好滿足家常菜

Open Now

Now Closed

記起十幾年前有間好抵嘅食店，咁啱下午茶時間，唔知疫情後仲喺唔喺度，所以走去睇睇！不單止仲喺度，而且仲係咁抵，下午茶即炒粉麵飯都係四/五十蚊仲包嘢飲，又有小食下午菜餐，不過我哋都係鍾意車仔麵，兩個餸都係24蚊包飲品，凍飲就唔加錢添，可以用八達通。豬皮，廚師腸，幼麵，沙嗲汁簡簡單單，湯頭清淡，份量可以，24蚊包飲品，真係超級抵牛肚，蘿蔔，粗麵，沙爹汁牛肚唔使加錢，當然唔係金錢肚喇，牛肚好淋，蘿蔔普通算ok，唔係超甜嗰隻，粗麵正常，湯頭清淡，份量足夠！下午茶餐包飲品，凍飲仲唔加錢味道唔係超級好食，但唔算難食，性價比好高，下午茶包飲品都只係24蚊一個，仲想點吖食肆係屬於自助式，自己喺門口counter買飛，交單去水吧取食物，類似快餐店形式，食完離開就可以，有員工執枱的。