富都茶餐廳 (Closed)

師傅耐唔耐都會黎呢度食下野, 而今晚亦唔例外, 當師傅去到門口見到佢今晚個晚餐係美式雜扒時已經覺得非常開心, 所以一坐底就即刻叫左個晚餐跟飯配黑椒汁, 餐湯就要左忌廉湯!等左一陣忌廉湯就到, 忌廉湯味道適中, 料又多幾豐富; 至於個主餐美式雜扒就豐富到不得了, 雜扒有煎蛋, 火腿, 腸仔, 豬扒同牛扒, 仲有薯條添; 其實食物嘅質素係一般嘅茶餐廳質素, 並無咩特別, 冇咩大驚喜, 不過勝在誠意搭夠!總括黎講呢個雜扒晚餐嘅質素都幾好, 地方乾淨清潔, 服務都幾好, 價錢又大眾化, 晚餐都係四十二蚊, 絕對食得過! 所以有機會一定會再黎!

今晚返學之前都食晚飯，大家叫左常餐，包括有牛油方包+火腿奄列(奄列炒得唔錯，但方包應該放了一段時間，有點硬)沙嗲牛肉炸菜火鴨絲麵(牛肉一塊塊，夠沙嗲味，炸菜火鴨絲味淡咗少少)凍檸茶總括嚟講都算唔錯。服務態度我又覺得唔錯喎，伙記雖然粗粗魯魯咁，但係頗細心，見我哋用杯茶浸餐具，亦都會問我哋要唔要多杯茶，走時亦remind客人拎齊野唔好磡親頭(因為餐廳內有到係好易撞到頭)

我們是台灣來的旅客,那天因為不知道要吃甚麼而走入了富發茶餐廳,裡面有一個點菜的阿姐態度很差,一直對我們很兇,我們5個人因為食量不大所以只點了4份,那位阿姐就一直逢其他服務生就抱怨我們這桌,並且在我們桌邊一直碎碎念,雖然我們不是聽得很懂廣東話但也都大概知道他再罵我們,而且她都用摔的把餐點"摔"到我們桌上,弟弟的餐點還剩半顆蛋以及半片土司,她也沒問弟弟是否還要吃就把餐盤收走了,揚州炒飯無特色,非常差的一家店

自從師傅試過呢間食店叉燒飯後, 就漸漸對呢間食店產生好感, 不斷黎幫襯! 當然師傅都有試過其他食物, 而最近試過食物分別有干炒牛河, 楊州炒飯同埋蘿蔔牛腩飯!先講下干炒牛河, 炒得好靚, 淨係睇到個樣已經覺得會好好味, 牛肉好鬆好腍, 都幾夠味, 而河粉幾滑, 炒得唔算肥, 加埋d爽口芽菜, 正呀; 楊州炒飯就好足料, 淨係蝦都幾多隻, 加上都幾大隻, 雪種味又唔重, 幾好, 再加上炒飯炒得好乾身, 唔錯; 蘿蔔牛腩飯蘿蔔好腍好甜, 而且冇渣, 不過牛腩就鞋身同埋韌少少, 呢個一般d!總括黎講呢度除左燒味外, 廚房小炒亦係唔錯, 加上地方乾淨清潔, 服務都幾好, 加上價錢又大眾化, 平均都係三十蚊到, 都食得過! 有咁質素, 呢間食店變為師傅新飯堂亦正常不過, 所以一定會再黎!

行完漆咸道某小商場, 沒收穫地返入內街食番啖野路過大大小小餐廳, 惟一支公, 始終要選擇簡單快捷.尖咀內街, 沒有合胃口菜式, 行下行下, 出到柯士甸道, 找到一間茶餐廳, 有叉燒飯, 就入入入.雙拚飯, 有湯有茶, $32. 叉燒甜口, 伴菜用白菜仔, 今餐OK!

