孖妹點心‧又記小廚

Open Now

Now Closed

在openRice食評，見到此間點心專門店食品價錢非常抵食，4月9日同靚媽往廣東道，果欄買榴槤前，順路到此店，飲個早茶，此店屬小店格局，舖内環境算闊落，相較座位之間就比較擠迫，幸好當日顧客不多，靚媽和我都坐到滿意座位，坐落後先知此店見實行亞公茶水制度，没有指定品種茶葉供應，總之全店清一色飲淡潽洱，飲過杯茶睇吓張點心紙，果然樣樣都係平民貼地價錢，最令肥華驚喜嘅，此店除有一般點心店嘅大路點心供應外，竟然有肥華及靚媽至愛之一，羗䓤撈魚皮，當日前後合共點了八款食物，每款都對得住個價錢有餘，呢間孖妹值得推薦

孖妹點心營業的早上05:00至下午15:30，顧名思義，由一對孖生姊妹營運；細孖主力樓面，大孖負責尾門。晚上則由另一批人主理，模式似Viu早前電視劇「三一如三」，同一空間由不同嘅方式分時間營運。大集團酒樓嘅點心早已經由中央厨房交貨，因此流水作業嘅方式，有期望係完全不切實際，唯有喺呢類小店先可以有機會再嘗試呢類貨真價實嘅點心。個別蒸飯+點心，$35! 免加一免茶芥，人情味濃又恐防食客吃不飽，絕對值得同大家分享。P.S.自家炮製辣椒醬非常出色！