好滿足家常菜

Open Now

Now Closed

休閒好舒服 冷氣夠 食物扺食 近期上班在附近 第一次去食 跟住一直來未試過小店形式 價錢實惠 雙餸飯連湯 $35 仲可以慢慢坐車仔面 $25 2個餸加面加野飲下午茶$16有個撈面 加$4野飲最緊要係cill 唔吹你

曾經用心的餐廳，現在愈做愈差，之前去食粟米肉粒飯，個粟米汁明顯蛋白未煮好，跟本就係打隻生雞蛋落去就上碟，我已經盡量撥開粟米汁唔食，只食咗半碟飯就中招腸胃炎，事隔半年再給他們一次機會，今次叫了五香肉丁炒公仔麵，全場都是食兩/三餸飯，只有我一個叫炒公仔麵，但居然漏單，我完全沒有催他們，只係職員見到我還沒有嘢食自動代催㕑房的，足足等了25分鐘終於來到，吃了一口感覺好咸，再吃一口真的感覺超級咸，於是喝了大半杯可樂，但個口依然係好咸，最後放棄了，真的是人吃的嗎？現在完全沒用心去做的垃圾餐廳。

14/02/2014 年初五 出外買食包點超人買啲 總覺太肥 。。。路經 “好滿足家常菜” 新裝修咁🤔又有好多餐牌吸引咗入店幫襯3餸飯+飲品/紫菜湯 $40 好豪蠔士發菜豬手 好味1餸~ 2隻蠔士2件豬手+蘿蔔片2餸~ 梅菜肉餅 媽媽嘅味道3餸~ 茄子 唔肥膩飯分開上 可樂汽水大樽裝倒可以繼續試試其他食物

記起十幾年前有間好抵嘅食店，咁啱下午茶時間，唔知疫情後仲喺唔喺度，所以走去睇睇！不單止仲喺度，而且仲係咁抵，下午茶即炒粉麵飯都係四/五十蚊仲包嘢飲，又有小食下午菜餐，不過我哋都係鍾意車仔麵，兩個餸都係24蚊包飲品，凍飲就唔加錢添，可以用八達通。豬皮，廚師腸，幼麵，沙嗲汁簡簡單單，湯頭清淡，份量可以，24蚊包飲品，真係超級抵牛肚，蘿蔔，粗麵，沙爹汁牛肚唔使加錢，當然唔係金錢肚喇，牛肚好淋，蘿蔔普通算ok，唔係超甜嗰隻，粗麵正常，湯頭清淡，份量足夠！下午茶餐包飲品，凍飲仲唔加錢味道唔係超級好食，但唔算難食，性價比好高，下午茶包飲品都只係24蚊一個，仲想點吖食肆係屬於自助式，自己喺門口counter買飛，交單去水吧取食物，類似快餐店形式，食完離開就可以，有員工執枱的。

繼食完兩餸飯之後，再試埋佢個車仔麵。$24 包麵底, +2款餸，再加餸都係+$4，冷熱飲品+$4。非常之抵食啦...2餸揀咗時菜，蘿蔔。菜心唔係淥，係3餸飯個counter既菜心，係炒得淋咗嘅。蘿蔔無乜味，食得出係比水浸住，但個湯係無味。+$6 㨂多味牛腩(牛腩係$6唔係$4)，有4小件，味道正常。幼麵好食既。唔好高要求，街坊價非常抵食。

呢間餐廳有一段時間無幫襯，強項係兩/三餸飯。現在香港四圍都多咗好多內地人開既兩/三餸飯既店舖，不過呢間已存在多年。味道唔錯既，$35蚊有2餸飯+列湯。好抵食。今日叫咗苦瓜炒蛋，好食，苦呱瓜有苦味，唔會出過水淋晒無苦味。蛋炒得好渦。另一味豬肉釀茄子，茄子過淋變爛，豬肉茄子分離，多油。份糧好多，一個男人食兩餸已夠，白飯都食唔晒。除咗三餸飯，仲有車仔麵叫，即炒碟頭飯/炒粉麵食。

約左老師要18:30上堂所以又要食個快飯依間餐廳應該都開左十幾年以前成日覺得佢無咩生意但估唔到佢做下做下就十幾年好耐之前見佢賣開三餸飯平時晚飯時間見好多人黎食三餸飯可能係舊區啦黎既都係老人家而且通常都係自己一個店入面第一張台放晒好多雜物係度通常都係個老板/老板娘坐係度老板就會整下電器老板娘就會插下花個畫面真係幾"得意"今日個時間見下午茶既炒粉面好抵揚州炒飯加熱檸水都係35蚊味道方面呢真係好家常炒飯既感覺味道就會淡D個炒飯料都算足蝦都有唔少菜量就真係算多野飲方面熱檸水就無咩特別評價啦檸檬片數算夠,水夠熱=P雖然佢話係下午茶但份量真係無話特別縮細所以CP值都算高下次有機會就試下佢出名既三餸飯=]

中年男的浪漫午飯，是豆腐火腩飯；浪漫晚餐是清蒸海鮮(整條上碟)飯。我不明白有甚麼吸引，有的士大佬建議我去這裡，我便試嘗，找出答案。到達時是下午四時半，約仍有十個中男在內，心想未有找錯地方。點了鴨腿湯飯，因為難得是在冬天仍可以吃到。份量很足，是湯碗，即4個飯碗容量，只賣33元，此時段送例湯，價錢無得頂。鮮味不足，果皮份量則足夠。建議減2成份量，增加濃度。如你是習慣吃家常飯一人餐的中男，可以一試，令人有吃住家飯的温暖感覺。