上星期一條冷食晏, 於是師傅四圍咁去搵野食, 行行下行到呢度, 見到食店裡面都幾多人, 加上個肚餓到咕咕聲, 於是乎決定入去試下!入到去坐底立即睇下有咩食先, 睇黎睇去, 最後都係決定簡簡單單要碟叉燒飯同凍檸茶!叉燒飯係餐黎, 有例湯一碗, 不過師傅已經唔記得左係咩例湯, 淨係記得個湯都幾多料, 都幾好味; 叉燒飯叉燒係半肥瘦, 肉質好鬆好腍, 加上燒得好香好甜, 蜜味好夠, 真係幾正; 而白飯都叫鬆軟, 加埋豉油汁送飯, 真係好味到冇得頂呀; 而凍檸茶就唔係好夠茶味, 不過不失啦!總括黎講師傅覺得呢間食店叉燒飯真係幾高水準, 比起好多燒味店更好, 更出色, 加上地方都算乾淨清潔, 三十蚊個餐有湯有飯有餐飲, 絕對食得過! 至於其他野食就唔知, 不過下次有機會話一定會試下, 所以下次都會再黎, 師傅覺得淨係個叉燒飯都值得比笑臉啦!

甘我都知衰既，去得茶餐廳食都預左佢唔會太乾淨，但親眼睇到之後，真係食都唔敢食，個個水吧既，搞完個腳呀，個身再去沖野飲，個個燒味都好Ｄ起碼知道衛生會沫下手，入去個廁所，當堂Ｏ咀，呀個地下污做到媽甘．．．Ｄ肉呀，Ｄ麵呀你見到佢點整包你食唔落．．．不過．．．唔知點解佢Ｄ晚餐，扒類個Ｄ就整得唔錯，Ｄ牛扒呀，雞扒都算唔錯，尤其個ＤＴ字骨，勁好味！最後都係睇下你點睇，你頂得住佢Ｄ衛生既話，佢Ｄ野都算幾好味既．．．P.S記住一定要用杯茶洗食具,唔係你今晚好大機會肚痛

快餐很快, 揀左枝竹火腩飯, 加紅湯, 熱檸茶唔駛加錢. 紅湯咸左少少啦, 火腩飯都係咸左d, 肉質算係咁啦.

我經常lunch都會黎富都食,雖然staff過份熱情.又會送中湯飲~燒味飯值得推介,尤其是如果係泰國女人斬燒味的話~一定會斬得勁靚~本人都推介萄汁焗牛肉飯~又抵食又大件~

放學後，好肚餽，一條冷都唔知去邊到食，求其搵間茶餐\廳，點知就咁燒焦。要了一碗墨丸麵，哇！真係未試過咁難食，麵條好似橡筋咁大朕鹼水，墨魚丸成粒都係粉漿，墨魚味都有滴，碗麵上時，冬菜蔥花都冇，仲要成$22，簡直豈有此理，抵佢\拍烏蠅！

早排有天經過, 又餓又累, 想吃保証熱辣辣的飯, 便走進去ORDER個鮮茄焗豬扒飯套餐, 有西湯, 飲品. 速度是快, 但叫得鮮茄豬扒飯, 只得一件小蕃茄, 仲係壞的, 咬下味怪怪, 快快吐下, 明乎其實的爛蕃茄味! 以為算啦, 還有些茄汁伴飯都開胃些, 怎知, 又是啡色得個咸味的不知什麼汁, 沒茄汁/茄膏味, 是燒汁嗎? 又不是! 改良新版嗎? 又算! 見都有兩片豬扒餸吓飯, 一片好少少, 但也沒有吃畢整件, 另一片都不想吃了! 說回飯前的羅宋湯, 以為怎也不會太差, 淡! 稀汪汪的! 湯喝了幾口也沒太大興趣喝下去了! 慶幸湯內有些蔬菜可吃吃和用來餸飯, 少少響應衛生署鼓勵市民多菜少肉的原則. (因為我自己放棄了大半份的肉!)茶餐廳三十多元一個餐是正路的價錢, 但可以有點正路些的水準嗎?

琴日午飯叫左一碗淨四寶,睇落22蚊一大碗好似好抵,點知金肉其外!原來四寶唔多,每樣’寶’都唔夠兩粒,有d兩粒有d只有一粒,例如魚皮餃就呆有一小粒,多既係咩呢?原來係生菜,芽菜同紫菜,尤其是紫菜,填到個碗滿滿咁,好似想用紫菜填飽你咁!仲怕你唔夠食,加舊蘿蔔等你飽少少咁囉!比起其他食肆,我認為呢度食淨四寶唔抵囉!仲有一樣唔話唔得,我要奶茶少甜架,但係佢拎到黎好明顯係無才甜到,甜到滯啦!唉…我都算喇….