好日子皇宴

Open Now

Now Closed

屯門市中心某某火鍋正在裝修，想食火鍋有朋友介紹好日子，$158假期加$10另再加一，計埋總數要$185一位。火鍋湯底好快到，但啲火鍋料要等耐一些。。。手切肥牛夠薄好味，海蝦都夠新鮮，但服務一般，叫咗火鍋料又唔到，叫咗嘅比嘅份量又少，不能暢快咁食。。其他火鍋料較為一般，未能吸引下次再食。。飲品有烏龍茶，芒果汁，柚子汁，啤酒，種類都多。。。

呢間野都幾經典，我兩公婆諗住凍凍地去打個邊爐，又見個價錢可以接受所以咪諗住試下佢啦。其實我都驚太晏多人所以我6點鐘過去拎兩個位，點知等左個幾鐘都係叫左十張飛。其實星期日要等無問題預左，但點解遲我大半個鐘等位既仲要早我3-4個字入得去呢？所謂既reception回應我既態度仲不知所謂：「係咁ga la無辦法，邊個客早過你入去話返俾我知」其實你唔做兩個人生意既可以早d話我知去第二間ma。呢間野唔使旨意我再幫襯😒

趁天氣凍去打個邊爐，6點就去排1-2人位，明明等14張枱，到7點3個字，仲有5張枱先到，係咁安排3-4人枱同大枱入坐，隔離有個識既人遲成半個鍾等位，等左半個鐘都無就入左去坐，問個帶位係咪無2人位，點解等成一個鐘有多都入得幾張1-2人枱，3-4人枱就係咁安排入座，個帶位既好惡咁回應，有2人枱呀，你入左去既朋友係邊個，等位係要一個鐘架啦，係咁睇唔起啲人數少既，唔係做一至二人枱啦，垃圾酒樓，未食過都要寫佢劣評

呢度真係好搞笑，問攞 辣椒油，佢問你食咩要辣椒油呀，我食粉面可以要嗎？佢答我你自己去大排檔果面攞啦，呢d咩服務態度呢？？？😠😠😠同埋個個侍應都黑口黑面，下次絕不會來😡😡

屋企人都特別中意打邊爐，個日就同埋幾個朋友一齊去左屯門呢間火鍋店，晚市既食物都相當多，而且係放題形式，唔洗就住就住。火鍋有幾款中式湯底，岩哂唔同人既口味。除左火鍋配料，呢間店仲提供好多款熟食，可以比大家打定個底先。

今日29/9/2018, 一早卜定一家人去呢間任食火鍋試下，因為呢間之前成日卜唔到，要卜就成個半月前卜定，所以想食都無位，依家就唔同，容易卜左，但唔知點解。呢間野分兩個時段：5:00-7:30 $138 全何時間自選2.5 鐘 $1589:00 後 $138假期，六，日 全部時段都另加$10我卜左7點，所以$168 一位 另收加一食到9:30 就自行出去埋單，否則過時就每位另加$50自己小心 d啦。湯底都有成8 款簡，算唔錯了，我要左鴛鴦湯底：胡椒豬肚湯+沙爹湯， ok咁啦。食物方面都有成40 款，尚算 ok, 有手切肥牛，美國肥牛，手切牛肉，豚肉片，羊肉片，花膠，蝦，魚雲，九肚魚，脆肉鯇片，雞子，豬膶，生腸，水魷魚，牛百葉，炸魚皮，炸響鈴，雞肉腸，芝士腸，雲吞，手打墨魚丸，手打墨魚滑，蟹棒等。。。仲有熟食區有炸雞亦等炸物，蔬菜區有多款瓜菜，飲品區有7.8 款及啤酒，有乳酪雪糕機都算 ok啦。 這餐食到好飽，這價錢都可以接受，品質一般，個人覺得無咩服務，但收野好快好勤力，感覺食物不太乾净，只是 ok吧了。

沒有任何服務質素可言，今日同屋企人去食野，見到你地有位，就拎左4個位，一入到去，無端端抽起左一張櫈，4張變3張，都吾緊要，我想要張嬰兒櫈，問左好多次先拎過來，都吾緊要，但係我想要多張櫈，好聲好氣問，點知你地既服務態度極度惡劣，好大聲而且用呼喝態度回應，甚至嚇親我只有歲半既囡囡。我哋又唔係有過分嘅要求，我哋只係想要多一張櫈比囡囡一齊坐，但竟然要被惡言相向。故此，我要投訴。

今日一家四口去好日子飲茶，點左個北菇燒賣，個賣相核突到似人地食剩嘅肉咁，之後叫職員嚟問佢呢碟係咩？我話我係想要正常啲嘅有皮包住嘅燒賣，知佢唔係黃色皮食開嗰隻，但都唔會係呢碟野囉⋯⋯職員回應時態度麻麻，仲指責我自己劃錯，唔會換野比我🙄重點係呢碟廚餘點放入口😔好，我忍你！仲有就係鮮蝦腐皮卷，其中一件炸到過晒火，黑過黑鮑，個經理答，係咁架啦！！！！！！！成日貪呢度方便喺正屋企樓下嚟飲茶，下次我會去第二間🙄