其實幫襯開，食物唔差，價錢合理，但啲員工啲態度好似欠左佢咁，真係唔想再受氣幫襯佢。街坊生意，有傾有講咪好囉，比錢諗住拎散紙等收銀唔洗找，又冇人排隊，又冇野做緊，等1分鐘都冇個收銀就乜都唔講走左去，嫌你慢。咁好啦～佢又唔出聲，只好放低錢，但佢又唔收，再去揀餸，啲阿姐又話未出飛，又質問比左錢未，我話比緊錢收銀行開左，冇人收，仲話返你轉頭:「行開左咁又點?」其實點解唔可以等一等收錢，要咁串?所以唔會再幫襯。長沙灣大把好野食°我唔需要5星級服務，但需要有基本對人嘅禮貌。

今日同朋友去香工買貨，経過呢间餐厅，見到好多人， 朋友說開饭， 我地就行左入去，其實我仲未幾肚饿。 我叫左两餸饭，有梅子鷄翼，鷄翼好香口，梅子汁酸酸地，颇開胃，捞饭最正! 仲有燴雜菜，材料很多，生根、白菜仔、粉丝、紅蘿蔔、香菇等。 有十種以上的選擇，唔寫啦，有兴趣去看看啦。 外加一大碗白饭，一大碗例汤，(不是味精水個D）今时今日，你話要幾多錢呢？ 25蚊！ 我就話比個D大XX、大物物、平好多。早餐、下午茶餐都随時唔得啦！ 如果不是被連鎖快餐店壟断，多D呢D風味不同的選擇，一定是香港人的口福啦。 應該是時候反對吓個D地産霸權，唔系遲早無啖好食. 你地話呢？

自己是長沙灣原居民，看見這間店由最初冷冷清清，到現在午市旺得紅火，可謂見著這店六年來的轉變，從最初運作模式抄海皇粥店，到無啦啦賣過一輪街邊小食，再將兩/三餸飯的菜式餐紙不再張貼出來，以至餐牌上食物經過多次增刪轉變，現在我覺得這店已變成半快餐店/半茶餐廳。近日心血來潮，因鄰近的大家樂已食到厭晒，但又想選擇多多，這半個月午餐多數在這裡解決。這兒的兩/三餸飯餐已很出名，每檯都總有人食緊此套餐，很多時我也第一時間走到水吧處選食物，後才買票，不考慮餐牌那些；自己喜愛的菜式有以下幾款﹕ 忌廉粟米雞粒燴椰菜 - 這個是我送飯之選，一來有菜食，二來有得將粟米雞粒撈飯。 火腿洋蔥炒蛋 - 蛋炒得很好，內外軟滑，洋蔥雖然切得較粗條，但食落爽口，有時仲d蛋仲成餅好厚添﹗ 鮮竹卷 - 這是我近期發現的至愛，先說是蠔汁，調較的味道不會太咸，而腐皮內的是豬肉加上沙葛、雲耳和紅蘿蔔，食落有點爽口。 釀茄子 - 這間的釀茄子是用豬肉做餡，用兩塊茄子夾住，但豉汁卻偏咸，這不要緊，用來送飯吧。套餐只包中湯或汽水，其他飲品就要加4元，以價錢計，可以同時享用幾款菜式，以抵食程度，五粒星，我會俾四粒。

雖然呢間野裝修唔係好靚, 屬一般快餐格局, 但勝在夠平, 夠大碟同幾好食.我同男友都好鍾意黎呢度開餐, 每次都必定帶個食物盒去留番半碟碟頭飯帶飯.最鍾意食佢地既蝦醬燒肉粒炒飯, 夠香口又唔太咸, 只需$21, 凍飲加$4. 呢個時勢仲邊度搵到炒飯係$21架, 佢地既楊州炒飯都係$19咋!!! 隔離附近個d都要成$30啦!!!!! 所以佢地都幾好生意.所以係唔要求太高, 而又對抗通脹既環境下, 呢度已經成為我地既飯堂喇, 希望佢地可以繼續益街坊, 唔好加價啦.

雷雨天的故事：雨灑身上，身既濕，濕多半分重量也不會暴增，步伐依舊。未幾，路西法傳來山東餃子店已遷的玩笑，上帝偶爾也會辦些好事，天賜的一把雨傘將帶到小店。冷與夜，一碗熱粥、一客豉油皇炒麵最是窩心。熱騰騰的白碗正好去去寒意，米已煲透傳來微微米香，沒白果而帶味精，只收三元也沒什麼抱怨；將賣不去的肉絲炒麵底，上色混以椰菜快炒，吃時加點芝麻，成為眼前的炒麵，不香不熱吃得滿口是油，勝在椰菜帶來絲絲口感，白粥意外最健康之物。平淡的一餐，平淡的故事，平淡得難以收筆．．．路西法開的這個玩笑，也真耐人尋味。

探完病，走番落元州街搵食。冇咩胃口，但求找個地方坐得舒服，於是選了這家幾冷清的好滿粥。好奇怪，佢門口的兩個大招牌，一個寫著是好滿足，而另一則是好滿粥。是"足"還是"粥"，究竟老闆自己攪清楚未？Order了粟米肉粒飯、凍檸茶和熱椰汁西米露。不久，飯和檸茶先到，粟米肉粒飯好"傑撻撻"，望到已經知唔妥。果然，飯是太硬，肉粒又韌，總之就係難食。凍檸茶味道唔掂，杯子裡的冰已融得七七八八，感覺就像我當年在英國讀書在那些中式餐館飲的垃圾檸茶，這甚至有過之而無不及。椰汁西米露最後送上，賣相是三樣野之中最好的，不過也是不行。西米露淡淡的，必是加了水，更是大量的水，否則不可能是這樣的味道。各位，如果你對食呢方面並不是好易滿足的話，請不要來好滿粥。