安記士多

Open Now

Now Closed

昨天帶九龍啲朋友一早去南生圍行吓，睇風景，下晝覺得有點餓，上openrice睇吓有乜好介紹，見到有間叫安記士多有個讚佢間啲奶茶有水準，咪去試吓，叫咗個豬扒公仔麵同熱奶茶，杯奶茶真係幾好飲，最難得就係個豬扒公仔麵好好味，塊豬扒好正，同元朗舊墟路嗰間鳳園茶歺廳真係爭好遠，鳳園又貴又難食，呢間價錢公道好多，塊豬扒好juice，估唔到仲可以食到咁美味嘅豬扒，我覺得而家元朗真係好難揾到好野食，所以呢間值得試吓。

經朋友介紹搬咗去元朗南邊圍村屋，貪佢近西鐵站，返工又放便。今朝放假經過村口見到有間安記士多，好奇入去睇吓有冇嘢食，點知真係有早餐食，雖然唔多選擇，不過都即管試吓囉，我就最緊要杯奶茶梗係試奶茶啦，居然有驚喜喎，個杯奶茶茶味濃又夠滑跟住就梗係試埋其他嘢啦，個米粉軟硬度適中味道又幾好，麵包超軟熟價錢又公道，服務態度好，環境OK，勝在夠寧靜，啱晒入南生圍睇風景啲朋友，值得推薦。好食過元朗舊墟路嗰間鳳苑茶餐廳好多，嗰間啲野又唔好食又貴。