嫲嫲辣辣 (福榮街) (Closed)

經常想食辣但又怕辣，今日就嚟挑戰嫲嫲辣辣！呢度午餐非常抵食，套餐都只係$40起，已經包括小菜、白飯同指定飲品。今日同麻辣妹嚟，揀咗食干鍋，鍋底可以揀香辣、麻辣、孜然同唔辣嘅蔥爆，因為又想食辣但又怕辣，所以揀咗要微辣嘅麻辣干鍋，其實都好多辣椒，見到個心都有少少怯，好彩叫咗杯凍豆漿，有咩事都可以即刻救火！不過事實上都只係BB辣，真係BB都食到。配料方面揀咗即炸土豆片，土豆片切得好薄，即炸後食落有少少脆口，好似食緊薯片咁，口感不錯。另外仲揀咗豬頸肉，豬頸肉同平時食開泰式嘅部位好似有少少唔同，不過都幾香口。第三款就揀咗水魷魚，魷魚份量都唔少，最主要係魷魚片，未見有太多魷魚鬚，不過都夠爽口。另外仲揀咗要椰菜回鍋肉客飯，都係配白飯同豆漿。椰菜份量相當多，雖然如此，但係回鍋肉嘅份量都唔少，回鍋肉係切得薄薄嘅腩肉，但食落都冇太多肥膩嘅感覺，配埋白飯真心正！今日挑戰成功，下次可以將辣度升級啦！

#嫲嫲辣辣 #干鍋以前間唔中都會食下嫲嫲辣辣，成碗辣椒個樣好嚇人，夠香但又唔係超辣（可以自己揀辣度）🥘我哋叫左麻辣中辣牛柏葉金錢肚午餐肉東風螺水魷魚炸土豆片每樣餸既份量都唔少，我個人覺得午餐肉係最好食既！下次可以叫埋薯粉同埋唔炸既土豆條😊🌶雖然我哋叫中辣，但係都唔太辣同唔太麻🤔 唔知係咁岩師傅落得輕手定點....Overall黎講都唔錯既，除左干鍋都可以叫小炒小食果d*🏷 嫲嫲辣辣📪 深水埗福榮街105號

🌶專門食川菜，座位都幾多個，尖沙咀亦有分店。💰川菜嚟講價錢唔算貴，一個午市套餐$40起。.🔸干鍋客飯($69)分數: (7/10)自選鍋底，三款配菜，有飯，有飲品送。揀左肥腸，魷魚鬚，秋葵。肥腸有啲偏乾身薄身，有啲就幾肥美，魷魚鬚咬落爽口，秋葵煮得夠稔，又夠入味。干鍋煮得好惹味，麻麻辣辣，好好送飯。另外，揀左杯凍豆漿，唔會太甜。😄.💈深水埗福榮街105號地下💈尖沙咀厚福街9號地下J1號舖

食辣令人享受和媽媽撐枱腳，記得開始食辣係由呀媽帶路😂愈食愈辣，愈食愈多，煮親麵食親乜嘢都鍾意落辣椒🌶️晏就就同佢去食下辣野挑戰和享受下！午餐幾抵食，每個餐都配飯和飲品。.麻辣干鍋 $69 😋😋😋😋選了鯛魚片、金錢牛腱、萵筍，辣椒好足料！！！炒到入晒味，微辣都不錯！辣得黎唔會好辛苦！萵筍好爽脆，正！.什菌炒牛肉 $54 😋😋😋😋叫番個唔辣中和下，牛肉唔黐牙，木耳爽，醬汁夠味。.@mamaspicyspicy

行開深水埗，周圍好多好野食。我地又鐘意食辣，又見價錢唔貴，就行左入去嫲嫲辣辣。 入到去見到碟叫做麻辣肥腸吸引左， 睇番餐牌，寫話必試。我地果然無叫錯，肥腸好脆卜卜，好香，但食完好有內疚感，因為應該好高膽固醇。另外我地就叫左兩碟普通的餸：手拍小青瓜及麻辣粉皮。 味道都是正常的，但都是偏辣，對我（無辣不歡）黎講 我最鐘意啦 。

