威威美食

Open Now

Now Closed

談起威威美食，最出名莫過於自家制牛肉漢堡包，店主每天手打牛肉，一到晚上，通常漢堡包已售完。自家制牛肉漢堡店舖每月也會免費贈送一種配料，到了五月便是免費加芝士。漢堡包十分巨大，足料牛肉漢堡，醬料今次選擇蜜糖芥末醬，不吃蕃茄的我走蕃茄，但加了煎蛋，吃落去麵包因有烘過，加上外皮配有芝麻粒，很有咬感，漢堡肉汁鎖緊，來到威威美食，首選必試。不吃牛的朋友，可以將牛肉轉為雞扒或豬扒，份量仍舊巨大，薯格也是經常配漢堡包之選。

其實今次經過威威美食是比較意外的,因為事前已經吃過多間黃店的美食和飲品,所以都沒有空間再吃其他小食。然而,看到有非常便宜的即炸薯格,僅僅16元,實在忍不住誘惑而停下來購買。一路都見到有不少街坊買小食,不過都不是薯格,相信只有我一個選擇,就只能夠等15分鐘即炸啦~金橙色的薯格  16元   5/5分又一個滿分的食品,因為價錢本身已經抵,但沒想到份量比KFC的還要多。沒有任何油份,而且非常脆,因此一定會俾滿分~此黃店主打手打牛肉漢堡包,但奈何太飽吃不下,希望下次有機會再來品嚐^^

以前時不時都有黎呢頭吉下魚蛋食，不過真係今日先知原來呢到有間漢堡店，唔係朋友帶我黎食都唔知。呢間野鋪面細細，只做外賣。岩哂啦，而家肺炎肆虐都唔係好想堂食。同朋友一人叫左個牛肉漢堡，好正呀！舊牛好厚，又香。個包脆卜卜有得自己揀醬汁，可以加錢加d配料。我就加左蛋同芝士，隻蛋令到個包即刻juicy好多推薦大家加！醬汁我揀左蜜糖芥末醬，都唔錯呀！朋友話佢試過加牛油果，好好味wor，等我下次都試下。下次黎呢頭一定會再食！

飲食channel 介紹屋企附近有自製漢堡包好正，等我去FC一吓先🤣果然一試難忘，漢堡扒非常厚，而且juicy 得來好香口，材料豐富，醬汁都有幾款選擇，我自行搭配材料，今期仲送多份芝士添，加埋嘢飲都係$36性價比很高

朋友介紹下去左威威買左個漢堡試吓！今次買咗個12月優惠（睇落應該比餐牌上嘅多左塊煙肉，攞左個包大開睇下，嘩$32可以有個咁大咁靚嘅漢堡飽，馬上回家試試！漢堡入面嘅番茄，生菜好新鮮，塊牛肉好厚好juicy，加上蜜糖芥末醬又真係幾好味。整個包所有配料疊起來，真係無法一口咬落去

自製牛肉漢堡（HKD32）+磨菇（HKD4）+芝士（新年優惠免費送）好足料！無論係漢堡定成個漢堡包都好厚，一個人會食到好飽。驚喜嘅係面包烘過，意想不到嘅脆皮同厚肉又juicy嘅漢堡好夾。包嘅醬汁唔多，但食落唔會覺得乾！鋪面細，唔見有堂食位置，如果屋企唔係附近就要坐附近公園慢慢嘆漢堡喇。

朋友介紹呢間既漢堡好好味，之前黎過2 次都買唔到，今日終比我試到。由於我外賣到幾遠既地方食，麵包已經變到微暖。但係都係好好味！！漢堡係好厚好juicy !!! 食到尾d 汁流哂出黎，下次會再幫襯試其他

屯門區紅橋小店一間，舖仔細細無堂食只做外賣。但係問題不大，有時係出面食漢堡確實會食得比較狼狽，外賣買番屋企食仲好。漢堡包係呢度主打，配料醬汁選擇多。今次要左芝士漢堡配蜜糖芥末汁，12月免費送煙肉，$36。個包係有煎過脆脆地，芝士熔熔地混合埋個蜜糖芥末汁令個包非常Juicy，好食! 仲要價錢咁平真係無得輸。另外仲叫左個漢堡墨丸撈麵$34，薯格$16即炸熱辣辣大大份。下次一定要試一試個松露汁同埋什扒飯！

