官塘友清湯腩雲吞麵

Open Now

Now Closed

每次返工經過，聞到煲湯味濃郁，香，十分吸引。餐牌算多選擇，又可以雙拼。食落，湯味冇想像中濃郁，算清淡。份量較多，足以飽肚。牛腩雲吞各有幾舊，又大份，牛腩口感淋身，牛味就少啲，雲吞入面蝦幾爽口，味道唔錯，配菜白蘿蔔幾好食，少少入味，淋身，好清甜，河粉就一般，冇特別。整體來講，一般水平，唔會失望，但又唔會有驚喜。以價錢來講，唔使50蚊係觀塘工業區食午飯，味道和份量都對得個價錢，算係咁。店內環境睇落乾淨，少少迫。

呢間觀塘友清湯腩雲吞麵🍜位於官塘廣場，其貌不揚，座位唔多細細間。最啱唔係好肚餓，想簡簡單單食碗湯河嘅好選擇😆📌皇牌清湯牛腩河 $43🍜碗麵個份量有啲少，男士如果淨係食一碗麵應該唔夠飽，呢個價錢唔飽飲品，係有啲貴🤑湯底都清甜，唔係味精湯，牛腩夠腍，肥瘦適中，蘿蔔都清甜冇渣👍🏻 🌟推介指數：😈😈😈（5😈為滿分）

🔔follow Instagram @my_foodie.foodie 更多有關香港既好野食啦!🔔今次晏晝去咗觀塘廣場一間老店食牛腩河，地方細咗少少，油煙味有少少重，不過以小店來講其實差唔多🤤清湯腩牛腩河粉 $4x辣油可以任加，晏晝唔包嘢飲要比正價嗌嘢飲就爭啲。同份量我覺得有啲少，湯底夠味，但偏淡，如果唔想食太濃味嘅就岩曬🫡牛腩有啲好嫩口，但係有啲就麻麻哋，整體我覺得不過不失味道: 7/10環境: 7/10服務: 7/10人均: $40-70

口痕突然想食牛腩近廠廈依邊食嘢就多但牛腩真係無乜選擇所以求其入咗嚟位於觀塘廣場一角鋪仔細細 繁忙時間都坐得幾逼下睇落少柴 食都係 唔算好味係有多舊蘿蔔食下咁就四十三蚊

官塘友招牌寫住係清湯腩，但入面亦有推介雲吞麵，而且餐牌排位置頂，所以⋯⋯試伏。雲吞係全蝦，每粒雲吞有隻半蝦，蝦爽，但食唔出鮮味，因為調味好重手，蓋過晒所有食物本來嘅味道，而且調味有點怪，鹹得來偏甜，總之一個字：味道偏甜怪怪地！湯底預設自動波加腩汁，又係得一個字：鹹！味精湯，食完即刻頸渴⋯⋯ 讚嘅係，粗麵爽滑，多滑少爽，冇乜鹼水味，ok幾好。雖然冇韮黃，但啲蔥又幾香喎！總括來講，唔算太伏，但收呢個價錢，我諗唔到回頭嘅理由⋯⋯

咖喱牛腩啲咖喱好似馬來風味，惹味唔辣。吉列豬扒即叫即炸，不過不失。同碟跟普通蕃茄醬或沙律醬。豬膶酸辣米線啲豬膶不錯，酸辣湯底嫌佢材料唔夠。依家下午茶時段單點送熱飲。

之前路經觀塘廣場，發現左呢間官塘友清湯腩雲吞麵 。曾經試過佢既咖哩牛腩飯，所以今次想試試佢既清湯腩係咪同樣咁出色，今次點菜點得好豐富。牛腩雲吞豬潤蘿蔔米線湯底清甜，食完唔會感到油膩口渴。米線上面灑上比較多蔥花，正。招牌牛腩一如以往咁冧身出色，完全唔會感到肉質好乾好柴。招牌雲吞爽脆，味道屬中上。豬潤非常大件厚身，食落爽脆可口，再點少少辣椒油，好好食。蘿蔔清甜，食落唔會有渣。整碗米線份量足料，賣相唔錯，價錢相宜，地點鄰近地鐵站，實屬性價比之選。

放工肚餓求其搵間嘢食下，環境同普通舊式茶餐廳差唔多，落單嘅姐姐都算有禮貌，叫咗一碗豬潤米粉，酸辣要加錢，紫菜都要加錢，酸辣唔太辣，豬潤好好食，米粉都係正常嘅米粉啦。然之後嗌咗一碟芥蘭，過得去蒜香雞翼幾香脆，蒜香味都幾好，油炸嘅雞翼唔會滴油。如果無聊肚餓應該會再食，價錢中等叫咗三樣嘢埋單$103，可以接受，見到佢仲有幾樣野我都想試，湯底都係普通清湯，冇乜特別，搭枱嘅情況有啲令人恐懼，不過小商戶晚飯時間就原諒佢啦。

