富成快餐店

Open Now

Now Closed

而家因為新冠病毒疫情嚴重，所以夜晚六點後都不能在街食飯，因為我愛食炸雞髀，所以會四出試試，剛巧昨天想是某間快餐店，但原來冇開門，於是望見對面竟然仲有一間富成快餐店，就入去一試，望見個餐牌，真係款式多過酒樓，令人有選擇困難症😁，揀咗好耐，最後我買了一個蝦仁炒蛋飯，公司三文治，與及一隻炸雞髀外賣。試梗係試炸雞髀先啦，令到皮脆肉香，但肉稍乾少少，整體會令人不停繼續食，但還有進步空間，公司三文治，材料豐富新鮮，好食！輪到蝦仁炒蛋飯，超級有驚喜，好過很多酒樓，很有鑊氣，很香而且，味道有少少鹹香，食到係用真嘅蛋，加埋九黃非常惹味好送飯😌依家出面，無論大小酒樓茶餐廳，😡炒呢個餸通常一攤水，又落重糖同味精，蛋又少及溝蛋粉開，非常難食！

小妹喺九龍站附近返工 位置偏遠 無咩食肆 但要好感謝富成快餐店 打電話叫外賣 一個餐都照送 而且三十幾蚊包埋熱飲/湯今日午餐 小妹叫咗肉絲炒麵 一如以往 超級大盒 lunch食唔完 可以留返下午茶... 味道唔錯 肉絲、菇、芽菜嘅份量都好多 但做法卻稍微遜色 因為啲麵太林... 肉絲炒麵嘅精萃應該係脆脆麵！（不過平心而論 富成嘅其他出品還是相當不俗） 睇下碗湯幾多料？而且一啲味精都無 飲完唔會頸渴 非常好味道