第一次想幫襯時剛遇上小店嘅良心行動，摸左門釘今次終於有機會一試！叫左招牌嘅手打牛肉漢堡，即叫即製。等左大概5分鐘，新鮮熱辣嘅漢堡送上，即刻攞返屋企品嘗！打開紙袋有一股濃濃牛肉味飄出，漢堡有三角紙及紙盒包裝，經過外賣路程仍然外表保持完好！一啖咬落去，麵包好脆，牛肉汁多，生菜蕃茄新鮮，整體配合得好好！以一個$32漢堡嚟講，性價比係超哂標！絕對你會再幫襯！黃色經濟圈，讓我有機會認識更多好味嘅良心小店，希望老闆加油，繼續製作美食比大家！香港人，加油。

即叫即做的漢堡包，正正正😍😍本身想叫牛肉漢堡包，但賣晒，唯有叫豬扒包，味道也不錯，豬扒好多汁，不會太乾身！麵包拱得好脆😍😍菜又好新鮮，配上茄汁加芝士，簡直是絕美的配搭！

依間食店係黃店就不在話下, D野真係好食同抵食。詳情可以係以下網站睇: 叫左手打牛肉漢堡, 夠哂大個夠哂飽. 牛油果醬, 煙肉, 佢重送左芝士。本身個漢堡入面有生菜, 蕃茄 同 酸瓜。塊漢堡肉好厚, 牛味重。牛油果醬就淡左少少. 我好鐘意佢個麵包上面多芝麻, 令到個包咬落好香. 另外叫左份薯格, $16 好大份. 個辣粉味岩岩好, 唔會太辣搶D薯味. 重有店員好有禮會再返黎食

出色既小店漢堡🍔而且仲要係黃店呢！早排仲要派 香港人加油 既襟章tim! 咁重本點可以唔去重重懲罰佢😤-自家製手打牛肉漢堡 $32而家做緊11月優惠😍買漢堡一律送芝士醬汁可以簡茄汁/蜜糖芥末/BBQ/蘋果肉桂+$3 仲有得簡黑松露/牛油果醬一拎到上手就見到啲芝士同啲醬好澎湃😍😍自家製既牛肉好厚！淋得呢又juicy，麵包都係烘過既，食落口好鬆化。加埋啲配料生菜酸瓜同蕃茄，個包厚到我一淡個口都咬唔哂😂😂真係幾抵食！**唔鐘意食牛既都可以轉豬扒/雞扒喔！

自家制手打牛肉漢堡$32，醬汁配茄汁/蜜糖芥末/BBQ/蘋果肉桂❤️如果+$3👉🏻仲可以揀黑松露/牛油果🥑11月份仲可以免費加芝士添，牛肉份量好大而且唔乾身帶有少少juicy😋麵包都都好鬆化，配埋新鮮生菜真係不錯😍下次會試埋其他美食🤗

誠意推薦威威美食的手打牛肉漢堡包🍔 首先依個漢堡比較客製化 有5款醬汁供你配搭 蜜糖芥末,BBQ,黑松露,茄汁同牛油果🥑你喜歡的話更可以混醬 而肉方面 你唔中意牛肉既話 更可以轉雞扒同豬扒 配料更有芝士,煙肉,蛋同蘑菇4個選項 不過每款+$4 但唔加既話都可以 因為個漢堡本身已經有蕃茄同菜 已經有一個傳統的基調 而我今次就試左蜜糖芥末+BBQ+蛋的牛肉漢堡 而漢堡送紙包飲品 所以一個漢堡連飲品都只係$36 味道方面 每吃一口 都聞到濃郁的牛肉香味 由兩塊稍微烘烤過的麵包夾在一起吃時 更突顯出其牛肉鬆軟彈牙的質感 加埋d醬汁 配合得天衣無縫！ 價錢(加一配料)$36 價錢同M記的安格斯牛堡差不多 但佢更勝一籌的是有得客製化 揀你想要既醬汁，配料 再比較樓上的廚匠 一個漢堡配埋薯條 最平的雞堡都要$58 牛堡更要$78 而味道，賣相都係同威威美食一樣 但都同M記一樣 冇得自己揀醬汁果d 而威威美食$36的價錢 就食到$78的質素

很難得虹橋還有很多獨营小店，還未被集團佔據。最近發現起眼的小店漢堡，我覺得比元朗雞地的手作漢堡都要好吃。尤其是面飽非常鬆軟，牛肉有肉汁，很嫰滑，夾着酸瓜、新鮮的番茄和生菜，領到個飽很清爽，有多種漿汁選擇，是自造有調味的，現造現吃, 很味美。已是第二次光顧。老婆批評肉帶根，我同意，但可以接受。小店非常不起眼，價位不是特別便宜, 望多些人欣賞，保持出品水準,否則很容易在虹橋被淘汰，就像他上手的雞店。