再次食咖哩牛腩飯有次阿姐見我食咖哩食得咁滋味，主動幫我加了一少碗咖哩，唔係大食既人，分量啱啱好。每次油菜跟白蘿蔔都保持水準文昌雞飯，清湯牛腩魚皮餃河都唔錯可惜只收現金

通常我唔多食咖哩,點知食過呢度之後就上癮如果未食過佢個的咖哩你千祈要試.如果唔係就走宝!因為太好食唔記得影相你一定要食清湯牛腩, 咖哩牛腩同埋豬潤麵清湯牛腩個湯底係一流我都未食過咁好食嘅一定一定一定要食尼間已經成為咗我搬來觀塘之後最好食嘅餐廳反而飲品就麻麻地可以唔叫個豬潤個texture有啲似鵝肝嘅感覺, 超級好味不過係有啲筋

🔸️ 世界級好食既牛腩🏅🔸️ 嚟開觀塘一定要試啊❗⭐ 秘製咖喱牛腩飯＄49🔸️ 牛腩好淋好入味 咖喱汁一試難忘😍＄49性價比好高 包一杯飲品👍🧸推薦指數：⭐⭐⭐⭐⭐⭐ 金牌鮮蝦雲吞麵＄38🔸️ 麵質彈牙 每粒雲吞有鮮蝦 好食👅👍🧸推薦指數：⭐⭐⭐⭐㊙️總括而言，牛腩飯真係無得輸，兩個人叫一個飯加一碗麵，份量剛剛好🥰❗觀塘友清湯腩雲吞麵觀塘開源道68號觀塘廣場地下G26-27號舖

店名為清湯腩雲吞專門店，咁一定叫呢2種啦。先是雲吞麵，5隻雲吞細細粒，雲吞的散尾部分不多，雲吞皮很薄，可清徹看到包住鮮蝦仁，咬開看見內餡幾乎全是爽口彈牙的蝦仁。幼麵條唔會煮得太淋，有咬口兼韌中帶軟，且亦很爽滑。另一次光顧叫咗清湯牛腩雲吞河，牛腩無太多肥膏，軟淋亦有肉味。湯底很清，但又不失味道，最喜愛是有幾塊蘿蔔，清甜。河粉薄滑，仍有韌度，唔錯。下午茶時段仲有熱飮送，仲可叫柚子茶都可以。不過今日飲了檸茶。

今日出到觀塘做野，行過見到入面好多食客，而家環境整潔，所以入去一試，見到招牌寫住雲吞就試試佢啦。雲吞大大粒，有一隻蝦，都好鮮好彈呀，唔錯唔錯。面就叫左普通幼面，少少鹼水味，ok。

經過觀塘廣場想食個快嘅，見到呢間都多人食就試一試。好耐冇食牛腩麵啦，試吓先。冇令我失望喎，牛腩份量都幾多，肉質幾滑，係半肥瘦，一啲都唔硬，幾好食。我感覺好似面比牛腩要少，我食完面都仲有牛腩。可樂就要$10啦有啲貴，個面都只係$36都幾抵。下次可以再試下其他，佢有外賣可以打電話嚟叫，但係就唔送外賣既。我見佢有飯都係$47，都唔算話太貴。同埋食個快嘅又可以走啦。個位置都方便嘅，觀塘廣場去東廣場中間嗰條路就係啦。

是日因社會問題鐵路全面癱瘓，陸路交通大排長龍，連大型商場及連鎖店也大多關門。唯有留在觀塘閒逛小店以打發時間。 餓了走到觀塘廣場搵食，入咗呢間粉麪店，似乎雲吞和清湯牛腩也是主打。不過潮式紫菜四寶米線更吸引我。成碗粉唔算好大碗，四寶分別是白魚蛋、魚片頭、墨丸及魚皮餃，每樣一粒。白魚蛋同魚片都幾彈牙；墨丸的墨魚味都算出；魚皮餃都幾大粒，味道正常。而紫菜唔係淋哂放係湯度，係未燙過咁放面，所以食落會有少少咬口。不過最正都係個湯頭，通常粉麪店的湯都係大地魚湯，偏咸。不過呢間舖的湯多了一種甘甜味，同我食完碗粉後唔會口渴! 雖然以食粉來說，這個價錢同份量唔係特別扺食，少少貴，不過味道的確係贏過不少店。