以上左邊是麻婆豆腐。右邊兩個火辣辣的就是麻辣乾鍋。午餐套餐的乾鍋，十分划算，我必點。有一段時間，我很喜歡吃，而且我只吃午餐，因為晚餐似乎沒那麼划算，當然我不知道是否晚餐分量會否比較多？？很多時候，吃剩很多辣椒。我都會有衝動想打包回去，但是我又會想，這麼多的辣椒，廚房是否會重複利用呢？是否會重複翻炒這些辣椒呢？想到這裡，我總是會打消想把辣椒打包的念頭。這個乾鍋好吃到，有段時間我會想自己做乾鍋，放上自己喜歡的材料，蓮藕、萵苣…想起已經流口水了

通常鍾意食辣嘅人都會鍾意食川菜，我都唔例外，特別鍾意食麻辣干鍋。今日lunch去左嫲嫲辣辣食麻辣干鍋。$69有得揀麻辣、香辣，孜然或者蔥爆（唔辣）。仲有得揀三個餸，揀肉或者菜都得。包埋一碗白飯同埋一罐汽水/一杯豆漿。香辣干鍋（大辣）一黎到見到lunch set嘅香辣干鍋都有咁大份有啲驚訝。揀左牛肉、雞軟骨同埋西蘭花。西蘭花有大約四五舊，索曬所有香辣味，同白飯好夾。雞軟骨好正！一定要再叫！有好多粒，每粒都好好食。牛肉ok正常。香辣鍋底好正。麻辣干鍋（大辣）有超多花椒，麻辣味十足。雖然大家都係大辣但好似辣過香辣好多咁。但冇香辣嘅味道咁豐富，所以都係香辣正啲。揀左牛肉、雞件同埋紅薯粉。紅薯粉係扁身闊嘅，口感唔錯，成條都係麻辣味，但如果配香辣應該會正啲。雞件唔錯，但得四舊仔左右。牛肉都有幾多塊。因為好開胃所以不知不覺間食曬，一停低發現飽到上心口。叫左一罐可口可樂同埋一杯豆漿，都幾驚訝豆漿竟然都幾細杯，不過都幾解辣。下次再黎應該會叫返香辣大辣、雞軟骨、西蘭花，再加一個未試過嘅配菜。

第一次食嬤嬤辣辣嘅時候，覺得真係好好食，依家覺得點解越黎越唔好食，今日叫咗一個外賣，一份蝦，一份田雞，點知蝦就得兩隻，田螺就勁難搵，份量越黎越少，少得可憐，以後都唔知仲食唔食好

見到好多人贊，又剛剛去深水埗，便買回去一試。$69一客三餸的午餐乾鍋，我選擇了尤魚鬚，肥腸及田雞。田雞好小，肥腸就最多，可惜肥腸不是洗得好乾淨，有些不好的味道，加上沒有炸得好香脆，所以覺得好肥膩。這個套餐的價錢，配菜只是辣椒，沒有其他的配料例如豆角或菜之類，略帶單調。加上味道亦不是太出色，普普通通,試一次便夠了。

今日收工同女友去深水埗買電腦野，見架車咁岩泊到個錶位，於是就決定食埋晚飯先返去啦！見到有間嫲嫲辣辣，令到我d口水都即刻流呀！好啦！就等佢啦！由於舖頭比較細關係，同埋一枱只可以坐兩人關係，都等得幾耐，等左半個鐘左右就有得食啦！坐低就立即點菜啦，我地都係選左個自選大鍋啦！辣度就選擇左微辣，配餸就有魷魚鬚，肥腸，雞腎，秋葵同埋豆腐乾，再加多兩碗白飯，正呀！等左無耐就有啦！香噴噴，魷魚鬚就真係好惹味，份量都夠，加上d辣油就配合得好完美。而肥腸師傅首先就會先走一走油，食落去會外脆內軟，裡面d肥膏再加上辣椒就真係好香口，可惜要揸車，如果唔係一定加支青島，不過肥腸e類食品都唔好食咁多啦！咁住到雞腎啦，香辣爽脆，而且雞腎味道都好出，值得一試。秋葵啦，開頭重以為係青椒黎呀，後尾想起原來自已有叫秋葵，於是就食啦，份量都好多，而且煮出黎你係重可以清潔食到裡面嘅黏液，新鮮。最後就係豆腐乾啦，豆腐乾基本就係辣野嘅絕配，本身味道唔濃嘅豆腐乾再加上辣味就真係好出色。最後我地兩個都好快晒啦！埋單走人。

