富景清香麵家

Open Now

Now Closed

今日路過北角，一於試個馳名嘅牛腩飯😋😋牛腩肥瘦相間，又香又軟又嫩，最驚喜件數都唔少，十分足料，食極都有😆，生菜吸盡牛骨的鮮味和甜味,，份外配上白飯，認真有水準😋😋鮮蝦腸粉😝用米漿蒸的皮簿軟滑，米漿唔會太稀亦唔會太"傑"，薄薄的外皮包住鮮蝦，一啲雪藏味都冇，雖然蝦肉不是很大，但勝在夠多，十分足料👍👍👍豉油王炒麵色澤比較深，但食落一啲都唔太鹹，炒得非常之入味，又唔會太油膩🤭🤭🤭🤭還有很多其他不同選擇 店員服務也nice ,Kai fong style 🤭🤭🤭總括來講做得相當不錯，不論飯類或小食午餐🥣晚餐🥣下午茶都可以係不錯選擇👍👍👍👍下次再試下其他，屋企人都話好味😋

今日幫朋友照顧佢個小朋友一個下午，lunch 買左個外賣返屋企同佢share 食，叫左一份馳名牛腩飯、一客炸薯條、豉油王炒麵。希望啱佢食🤪🤪🤪返到屋企打開個牛腩飯，香噴噴🤤🤤🤤，牛腩炆到非常入味，份量足夠，半肥瘦嘅牛腩非常非常鬆化，腩汁香濃，配上滿滿嘅白飯。非常滿足飽肚😋😋即叫即炸金香脆口嘅薯條，配埋鮮笳醬最啱小朋友😆😆😆😆豉油王炒麵色澤均勻，炒到非常香口。小朋友都讚好味🤭🤭🤭🤭

今天酷熱天氣警告吓，氣溫高度34度🥵🥵搞到冇乜胃口，好想食d 麵食，易入口。喺北角做完嘢，就去咗呢間「富景清香麵家」喺北角匯對面，隔離係北角地鐵站，真係交通便利。入到去見過餐牌好靚仔，有涼拌小食「涼拌萵筍」即刻落單！ 另外問侍應姐姐有咩好食推介，佢推介我食呢個牛腩麵同埋我叫咗杯凍奶茶。「涼拌萵筍」實在係夏天一大美食，價錢又優惠，真係超開胃👍🏻👍🏻👍🏻👍🏻！ 淡淡蒜蓉味，令到胃口大增。下次一定要試埋其他小食，真係好想食晒佢🫶馳名牛腩麵嚟到，見到佢肥瘦均勻，仲好香， 真係不得了， 肉質超軟稔， 入口溶化仲有好香濃嘅牛味；個湯底都好夠味， 配埋彈牙嘅麵條簡直一絕！另外，想贊係餐廳環境乾淨企理，侍應姐姐態度都好好，見我問有什麼推介都不厭其煩地解答我。下次去開北角搵嘢食，一定會再幫襯呢一間好味牛腩麵🥰🥰富景清香麵家 (北角)北角渣華道132號渣華商業中心地下

經過幾次依間舖頭，以為只係普通牛腩麵店，原來佢哋除咗麵食之外，仲有即叫即整腸粉，同埋生滾粥，選擇都幾多🤔🤔餐廳入面環境都算乾淨企理人手充足，落單同上菜都算快有明火生滾粥已經好吸引，仲要有埋自家製腸粉！$110 咁大碟筋腩肚！性價比非常高！本身仲諗住下面一定係墊咗好多嘢啦… 錯喇，只係得幾塊生菜，所以牛筋，牛腩，同埋牛肚嘅份量真係好多👍🏼👍🏼非常滿足，點埋佢哋嘅辣椒油，非常香，生色不少！碎牛粥，分量比預期大！ 足底非常香滑，仲見到有少少腐竹，好好飲👍🏼👍🏼新鮮滑牛肉腸粉我自己不嬲都幾鍾意食滑牛，第一次食滑牛腸粉，整體都唔錯，腸粉皮唔會太厚，而且個豉油都幾正😎😎

