Video
Opening Hours
Today
07:00 - 22:00
Mon - Sun
07:00 - 22:00
Above information is for reference only. Please check details with the restaurant.
本人今日2024年6月26日下午二時十八分連同三位朋友於此酒樓吃下午茶。由於是下午茶時段入座，所以我們便詢問（扎馬尾的藍衣職員：職員A）提供下午茶點心紙，職員A回應：「沒有下午茶點心紙，用正價紙填左也是下午茶價錢．．．．」我們就照職員A講法入了單。當我們下午三時三十一分預備結單的時候，我們發現單據的銀芽肉絲炒麵下午茶價是$50，但卻收了正價$78。櫃台職員堅持說：「你們是正價紙入，所以收正單價錢．．．」即是與職員A所提供資料的是虛假陳述。我們要求職員A澄清，她卻情緒失控地喝罵我們，態度惡劣並反口說沒有這樣說。後來一班職員介入，其中（金髮藍衣職員：職員B）堅持說下午茶紙於入場時與正價紙一同發給我們，我們把事實說出來：「入場時沒有收過下午茶紙，下完單才有職員把下午茶紙放在枱面，請你們查看CCTV….」職員B卻說我們口同鼻拗要報警處理。我們等候警方到達調停後，警方回應不介入其中，個案只作備案，並勸我們投訴上公司及消費者委員會處理。從未試過有如此不快的用膳。
continue reading
優點：價錢平，有120分時間，有游水蝦，有脆肉鯇，交通方便缺點：環境一般，服務態度差，經常漏單，叫一張單得一半份量上到枱建議黎食要有心理準備，食慣日式放題嘅人唔去好d，會食到一肚氣。叫兩樣冇一樣，叫一樣就直接唔上枱當冇收過單。
continue reading
又係放假飲茶嘅時候，由於阿媽又嚟咗我屋企，所以又同佢去飲茶，佢就鍾意啲比較古老嘅茶樓，可能係回憶嘅一種吧佢特別鍾意食以前舊式嘅糯米包，所以呢間懷舊嘅茶樓就令到佢有滿足嘅感覺咁確實佢嘅糯米包係做得幾唔錯嘅，糯米飯唔太油膩，香口，臘腸都幾多嘅，皮亦做得煙靭鳳爪札之前真係未食過，其實真係好似鴨腳扎，但係就轉咗做鳳爪，份量都幾大，最好食係腐皮，鳳爪亦都做得唔錯，入味同幾爽口。黑椒牛仔骨好濃味，整得唔錯，但係幾肥膩同埋食完好口渴
continue reading
打邊爐小食有驚喜豬手雞腳咸淡適中，有淡淡薑味👍🏼魚皮脆而不咸👍🏼魚、手切牛、滑牛、蝦可以一再encore! 普通肥牛就不了，肥多過牛（底個碟）😅蔬菜櫃擺放整齊，飲品不過不失*7點打後$178+1 ，建議7點前埋單$158+1✨由一坐底，員工同客人係麻雀區已經嘈到拆天，即使打麻雀既客人離開左，聲量依舊高漲，中間一度嘈到頭痛直到兩個鐘走個陣仲痛緊🌚多位員工更加冇戴口罩周圍行 總結： 如果大家接受到邊頭痛邊食 ，都可以一試，食物加分，員工扣分，打和🙂super 🫲🏻🫱🏻
continue reading
今日十一點去，叫左4樣，咸水角，皮蛋肉片粥，炸兩，灌湯餃咸水角，都算有啲暖，唔多油，皮厚餡小，係呢間垃圾茶樓出品黎講算還好。炸兩， 個腸粉皮係幾薄，食落凍冰冰， 我以為係哈根大師新出嘅腸粉味雪條； 貌似開檔捲定，有單拎去叮翻熱都懶。 我終於知個炸兩似咩， 佢似元朗糖水舖嗰啲芒果河粉嗰啲河粉， 佢應該包芒果唔係包油炸鬼成件事就fit曬。皮蛋肉片粥， 你當係街市熟食檔十蚊一碗嘅皮蛋瘦肉粥你就會覺得佢係正常， 起碼佢應該仲有叮熱過。 係上菜嗰個姐姐落勁多胡椒粉🤣🤣灌湯餃， 入邊啲免治豬肉，蝦應用咗好多食粉， 成嚿嘢食落去都唔知食咗啲咩。 師傅可以考慮下向分子料理界發展。咁我同個好肥嘅阿姐講話碟炸兩凍冰冰食唔到可唔可以幫我拎去叮， 佢就應覆我一係取消一係換嘢，廚房好忙唔得閒幫你叮。你地做單唔係咁求其就唔洗換喇。，ok我咪取消佢囉， 我都同佢好清晰好大聲咁重複咗三次呢個係單叫， 冇跟任何套餐呀冇做乜孖寶之類。 佢都係活在自己世界冇聽到我講咩，仲要問我第四次。 去到第四我已經有啲燥，我同佢講已經重複咗第四次啦。 最後我都係要搵第二個 樓面幫我double confirm 多一次有冇取消個炸兩先解決到件事。其實有冇心聽個客講？其實呢間茶樓的點心咁難食，我都諗緊佢係拎大陸嘅急凍貨定係自己整。 就算拎大陸貨應該係再好食啲， 其實佢係咪社區中心嗰啲師奶點心興趣班整出嚟。其實你晚市做到 一星期七日都七折， 食完你早茶嘅質素都知唔會對你晚市有任何期望。 腳踏實地啲做好食物質素好過做折扣。加油丫老闆你要養活好多伙計。
continue reading