嫲嫲辣辣深水埗福榮街105號地下自己 一直都好鍾意食辣嘢，所以一直都有幫襯開呢間餐廳，最鐘意就係佢既干鍋餐廳既午餐客飯大部份都係$5x蚊，都幾合理，而干鍋就貴少少，因為可以選擇左鍋底再揀3款配料，而我專登黎到當然係食干鍋啦同朋友叫咗一份麻辣一份香辣share食，無食一排水準依然keep到，都係咁好味，炒得好香好夠鑊氣，如果有d朋友係唔食辣嘅都唔緊要，因為可以揀蔥爆都一樣咁正㗎

Lunch with two of my friends who left Hong Kong at least 5 years ago, not too long but not too short either, I recommend them to try this Chinese restaurant which is famous of its strong and spicy dishes. Thanks to Google, found that it is called Sichuan Stir-fry.We ordered 3 lunch sets which are as follows:1.     Fried sliced meat with welsh onion  -  it taste quite sweet yet spicy with lots of welsh onion slices, not too soggy as those onions are still chewy. It goes too strong and a bit over-

今日一行5人去深水埗睇下電腦用品 順便食個lunch 朋友仔話食辣野 就諗起嫲嫲辣辣 之前食過佢d干鍋好正 舖頭唔係好大 我地等左15分鐘左右就入座啦我哋每人簡左一個lunch干鍋套餐$69 一個鍋底 三款配 一款飲品 如果再加配菜每款$20 鍋底可選香辣 麻辣 孜然 蔥爆 辣度都好自由選擇 今次有兩位朋友唔係好食得辣就揀咗微辣 佢哋都可以接受 我哋食得辣嘅就揀返中啦我地5個人都叫左不同種類配菜一齊食 有五花腩 牛柏葉 貢丸 墨丸 牛展 肥腸 雞件 紅薯粉 蓮藕仔 田雞 脆皮腸等等 另外加左個水煮魚 酸辣土豆絲 推介肥腸 脆皮口感煙韌 另外牛柏葉 紅薯粉 吸曬入面嘅麻辣汁 好正干鍋非常惹味 送飯一流 略嫌麻味唔夠重 真係越食越想食 但土豆絲同水煮魚就認真麻麻 土豆炒得太林 酸辣味唔夠 水煮都係唔夠味 都係干鍋做得出色啲

這是一間在港著名的四川小店，最簡單的點菜方法就是好像吃車仔麵般寫紙仔order 麻辣乾鍋午餐，再和朋友 share 吃！我點了微辣鍋底，再配以牛肉片、豬大腸、油麥菜，四川味道果然不同凡響，偏辣而不偏鹹，吃完午飯口腔仍有刺熱的感覺，但仍是可接受的辣度！朋友點了孜然鍋底，配以炸魚蛋、娃娃菜、金錢肚等，吃起來好像孜然較適合不嗜辣的朋友試吃！這頓平價四川菜午餐，口感十足，Hot & Spicy，不妨一試! 😋😋😋

小妹去開深水埗黃金電腦商場，順便過來吃，是預先在Openrice查看過想吃的餐廳之一(因為小妹超愛吃辣)，既然經過就試試吧。今天撞到中午放飯時段，所以要排隊等位～這裡有干鍋及客飯的午市套餐可供選擇客飯的價錢合理～干鍋則較貴了一場來到，當然要吃干鍋因為第一次吃，所以先點麻辣小辣試試味，結果是不夠辣的，小辣椒們可以試中辣至大辣～小妹點了麻辣小辣干鍋，配了薯粉、萵筍及金錢肚$89賣相其實很不錯～豬頸肉應該被用過鬆肉粉，有一種「乸」過的味道。金錢肚亦是無味的...蒿荀不夠熟，太爽而且有草青味，沒有辣味。不知是不是因為干炒的原因～薯粉是好一點了，只是看起來都是沒有被煮熟的樣子。但味道是不錯的，有微辣白飯的表面更是乾身結焦了，像是一早盛好並放了很久！.其實整個干鍋聞起來是很香的，但材料不夠好，所以下一次還是吃點麻辣燙或水煮吧～