After finishing our exercise at North Point, we were feeling hungry and tired, so we decided to find a place to have our lunch. We walked past this noodle restaurant and decided to give it a try. 富景清香麵家 was located at Java Road, couple of minutes walk from North Point MTR.They offered signature beef soup or rice, snacks, porridge, steamed rice roll and drinks etc. Iced coffee and iced coffee with tea were smooth and milky, with strong fragrant coffee smell. Thai chicken feet salad -  Chicken fee

🔸牛腩拼牛肚 $110牛腩冇咩肥膏但肉質唔會嚡，筋膜部份幾有𡁻勁。牛肚爽彈又入味。肉嘅份量好多，反而墊底嘅菜比較少😂。🔸炸雲吞 $30雲吞飽滿大粒，鮮蝦🦐🦐餡好彈牙。即叫即炸夠香脆，雲吞皮好重蛋香。🔸紫菜四寶麵 $45手打丸好彈牙。白魚蛋有魚肉甜味，墨魚丸好鮮甜。紫菜份量唔少。整體嚟講味道唔錯，價錢都唔貴。佢哋仲有生滾粥同埋腸粉，下次要試下。📍富景清香麵家 (北角)北角渣華道132號渣華商業中心地下

今日放飯時間係公司附近搵左一間麵店食午餐。店舖係正常茶餐廳裝修，有四張圓枱及多個卡位。餐牌上面都係傳統既粉麵飯食，而且價錢相宜，樣樣食物都大大份，性價比真係幾高。🌶️泰式鳳爪 $33鳳爪大大碟，有好多隻，入口味道酸辣，而且真係特別夠酸，好入味，混合左不少辣椒同洋蔥。🦐鮮蝦腸粉 $25係店鋪自家製既腸粉，有兩條八舊，淋上甜豉油，而且加上好多香蔥，裏面既蝦較細隻。🍜一鳴雲吞麵 $32 轉左河粉真係超級大碗，河粉份量相當多，仲有五粒雲吞，雲吞入面有豬肉同細蝦肉，建議加上牛腩汁，哩到既牛腩汁幾好味。🥛午餐時間凍飲加$9，我就加左豆漿～下午茶時間飲品唔使加錢，凍飲加兩蚊

餐廳：富景清香麵家 (北角)地址：北角渣華道132號渣華商業中心地下喺港島區住咗接近兩個月，喺炮台山、天后、北角食咗唔少一直未去過又想試嘅餐廳🍴，嚟緊要開始做返九龍人，臨走前突然好想食返碗牛腩麵(實在太耐無食喇)之前聽過柴灣呢間開咗十幾年嘅富景清香麵家，原來一年幾前喺北角渣華道開咗分店，好多人對佢哋主打嘅牛雜同牛腩都讚不絕口，今次唔試真喺對唔住自己😎✝️坑腩粗麵 $43坑腩位於牛腰肋骨嘅肉，將牛肋骨拎走之後會出現一條條坑紋，所以被人叫做「坑腩」。坑腩嘅牛味比爽腩、崩沙崩等更加香濃，肉側痴住少少筋膜🤏，肥瘦相間，一啖就食到爽腍兩種口感🤤；粗麵爽彈唔會煮到腍晒，索晒牛腩汁勁好食，唯獨喺湯底略為有些少油膩同鹹，不過睇睇價錢其實又真喺幾抵食👍✝️蠔仔肉碎粥 $36粥底都幾多，有接近兩個飯碗份量🍚，兩個人share一碗食都得。蠔仔目測有十幾粒🦪，不多不少，無沙石亦無腥味😌，整體味道比較清淡，啱晒鍾意食得清啲嘅我😆另外叫多個涼拌黃瓜拼海蜇($37)同菜心(跟餐+$12)，海蜇醃得酸香開胃，配粥食就更夾👏；而熱飲跟餐就加$7☕️，總算喺平凡之中為我嘅港島之旅畫上完滿句號🥰

