好好茶餐廳車仔麵 (Closed)

🍽好好茶餐廳車仔麵鳳爪·牛筋·牛肚·魚皮餃·雲吞·粗麵湯底唔算特別～但偏偏依種唔特別反而幾好～色濃味香👍每樣餸份量亦都唔小～選擇既餸菜亦都唔小～話哂車仔麵🤣🤣盛惠$5x💰💰💰💰💰好味指數🫵 5️⃣最佳🍻🍻🍻🍻☻非專業食評·純個人口味☻🗣️仲有咩想講懷舊車仔麵Feel👍唔敢講好好食～但係附近想整碗車仔麵確係唔錯～坐位唔多都係見有人排隊所以小編都決定要試試～價錢親民幾抵食～5餸1麵飲埋凍飲都唔駛$60😜講真…係好抵食🤡🤣

琴日同我老公去左食呢間車仔麵入到裏面好懷舊，開左好多年既感覺鋪頭數算太大，得4張枱左右應該係做街坊生意比較多一坐低緊係叫牛腩豬腸做個膽先啦😂再叫左紅腸同魷魚一定一定要叫佢個沙嗲汁個豬腸同牛腩好入味紅腸雖然係薄片上，不過都有6,7片再加埋佢個沙嗲汁同個湯撈埋好正😋😋我叫左4個餸都係50蚊份量夠哂多我老公叫7個餸2個麵都係貴我少少😂佢太多餸要分開2碗😂太肚餓了佢地個豬紅同牛肚都好食好入味總括黎講我下次都會再食多次😂😋

今日放假經過見到都幾多街坊入去幫襯雖然門面好似有啲噏耷🙈但即管入去試吓🤣一入去 地方好乾淨老闆同埋嬸嬸都好好人完全係八九十年代嗰種街坊小店感覺🫶🏻睇埋餐牌佢個價錢都係九十年代嘅價位兩餸車仔麵連嘢飲（檸蜜都唔使加錢）只係港幣35大元抱住唔係咁高嘅期望見到碗粉 好大碗吖食落去 好似細個婆婆煮嘅面好懷舊 好窩心 好好食🥰🥰我叫咗蘿蔔魚蛋水餃粗麵仲要蘿蔔魚蛋只計1個餸個個餸都幾高質 一啲唔係垃圾蘿蔔清甜無根魚蛋有魚味且有少少𡁻口水餃唔差，豬肉新鮮足料粗麵感覺到有兩個麵餅咁多最後食唔晒熱檸蜜檸檬也不苦，好好飲懷舊窩心車仔麵小店價錢冇得輸 會再嚟幫襯 支持小店

周六加班，情何以堪。五臓未祭，四野無人。三時收工，兩眼反白。迷迷茫茫，牛頭角站，往九龍灣，一步步行。途經好好，小店經營，標貼聲稱，有水餃麵。兒時回憶，頓上心頭。回過神來，入店點麵。稍等之後，麵是來了，黑色湯底，心中一沉，回頭一看，方知誤會，車仔麵家，自當如此。水餃方面，尚幸廣式；數目四顆，合理之至；可惜大小，雲吞相若；味道如何，不過爾爾。論及麵質，誠可進步，車仔雲吞，兩類麵家，畢竟有別。每碗港幣，二十一元，尚算相宜。

叫左一婉幾餸米粉，當中包括有魚皮餃,咬落味道有種難易形容既怪味，完全無法吞嚥，這樣當然同服務員講，她們的回答就是＂你不想付錢和你吞了落肚，又說妳想騙錢＂，於是我把肚出和一整粒的給回她看，之後她才不禮貌地說唔收妳錢，我回答以不會再光顧貴店，服務員回答𣎴用妳光顧！從未光顧過如此服務員惡劣態度的小店，在這裏留言只想討回一個公道！