莖亦好稔，而且幾大碟，不過，有一點要講嘅係，我地要小辣，但碟餸就整到完全唔辣，覺得有ｄ奇怪（又係辣嘅問題！？）珍多冰：好夠凍，椰汁味幾濃，飲完好舒服，食完熱氣野後飲佢更加good，加上只需加３元就更覺得抵炸蝦餅（送嘅）：細細個咁，外層係麵包糠，配少少酸辣汁，個汁唔錯，蝦味幾夠，蝦餅亦算結實而彈牙，不過就唔脆及唔太香服務態度：ｄ侍應好友善，我地點菜前問一個男侍應ｄ香茅燒鱸魚係點整，佢話佢只係做咗幾日，唔識答，但即刻搵咗個廚師出嚟答我地，之後當條魚上咗枱之後，個廚師又出嚟問我地整成點，咁認真嘅服務態度都算唔話得總括嚟講，我同細妹都認為呢間餐廳嘅菜式雖然有多少缺點，但整體嚟講係ok，係可以再幫襯，再回味同試埋其他菜式
continue reading