富景清香麵家 (北角)北角渣華道132號渣華商業中心地下豆漿$11中式午餐飲豆漿，好味常識。爽脆海蜇$33最鍾意就食海蜇，麻油味剛剛好，口感爽脆，性價比高又大碟，好味又唔會肥。🥳皮蛋雞絲粥$25大大碗勁足料，皮蛋夠多，雞絲入味，唔會攝牙。荔灣艇仔粥加皮蛋$35艇仔粥勁多料有魚肉、瘦肉、油炸鬼、花生、蔥花，亦有加入浮皮、海蜇、牛肉、魷魚等。粥滑軟綿、芳香鮮味。炸兩$12要讚腸粉皮超級細滑，油炸鬼夠脆😋蔥花雞蛋腸粉$21好少喺香港可以見到咁懷舊嘅食物，腸粉夠細滑，蔥花蛋香，可能真係嚟呢度先有得食。😋

朋友生日都北角的其中一間酒店慶生。剛好遇著她需遇家人食飯，只好與另外的朋友在附近買些晚餐到酒店食飯。我們都好少到北角尋找食物，剛好大家都只想食些傳統的麵食，見到呢間就決定買外賣試試。餐牌的選擇都好多，有不同的小食、麵類、飯類及粥品類。座位闊落，空間感覺舒服。我們三人點選了以下食物。1.涼拌黃瓜拼海蜇（ $37）作為夏天小食就啱曬，冰凍海蜇紮實爽口，充滿麻油香氣，還帶有甜甜的味道。黃瓜清爽入味，帶少許的辣，但好愛食。2.郊外油菜（ $22）太耐無食新鮮的蔬菜，新鮮的生菜配上蠔油，正3.酥炸杏鮑菇（ $31）杏鮑菇紮實、有嚼感，口感彈牙，加上外表炸得金黃酥脆。4.蔥花雞蛋腸粉（ $21）腸粉有米香，吃起來又蛋香又用蔥花的香，沾小小豉油連同蔥花，味道不錯5.炸兩（ $12）腸粉油炸鬼挺香，頗有水準。可惜無拿到甜醬辣醬。6.一鳴雲吞河（ $32）雲吞皮薄，滿滿的蝦肉雲吞有5粒，爽口彈牙，配上河粉，真係好飽肚，好滿足。7.紫菜四寶河（ $45）有機會大家要試試佢既辣椒油，夠惹味夠辣，最愛用來配麵食及小食。有機會要試堂食，因為始終外賣拿返去有些食物會無堂食咁正。

富景清香面家香港北角渣華道132號渣華商業中心地下A鋪富景清香面家香港北角渣華道132號渣華商業中心地下A鋪. 廣東人每日架主食, 離不開粥飯麵。唔想食得太油膩時, 我通常都會去幫襯粉麵店。 $49 炸雞飯,連飲品或紫菜湯，炸雞比較乾身，但佢跟美極完全係加分位小食$37 青瓜海蜇, 涼盤健康, 夏天好熱真係唔想食太熱架野。$35一玩牛腩河，真係抵到爆呀！但麵就唔跟飲品要散點。加下辣油個河粉勁好食，湯好飲足味。其實見佢有油炸鬼，腸粉，栥飯仲吸引，但早餐時段先有心 廣東人每日架主食, 離不開粥飯麵。唔想食得太油膩時, 我通常都會去幫襯粉麵店。 $49 炸雞飯,連飲品或紫菜湯，炸雞比較乾身，但佢跟美極完全係加分位小食$37 青瓜海蜇, 涼盤健康, 夏天好熱真係唔想食太熱架野。$35一玩牛腩河，真係抵到爆呀！但麵就唔跟飲品要散點。加下辣油個河粉勁好食，湯好飲足味。其實見佢有油炸鬼，腸粉，栥飯仲吸引，但早餐時段先有心