飲過咁多間茶樓既早茶，呢間好日子算係平靚正中的之一啦😋😋性價比高👍🏻👍🏻流沙包做得出流沙感覺， 仲有好多蛋黃😍鯪魚尖椒，餡多香脆👍🏻雖然裝潢有點舊，但食物質素很高，價錢不貴。 好過很多只有裝潢食物沒有質素的店ni多聲👍🏻👍🏻👍🏻

天寒地凍，我又因節食超過2年無向街食過中式火鍋，趁今日凍去食。星期6 晚上早場5 ~7:30 任食2個半鐘， 一位138. 我同家姐2個加埋1 總共304.本來2人只可包一個湯底，但侍應姐姐好好人，我地2款湯底都無加錢我地要左莞茜湯底同海底椰雞湯火鍋料未來前，我地食左d 炸野。 雞翼較硬， 一般。 但炸蜜瓜奶好好味。 炸蕃薯外皮係咸疍，好香。肉係任叫之外，海鮮都係。海蝦好新鮮同甜。 仲有花膠任叫，啱哂我地女士。無論菜心定油麥菜都好新鮮同甜。仲靚過我自己向街市買的。帆立貝都係任叫架家姐飲左隻韓國來的malt beer, 讚不絕口。 我就飲甘庶水。2個都食到飽到上頸。。。。。

希望食物款式可以增加多一點， 例如韭菜餃， 芫茜餃，本地滑牛， 蜆等，可以的話希望有埋鱔片。 因為呢個價錢同出面荃灣某某火鍋店價錢差不多， 但是別人就多你們很多嘢食， 所以希望款式可以增加多點，另外希望雲吞的餡料可用蝦代替。

好耐冇嚟呢間酒樓飲茶，改名後就來過一次，覺得一般，之後就冇去，最近好像又好了點，所以又來試下，現在下午茶已經不用排隊，就是2pm開始下午茶這樣，幾好呀，不用限制太多。下午茶特價選擇不多，叫左一些特價點心，一些點心紙上的。有燒賣，雞絲粉卷，千層馬拉糕,，燒腩仔瀨粉，煎蝦米腸，本來還有鯪魚球，不過賣晒。雞絲粉卷好細條，粉皮好散好薄，味道也ok的，千層馬拉糕夠大件，夠軟又唔會好甜。好食服務就一般般啦，有漏單。

上月經過屯門時代廣場之際，發現馨居改頭換面成了「喜福」，蘭庭居又改名換姓喚作「好日子皇宴」，合起來就成了「好日子皇宴 喜福海鮮火鍋專門店」，多麼混雜的名字！不過仔細一看也就明白了，原本是走酒樓小菜、粉麵小廚路線的XXXX(名字改過多次，食客也弄糊塗了)，現在兩店合併為晚飯小菜、任食火鍋的酒樓(其實是酒樓或是其他，我也傻傻分不清了)。最先發現這「改變」，是在外賣燒味之時。酒樓侍應說：「又不是一天半日的事，都接近半年了吧！」感覺是侍應已見怪不怪，是食客在大驚少怪而已。其實無論是馨居或是蘭庭居生意一直不差，卻還是不斷地「革新」。不過作為業者總有他的營商考慮，食客只需關心食物的水準就好了。改頭換面後的亮點，就在任食2.5小時，$148的任飲任食火鍋之上。在屯市推任食放題是個正確走向，屯門人對任食火鍋一向需求甚殷，無論是主打日式火鍋的牛一、牛摩，或是主打中式火鍋的稻香、天悅，每到假日總是大排長龍。這天佔三分二的食客都是來吃火鍋放題的，點小菜的食客少之又少。就放題定價而言，在屯門來說不算最平，論規模也不算最大，不過論地理位置卻是完勝了，因為近日也很受食客歡迎。說是「近百款新鮮火鍋配料，滋味小食」，

以前覺得好日子都幾好，後來佢裝修改名已好耐冇黎，今日再黎飲茶，發現有3樣極品，淨係影左2樣，仲有一樣係蘿蔔硬絲酥，其他可以睇相li個係一pat唔知煎左未ge蘿蔔漿li個係煎燶ge魚餅簡直係一絕呀👍

今日係元宵節 當然又有藉口罷煮啦! 一家三口就嚟市中心搵食 行行下見到呢間好日子 17:00入座 任飲任食兩個半鐘 只係$128.00 (另加一) 打邊爐係我嘅最愛 食早啲都無所謂啦! 16:47到達攞飛 17:00輪號碼叫入座生料食物種類都算多 另外又有熟食 (雞翼, 魚餅, 九菜豬紅, 豬手, 蝦多士, 鳳爪, 薑醋......) 仲有乳酪雪糕添先去熟食區搵食 雞翼 同埋蝦多士都好正 好脆此時  湯底已到 order咗胡椒豬肚湯 微辣 濃郁胡椒香味手切肥牛--肥瘦適中  可惜得三塊  都未夠俾百厭仔攝牙隙雲吞--味道唔錯 手打墨丸/豬肉丸夠彈牙 正! 相對鯪魚丸就無咁彈生蝦串/脆鯇片/鯇魚腩/九肚魚夠新鮮花膠夠爽口帆立貝/鵝腸/柏葉/滑牛都ok仲有係炸魚皮 真係好脆最後梗係食埋百厭仔最愛嘅乳酪雪糕啦超級滿足嘅一餐