Video
6-min walk from Exit A, Tin Shui Wai MTR Station
continue reading
Telephone
55487507
Opening Hours
Today
11:00 - 01:30
Mon - Sun
11:00 - 01:30
Above information is for reference only. Please check details with the restaurant.
天盛呢間賣兩餸飯既外賣店開左一段時間都未試過，收工買外賣果陣就決定試下，35蚊有2款餸，3餸飯就41蚊，加野飲就4-6蚊，餸既種類都算ok多，大約十幾款。咁我就揀左平時都鍾意食既生炒骨同花生豬手，首先個量都算幾多，但個飯就好黏，痴笠笠（唔係汁多果隻，已經係食無汁果邊），少少濕，飯味都無乜，口感好差下。生炒骨就細細粒，唔知係咪炸過頭外皮就幾脆，但好乾好柴，雖然肉多過骨，但太柴了，酸甜汁又唔夠味，吞都有d難。花生豬手就大約3-4件，豬手係炆得好腍，同樣唔太夠味，可能調味比較輕手健康d掛。整體黎講我覺得係差，餸果度當我揀得唔好，但飯又黏又痴笠笠我接受唔到，成個飯我勉強食左大半已食唔落，雖然話35蚊唔方有咩高質素，但都叫有其他選擇，我應該唔會再買。
continue reading
晚餐唔知食乜好？又想慳錢？食兩餸飯啱晒！分量多味道好羅漢齋菜配蒜蓉炒雜菜每次必點之選豆腐好有口感，又唔會太鹹太油！仲有少量木耳、杏鮑菇、紅蘿蔔片同粟米芯！夠晒營養蒜蓉炒雜菜比想像中好，食落唔會好大浸油味，炒得好爽脆。雜菜包括椰菜花、西蘭花、高麗菜。啱晒想食外賣又想同時補充蔬菜的我。鹹菜豬腩肉配四季豆炒椒鹽豬扒四季豆炒椒鹽豬扒又係每次必選豬扒夠晒入味香口、四季豆今次炒得比較失色，太淋了。鹹菜豬腩肉有驚喜，成個食落好開胃。腩肉都炆到林晒冇乜見到有肥肉！整體而言，$35有咁嘅質素加晒分！不過今日啲飯都係超級林。硬身少少會好啲。
continue reading
天盛立食街呢檔雙餸飯每日都好多選擇，價錢又合理，成日都見好多人買，趁住經過天盛，就買翻一盒試吓啦！叫咗兩款最大路最常叫嘅餸款：生炒骨同鹹蛋肉餅。賣相都唔差，生炒骨俾嘅份量都算多，飯量都頗多。生炒骨味道酸酸甜甜，醬汁都算厚，算多肉，偶有一兩嚿骨較大，有啲都有軟骨可以咬，唔錯。肉餅都幾厚，上面有幾多鹹蛋，肉餅本身唔會太鹹，而且食落唔粉，肉嘅比例應該都唔少。味道okay。雙餸飯嚟講幾好，份量夠，價錢平，夠貼地。
continue reading