今日要嚟北角上堂，有人話下晝收早，過嚟接我放學，然後一齊去食晚飯。沿書局街轉入渣華道，見到有間「富景清香麵家」，睇咗門口餐牌，原來餐廳除咗主打粉麵外，仲有粥同腸粉等供應，啱晒我倆心水，一於試下。先嚟一碟富景炸醬撈麵 ($40)  炸醬以傳統方法炮製，肉絲好鬆化，醬汁酸酸甜甜，麵條亦勁道十足，爽口彈牙，撈埋啲炸醬一齊食，甘香惹味。鮮鯇魚腩粥 ($40)  魚腩肥美新鮮，入口嫩滑不嚡，大塊又量多，屬足料之作。粥底稀稠度亦啱啱好，入口帶魚香魚鮮，而且最重要就係冇腥味，令人吃得很滿意。陳皮碎牛腸粉 ($25)  腸粉皮又白又滑，牛肉剁得夠幼細，而且真材實料，食落肉質好軟嫰，帶陣淡淡陳皮香，淋上甜豉油，啖啖滋味。仲有兩日就端午節，見到餐牌有蛋黃牛肉粽 ($38)，當然唔可以錯過，點番隻嚟應下節。睇下幾足料，有牛腩、鹹蛋黃、糯米、綠豆等。牛腩非常軟腍，酥而不爛；糯米糯而不粘，油而不膩，加上索滿醬油香氣，令人食指大動。加咗個小食黃金魚片頭 ($31)，片頭經油炸至金黃色，外層厚皮香口，內裡彈牙結實，有魚味又唔會油淋淋，甘香可口。跟餐飲品點咗杯凍奶茶 (+$9) 同 豆漿 (+$9)，奶茶香滑，甜度適

琴日行經北角匯諗住喺入面搵間餐廳食嘢啦點知行勻成場老竇都話唔啱食最後去左對面間粉麵店食—————————————————————都好耐無食過港式粉麵😂牛三寶通常都係食開台式嘅紅燒所以整番個港式牛三寶先以港式粉麵店嚟計佢都俾得幾大方筋腩肚每樣都有5大件基本上淨食餸都已經飽左🙈牛腩唔痴牙又夠冧牛肚夠入味牛筋膠質超強懷疑係俾啲膠質塞飽🤣至於老竇竟然揀左鮮牛粥真係估佢唔到望落去碗粥好軟綿食落好夠味喎👍🏻不過中島都係叫左兩個小食好少有得食嘅炸雲吞同炸墨魚頭佢哋嘅炸物都幾唔錯新鮮即炸所以脆卜卜熱辣辣墨魚頭外脆內嫩 雲吞配泰醬絕配最後兩個人都食到飽飽😋—————————————————————✎ 筋腩肚麵 $48✎ 鮮牛粥 $38✎ 炸雲吞 $30✎ 炸墨魚頭 $45✎ 豆漿 $11

地道牛腩好味道！有時候想食得普通又滋味其實都唔係咁難呢間喺屋企樓下北角匯附近都有又平又抵嘅美食泰式鳳爪酸甜又開胃而且☺️份量都好足夠！炸兩$12.1碟真係好平呀同埋啲醬汁都係隨便自己加一定要配搭甜醬同埋花生醬加埋一齊更加好味！可以自己出去加鮮蝦腸粉都有幾多隻蝦～配上豉油更加鮮甜招牌雲吞麵雲吞麵大大嚿配上醋感覺上更加突出鮮蝦嘅甜味陪幼麵一流！😆坑腩幼麵佢哋嘅招牌一定要試吓牛腩🥰唔會好油膩而且肥瘦分明椒鹽杏鮑菇Juice又熱辣辣

我同朋友都好鐘意食牛腩，今日就一齊嚟到北角渣華道嘅富景清香麵家食崩沙腩。淨食崩沙腩($130), 一大碟有幾層肉，份量十足，腩汁香氣撲鼻，崩沙腩即係牛嘅橫隔膜部位，十分珍貴，肉間有層薄膜，集爽腍滑三個口感於一身，加上脂肪同肉嘅比例剛剛好，非常美味。爽脆海蜇($33)作為夏口小食就啱曬，冰凍海蜇條條紮實爽口，充滿麻油香氣。新鮮滑牛腸粉($25)軟滑腸粉皮，加上鮮味滑牛，沾小小豉油連同蔥花，入口順滑無比，很有水準。